من منا ليس له ماضي في الطفولة وذكريات ومواقف ومهما بلغنا بالعمر لم نفتأ نذكرها ويذكر بعضنا بعضا وأكثر جلساتنا تكون كلها مجرد أن نتذكر هذه الذكريات.
وبذلك أحببت آن أذكر لكم طفولتي بشكل سريع
هنالك فتاة صغيره أحبها الجميع والكل يذكرها بالخير وبخفة دمها وباستغلالها لوقتها منذ
نعومة أظفارها فهي دائما مشغولة معطيه كلام الناس ركبه ( يعني ما يهمها كلام الناس آو نصائحهم أهم شيء تسوي اللي في رأسها) كان ترتيبها في العائلة الرابعة بين أربعه أولاد وآخت تكبرها كانت تحب اللعب مع الأولاد الذكور أكثر من الإناث لاحتكاكها بإخوانها ما قد مرت عليها ثانيه واهي فاضيه يا في المدرسة وبعدها دجه مع أولاد الحارة ولا تجي البيت إلا بعد صراخ من الوالد والوالدة تدخل البيت والعيون حمراء ( من الضحك لا يروح تفكيركم بعيد) وإذا رجعت البيت اشتغلت على الفيديو آو الكمبيوتر العائلة آو سيقا آو صخر ( البنت ما تهمها التكنولوجيا أهم شيء تلعب وبس) وتأخذ دورها ودور أخوانها باللعب ولا تقوم إلا بعد جلد وضرب ومع هذا كانت تقاوم لكن هذا حكم القوي على الضعيف وبعد هذا تلتهم أقرب وجبه عندها وثمن تشوف الواحد عشره وعلى طول السرير يناديني والواجبات ماش ما تشغل اهتماماتي آبداً لدرجه أحيانا أحلها في طريق إلى المدرسة يا أحتل المرتبة الاخيره في السيارة وأفرش دفاتري وكتبي آو إذا رحت للمدرسة ألقى صديقاتي نفس حالتي (سبحان الله ما جمع إلا وفق) هذا جدولي طوال الأسبوع.
آما في العطلة الصيفية آآآآآآآآه يالعطله الصيفية وكانت فيها صولات وجولات ودجات مع مرتبه الشرف وعلى مستوى راقي كل يوم لي طلعه غير المصروف حق الليل حق السهرة غير العصرية مع المغامرة وأفلام الكرتون على قناة السعودية يوم كنا قرويين قبل الدشوش ومستحيل نشوف الأفلام الكرتون بدون ما نروح البقاله والوجبات التي تعجبني عسكريم أبو هديه آو آبوا أربعه ( السلاحف) وأهم عسكريمه الببسي نتنافس عليها ومستحيل نفوتها.
وكان جدولنا في الصبح حلو من الساعة 7 وإحنا فازّين تقل ورانا أشغال للبيت كنس وطبخ ونفخ ( أمحق شغل) نفطر آي شيء يخطر ببالنا وعلى طول الشارع لدرجه الوجيه ما تتغسل والشعور الله يستر عليها بس ويبدأ الطردي(الركض) باالسياكل وبالدور ومن شروط اللعب لازم نتهاوش ونتعاير ونتزاعل وبعدين ننادي إخوانا الكبار علشان نخوفهم وبعدين يجي اليوم الثاني ولا كأنه صار شي
وإذا دخلنا البيت وألقى جدي يفطر طبعا لازم أقلط معه وبعدين ألقى عمي يفطر >>> الأخت راعية واجب والأقصر معه وأقلط وأي واحد يفطر باسم الله علي لازم أقلط ياالله مشكلتي إني راعية واجب(أمحق راعية واجب إلا الشفاحه(همي الاكل) )
في أحد طلعاتي للملاهي طبعا من يوم دخلت وأنا داجه من لعبه للعبه مره من المرات ضعت (أخبر البزارين يصيحون أو يخافون أما أنا وجه بن فهره ولا حرك لي ساكن)ورحت للأمن (الأخت داله الدرب) أبلغهم وأعطيهم اسمي والظاهر استحليت الموضوع صرت ضايعه ثلاث مرات وفي الأخير لقيت أبوي ينتظرني عندهم 0
هذا جزء من مسيرتي الطفوليه الحافلة بالمواقف المضحكة ووووووووو وأشياء كثيرة
عسى تعجبكم ولا أكون ثقلت دمي وأكيد عندكم مواقف حلوه في الطفولة يا ليت تكتبونها لأنها راح تكون ذكرى حلوه واستروا ما واجهتو والسلااااااااااااااام مسك الختام
ذكـــــــــريات طفلــــــــــــــــــه.....
العرض الشجري
