الله يجازي مـن يسـوّي سواتـك
وبذنووب من سوّا سواتك يجازيـك
مشيت درب الثقـل وتحـب ذاتـك
ماتـدري انـه للمهالـك يوديـك
وغرّك جمالك يا خسـارة حلاتـك
ماتدري ان ماغير طبعـك يحليـك
بتقـول زينـك يشفـع لسيئـاتـك
الحسن ماهو عن وفا الحب يعفيـك
لو التواضع والوفـا مـن سماتـك
بعت الحبايب كلهم ديـن واشريـك
لكن عجزت اغيـرك يـا جراتـك
على الغياب اللي بلا عـذر ينجيـك
خطاي في توضيح وشـي غلاتـك
وخطاك في توضيح وشـو تغليـك
مافاتـك التجريـح والعـذر فاتـك
وتبغي رضاي الحين ماعاد يمديـك
صحيح احبك بـس هـذي جزاتـك
باعلمـك درس ٍ يفيـدك ويحييـك
تدري وش ابيض من خفوقك عباتك
وتدري وش اللي غرني نظرتي فيك
ادري بتستغـرب تصّبـر وجاتـك
قصيدة ٍ من واحـد ٍ كـان يبغيـك
وتبغي تناظر وانت عايش مماتـك
شف وحدتك والناس تجلس حواليك
وتبغي تشوف اشجع رجل في حياتك
شفني وانا راحل على كثر ما اغليك
محمد بن حمد بن فطيس المري
منقووووووووووووول
العرض العادي
