ياهل الهوى والشعر ديني ودينه = مواطنه ماودي أكتب ولابيت
لولا الظروف ودمعة لي حزينه = في صفحة الشعار كم قلت ياليت
مامرت الشاعر بيوت ن ثمينه = ولاشفت أنا اللي خدها كنه الليت
تربعت فالقلب والله يعينه = أسمع عن الحب توي اليوم حبيت
وأشوف موتي كل ماشفت عينه = وأدخل على الله كل ماصبحت وأمسيت
ماشفت زين ن مرني قبل زينه = وأكبر دليل أنه طرالي وسجيت
قمت أتمنى لو يدي في يدينه = وانا اللذي مافيه لحظه تمنيت
أعيش بحر الحب فوق السفينه = وأبحرت في بحر المحبه وقفيت
لاتعذلون القلب ياعاذلينه =كم لمت عشاق الهوى لين ونيت
من حب ريم ن في لقاها رزينه = ماتلتفت لي فالهوى يوم ناديت
يسمع نداي وكن بيني وبينه = درب ومسافه بين يمكن وموحيت
نداي يابنت العرب تسمعينه = أنتي عفيفه والخطا مني أخطيت
وش صالحي في كل درب ن تجينه = آقف وأطالع مشيتك يوم مريت
مشيت دلع تمشين مشي بسكينه = الله على مشيتك وأن رحت وأن جيت
تلقى قدم عينك حبيب وحنينه= وده يقول ليا نظر فيك حنيت
ويسكت يخاف ليا نشد تكسحينه = وتروح عنه بعيد ويقول ياليت
أبديت مافي خاطري تعرفينه= أن حس قلبك حس وليا تعديت
ضيعت قلبي والهوى مع سنينه = وكثرت جروح القلب يابنت مليت
فزولها ياهل القرى والمدينه =وقولو لها أني في هواها تماديت
أعرف أبوها شيخ سلمت يمينه = له بين خلق الله مكانه وله صيت
العرض العادي
