بما أني شفت منتدى الصحة أغلب مواضيعه أمراض ووقايه ونصائح طبيه ,,
قلت خليني أكسر الجو الصحي شوي ,,
ونعيد ذكريات رمضان وكيف كان المنتدى فيه ,,
حلويات وأصناف وتنافس بين البنات وحتى الشباب ,,
قلت أهديكم حلى سهل ولذيذ ,,
من صنع إيديا ,,
والحلا يدفع البلا ,,
ولا أحد يسألني وش أسمه لأني ماعرفت وش أسميه ,,
وإلا أقول سمووووه بأسمي ,,
يلا بسم الله أبدأ ,,
المقادير :
2 بسكويت أولكر
زبده وسط أو كبيره
عشر حبات جبنه كيري مو كرتون حبات
علبة كبيرة حليب نستله مركز
عشر ملاعق كبيره حليب بودره
2 غلافين كريمه كارمل
ملعقه كبيره شوكلاته بودره
ملعقه صغيره نسكافيه
الطريقه :
تكسرين البسكويت وبعدها تطحنينه إلين ماينعم تماما ,,
تذوبين الزبده ,,
وبعدين تضعينها على البسكويت المطحون ,,
وتفركين البسكويت بالزبده جيداُ ,,
أدهني الصينيه ويفضل صينيه بايركس ,
وأفردي البسكويت في الصينيه ,,
تلاحظي أنه متماسك البسكويت مثل العجينه بسبب الزبده ,,
أتركي الصينيه على جنب ,,
وروحي جيبي الخلاط ,,
وضعي فيه عشر حبات جبنه كيري مع حليب النستله المركز وأخلطيه ,,
وبعدين صبيه على البسكويت إللي بالصينيه ,,
وضعيه بالفرن من عشر دقائق إلى ربع ساعه ,,
نصيحه : إذا لاحظتي أن الخليط بدأ تظهر منه فقاعات أطفي النار ,,
بعد ماتخرجي الصينيه من الفرن ضعيها بالثلاجه لكي تبرد ,,
وعلى بال ماتبرد جهزي أخر طبقه ,,
وهي ,,
ذوبي الحليب في ماء بارد مقدار كوبين ماء ,,
وضعيه فوق النار,,
وبعدين أضيفي الكريمه إلى الحليب ,,
ولما يقرب يغلي الحليب مع الكريمه أضيفي ملعقة الشوكلاته والنسكافيه وأخفقي الخليط عشان الشوكلاته تذوب زين ,,
وخلي الخليط يغلي فوق النار إلى أن يتماسك ويكون ثقيل شوي ,,
بهذا الوقت تكون صنيتنا بردت ,,
نخرجها ونبرد خليط الحليب شوي حق خمس دقايق ,,
وبعدها نصبه فوق الصينيه ونضعه بالثلاجه ,,
وإذا مستعجله ضعي الصينيه بالفريزر إلين ماتجمد بعدين نزليها بالثلاجه لاتخلينها بالفريرز على طول ,,
ويقطع للتقديم مع القهوه ,,
وبالعاااااافيهـ ,,
إن شاء الله عجبكم ,,
تحيتيـ
العرض الشجري
