(( مرثيــة لمن كان نور عيني ))

[سلطان الشمـري]

أعتذر لكم .. عن هذا الألم الذي دكـ حصوني ..

فلا أجد إلا القلم يترجم مشاعري ..

.
.

كلن علـى ليـلاه يشكـي مصابـه
وانا حروفي تنزف الجـرح عنـي


اشكي همومـاً سببـت لـي كآبـه
حتى بمنامي تسمـع احيـان ونـي


عشرين عامٍ شفـت فيهـا الغرابـه
لامن نويت الشرق..! بالغرب جتني


كن الرياح اقدار .. حظـي سطابـه
تجري بما لايشتهـي الحـظ منـي


جرحاً مع الأيـام ننسـى صوابـه
وجرحاً أليمٍ .. دك في صغر سنـي


مرحوم ياللي راح بااول شبابـه
بعلمٍ يقود الوجـه .. راح وتركنـي


توني صغير ٍ ما خطر لـي غيابـه
ودعت عينه وحظنه اللـي حظنـي


بعـده حياتـي كـل حـزنٍ لفابـه
دربي طويـلٍ واثقـل اليتـم متنـي


ماكنت اصـدق يـوم هلـوا ترابـه
( مبصر فقد عينـاه ) كنـه وكنـي


راح وتركني للزمـن تحـت نابـه
تصفق بي الأمواج والشـط حزنـي


اسكن عيون العطف ! ظلي سحابـه
وانا الكسير وجبر عظمي امتحنـي


(ي ب هـ) ثلاث حروف قلبي شقابـه
اليا سمعته بصوت غيـري طعنـي


(ي ب هـ) عذابي انفتح حيل بابـه
يوم ان قبرك من كفوفـك حرمنـي


(ي ب هـ) ياليت تشوف ولدك سرابـه
دمعـاً تزايـد ليـل فرحـه تجنـي


ليلة فـرح عمـري لفونـي قرابـه
وسجيت افكر ليت خالـد حضرنـي


(ي ب هـ) قصيدك وخط يدك مشابه
لامن قريته .! دموع عيني فضحني


( ي ب هـ) حملت الشعر بعدك نيابه
واوفيت حرفـك .. ان تعـدى سكنـي


وكلن على ليـلاه يشكـي مصابـه
وذكرى رحيله قبل الأضحى لزمني


يالله طلبتـك .. فـي يميـنـه كتـابـه
وتسكنه جنّـه مـن نهـوره تمنـي


يالله طلبتـك .. وسـط قبـره ثـوابـه
نـورٍ علـى نـورٍ تزيـده تهـنـي

نزف

سلطان الشمري