وش حالها من كانت حبيبتي .. بعد الفراق

[القــــــــديم]

[c]
السلام عليكم ..

بصراحه انا تعبت من كلمة ابي افضفض ولا لقيت لها مكان مناسب

بس احب اقول ان مو كل حب تكون نهايته سعيده

وخصوصا اذا كان مكلل بالخيانات مو خيانه وحده خيانااااااات

ليه تخون وانا كنت لها الحب المصون

ليه تجافيني وانا كنت كلي لها حضن وجفون

وش غلطتي يوم حبيت بكل جنون

حبيت ووصلت لكل لحظه فيها همس (ن) حنون

اول ايامي معاها كانت هنا وكنا نحسد فيها بعضنا

واخر ايامي غريقين انا وياها كننا

صرنا نعترف ... نعترف باغلاطنا ونبوح بمصالحنا

صار السؤال (( وش تبي مني )) عاده بيننا

انتهينا ... مره ... ومره ومرات والشوق رجعنا

مره انا ابتدي واعتذر .. ومره هي تبتدي وتعتذر

صار البرود لحاظت طويله بيننا

وهمس الشوق انعدم في ملامحنا

اتخذت قراري وهي اتخذت قرارها من غيرتفكير ومنغير رجعه

وكل واحد فينا يتهم الثاني بانه هو من بدى

هو من بدى بالنهايه الي امرها محتوم

وصار العشق والحب والغزل والشوق بيننا لوم

وعلى هالحال ايام ماطولت .. حسيت انها قربت

قربت لحظة وداعنا .. بس هالمره غير من جد هالمره غير

لحظات سكون طويله وكل منا يتغلا ويكابر ويقول انه مهمل كل المشاعر

وبكل مافيني همست وقلت تصعب علي لحظة وداع

واصعب منها كلمه عذاب كلمه نقولها في سفرنا .. وفي رحلنا

بديت الوم .. بديت اتمسخر بالكلام .. ابي اجرح نفس الجرح

ابي اشوف كثر الدم الي نزف مني... في لحظه كانت فيها تخونني

قلت يا .. فلانه .. ترى الحب عمره ماكان تمثيل <<< وهذي هي

هذي هي الي كنت ابيها .. والله هذي هي الي جرحتها

وسوت اكبر طعون (ن)في نحرها

هذي هي الي ماكانت تبي تسمعها .. كانت خايفه منها ومن قوة اطعونها


ودعتها في صمت وفي ونين كنت اسمعه من جرح في كرامتها

سمعت صوته .. بس هذا جزا كل من يخون قلب (ن) سكن فيه

جزا كل من يبيع احساسه ويجيب ذكرى لياليه

ذكرى ليالي كان الشوق فيها ماينتهي .. والحب في ذيك اليالي كان في اسما معانيه

ذكرى ليالي ... قدييييييييمه حيل ما نساها تجي وتروح ..مثل الموج

وتغيب مثل الشمس ولا اشرقت عورت نواظر مشاعرها

وعندي لها صوره وصوت .. ومتى مااشتقت لها شفتها وسمعتها

لانها كانت هي بنفسها .. بس اليوم والله والله مابيها


وسلااااااااااامت نواظركم...


طبعا هذي احداث حقيقيه صارت لي انا شخصيا وقريبه جدا

بس انشالله مايدمل الجرح الا صدوقه ... وفي مشاعرها حنونه

وتحس بالدمع والشوق في كل لحظه مووووووق




[/c]


تحياتي ... القـــــــــديم