الـحـقـوا و أخـيـرآ انـا فـي شاااااارع الـتـحـلـيـة .!!

[♥ ضــ الـقـمـر ــي ♥]

	اختلفت النظرة و تضاربت الآراء و ساد التشاؤم و فلسفة الرفض لمستقبل لم يحدد بعد حول قيادة المرأة السيارة الرجاجيل كل واحد مستعد بالعقال :wed a3: و الحريم في قمة السعادة :a026: :a026: :a026: كل وحدة اختارت السيارة اللي بتشتريها ( تقولين خلاص خذوا الرخصة و اعتمدو الموافقة ) هذي لمبورقيني و هذي بورش و هاذي هايلكس 2006 تحلفين حمار مو سيارة و هاذي جيب الطوارق و هذي كامري افضل للتفحيط و الباقي في المشمش يعني الشوارع ناقصة زحمة عشان تجي هي و تكمل الناقص كل يوم ندعي نص اهل الرياض ينقرضون عشان إذا جينا عند الاشارة نلقاها فاضية و كل يوم تزيد زيادة ( استغفر الله العظيم ) و يا ليت يسوقون زين امحق سواقة شلون عطوهم الرخصة مدري ؟! يجيك طاير يستعرض قدامك يعرض حياتك و حياتة للخطر ( الله من الهبال الزايد ) و يا شين الي يتقدمون و يوقفون قدامك و اذا سيارة كشخة يعني النظام نظام ( كأني قلبت برنامج امن و امان (!: ) المهم ما علينا ،، اذا صار ودك تمنع الرجال من سواقة السيارة فما بالك بالحريم ..! حوسة و دوسة و ناس ما تعرف تسوق و انظمة معطينها خروج بدون عودة و شلون بتسوقون ..؟! و الله يا البنات ان سيارات التصادم بالحكير و البلاي ستيشن ارحم ( و تخب عليكم بعد ) خليك مع السواق يوديك و يجيبك ( امسكي قردك لا يجيك اقرد منة ) و بعدين عندنا شباب الله يحفظهم ما راح يخلونك و انتي مع السواق كل واحد يجي و الابتسامة شاقة خشتة من الأذن للأذن ( تقولين دعاية معجون اسنان ) علية الطاقية كان ( شراب العائلة ) و طابع الرقم بكروت يوزعها بزهو ( تحلفين إنة يوزع صدقات رمضان ) شلون و انتي بالسيارة لحالك عيدي التفكير لأن ( معصي اول رد راح تسمعين ) و تفتق ذهني عن فكرة استخدام الجوال و الشرطي دغيليب يرد بكل برود .. ألحق يا عسكري انا اتعرض للمغازل و يأتيك الرد حددي موقعك (( انا في شارع التحلية )) انتظري دقايق و نبي نرسل لك دورية و تنتظرين .؟؟ هي هبال تنتظرين ؟!! إلا و الله ما يردك إلا بيت اهلك بعد جولة شم هواء نصير شم هوى فلا يوجد من القوانين ما يردع و لا من ينفذ لاا و يقول انتظري دقايق ( ما عليك الا ترددين ياااالليل مطولك ) كم من طالب اسعاف ماااات و هو ينتظر .؟! و كم .. و كم .. و كم ؟! (( و قرن في بيوتكن )) على الرغم من ان القيادة حق مشروع و لكن وش نقول لها الرضعان :wed a2: :wed a2: :wed a2: