أهلين شباب كيف الحال والأخبار الموهم ندخل بالموضوع
...تخيلوا البنات يخطبون الاولاد!!!! تعالو شوفوا..
يعني تتفاجأ في يوم وأنت قاعد تقرأ كتاب رومانسي وأنواع
الأحلام الوردية(يااي) وسرحان في فارسة أحلامك على السيسي الأبيض..
الا وأمك داخلة عليك وتوها جاية من الاستراحة وتقولك:
ياولدي ودي اكلمك في موضوع..
ترد انت بكل خوف: خير يمه؟...
تقول أمك: ترى جارتنا أم خالد تبي تخطبك لبنتها
وانت ماشالله كبرت واحلويت وكلن يبيك هاوش رايك؟...
ثم تنزل انت راسك في الأرض وتلعب باصبعك في شعرك(او شنبك)
<<<خخخخخخخخخخخخخخخخ
وترد وانت مستحي وخدودك حمرة (هذا اذا كنت محلق اللحية)وتقول:
...الرأي رأيك والشور شورك يمه...تقول أمك: انا بصراحة مااشوف
في البنت شي..ماشالله عليها محترمة... وظيفتها زينة.. وراتبها ممتاز ومن عايلة محترمة
ومن البيت للمسجد ومن المسجد للبيت...ولاعندها سوالف سفر والخربطة وما شرب ولاتدخن ولاتروح لاستراحات البنات..يعني بنت ماعليها..
تقول انت: بس يايمه هي ماشافتني من اول انا دايم متلطم بشماغي
(والله عيب ............... بس بكمل)
تقول أمك: هي شافتك وانت نازل من باص المدرسة<<<الله نازل من باص
المدرسة<<<<<الله وأكبر يالروز رايز ...
بس..وسألت عنك وقالوا لها خوش ولد ماهوب راعي سوق وكوفي شوب
وما يطلع الامع ابوه. (والله فشيلة ................ بس بكمل)
وتراها هي وامها جايين يوم الخميس علشان يشوفونك..
تسال انت: طيب يايمه ابوي وش رأيه؟
تقول أمك:
ابوك مايدري خليه حايس بالمطبخ الله يعينه..
تقول انت: اللي تشوفينه يمه..
وتطلع أمك من الغرفة وتنط أنت قدام المرايه وتأ خذ نص لفة يمين ونص
لفة شمال تشوف جسمك وتمشط شعرك وشنبك بدلع<<<<< ياعمري..
وتقول: آه اخيرا حست وخطبتني . (لالالاوالله مايصير ......... بس بكمل)..
وقبل يوم الخميس تروح انت لكوافيير رجالي وتكون مسوي حجز وتقعد
تصبغ شعرك( هاي لايت) وتشيل شعر يدك ورجلك بحلاوة وتطلع زي فلقة القمر..
<<<<<<<< خخخخخخخخخخخخخخخخ
وتجي البيت وتلبس الثوب اللي فصلته عند المصمم لثياب الأعراس والحفلات
واللي فيه فتحة عند الساق وفتحة في الظهر وسيور وذاك المكياج والعطر اللي
يشق الخشم وتنزل للصالة..
ويقولك ابوك: ياله دخل العصير على خطيبتك ترى أمك ذبحتنا تسأل
عنك..
تقول انت بكل خجل: واي واي يايبه انا استحي..
ابوك يقولك وهو يطق كتفك ويضحك: ياولد روح لعروسك اهي اهي
تقو انت: يايبه انت دايما تحرجني واي واي ..
وتأخذ صينية العصي وتدخل المجلس اللي فيه البنت بكل نعومه ورقة
ودلع وأدب وتقول بصوت ناعم: احم احم الس سسسسسلام عليكم
<<<< صاير حكيم على غفلة
ترد هي بعد ماوقفت وعليكم السلام( وهي تناظر فيك و بكل قطعة فيك)...
وتقولها تفضلي...
تقول هي: وش الأحلى العصير الأحمر ولا الأصفر؟<<<<بزعمها تبي بتلطف الجو معك...
تقول انت: كله حلو.
تقول هي: أكيد كله حلو لأنك انت المسويه..
ثم تحط الصينية بسرعة ويدك على فمك وتضحك وتروح داخل بسرعة
<<<<< ياربييييييييييييييييييييييييييييية...
الا اخوانك يستنونك ويقولون: هاه وشلون شكلها؟؟
تقول انت: واي واي تهبل حلوة ودمها خفيف وذوق اهههههههااي
الا ابوك من المطبخ يلولش<< يزغرط بالمصري
لللللللللللللللللللللووووووللللللللللللل لللللووووووششششششششش
للللللللللللللللللوووووووللللللللللللللل لللووووووششششششششش
مبروك ياولدي..
الابدخلة اختك العربجية من بره وحاطة عبايتها على كتفها وتقول:
خير وش!!
يقول ابوك: قصري صوتك في وحده داخل خطبت اخوك..
تقول اختك: وهي وين شافت اخوي علشان تخطبه هاه؟؟؟؟
وتعطيك كف وتصرخ والله لالعن شكلها اللي جايه تخطب اخوي شباب
اخر زمن <<< والله وصرتم يالبنات تقولونها
الا بدخلة امك وتسطر اختك كفوتطلع اختك بالسيارة وتفحط وتروح
للاستراحة البنات<<<<..تخيلوا عاد
وتمر الأيام وانت تجهز ثوب العرس والكوشة وبيت الزوجية وخلال
هالفترة تمرك زوجتك بالسيارة تتمشون...
ويجي يوم العرس وتقعد انت بالكوشة وكل الشباب حواليك يرقصون
وشوي الا الصجة قايمة: ترى العروس جايه..
وتقولك: الله صاير مثل القمر.
ثم تلف وجهك وانت مستحي ويتم الزواج...
...وبعد مرور تسعة شهور...
الا انت تصرخ في الليل فيك الطلق ويودونك المستشفى وتولد وتجيب توأم
وتطلع من المستشفى الى بيت أهلك علشان النفاس <<<<...حركات
وتأخذها زوجتك فرصة وتسافر مع البنات ويهيصون
قبل ماتخلص مدة نفاسك <<<<<< الله يساعدك
وترجع لبيتك تربي عيالك وتطبخ الغدا لزوجتك وتتخانقون ساعات وتنام ودمعتك
على شنبك..
ويزيد حدة الخلاف وتأخذ شماغك وعيالك وتروح لبيت أهلك..
...وتصلح أمك مابينكم وترجع الحياة مثل أول...
تخيلوا لو البنات يخطبون الشباب.....الله لا يقوله
العرض العادي
