بصراحه موضوعك حلو مره مره ولو أني عزوبي ومالي دخل لاكن لا بد ان الواحد يسمع قبل لا يجرب
طيب أختي لورا أستسمحك في طرح بعض المواقف الطريفه لبعض الناس اللي تزوجو وترى كلها واقعيه أسردها بسرعه
تقول وحده في يوم زواجي لما جيت اطلع من بيت أهلي كنت ابي اشيل التاج حتى ألبس عبايتي فعيى ينفسخ حاولت ولكن ما قدرت حاول زوجي أنه يساعدني وليته ماحاول حاس التسريحة ونتف شعري وبعدين انفسخ وشعري صا ر شوشة منفوشة ـــــــــــــــــــــــــــ يانهارأسود..... (2 ) بعد الملكة كنت مرتبكة مررره وعندنا أهل زوجي على العشاء بعد ما دخلوا فاجأتني أخته بأ نه ينتظرني عند الباب في السيارةعشان اطلع معه , حقيقة ما كنت مستعده لانفسيا ولا فستانيا ,,,كنت لابسه فستان كبير.....رحت غرفتي بسرعة وغيرت ملابسي ولبست عبايتي وطلعت...ركبت السيارة الوحيدة الواقفة قدام بيتنا وما كان موجود وقتها ..... وانتظرت عشر دقائق...وما جا...قلت لايكون ينتظرني عند الباب الخلفي لبيتنا؟؟؟وفعلا طلعت للباب الخلفي الا هو جالس في السيارة....يانها ر أسود يعني كنت راكبة سيارة شخص مجهول !!!ولمدة عشر دقائق !!!!!! ـــــــــــــــــــــــــ توافق بلايز.... ( 3 ) وحده ثانيه جا زوجها يشوفها بعد الملكة....وجاب معه هدية...وهي لب الموضوع ,الهدية عبارة عن بلوزة حلوة...النكتة...أنها كانت تلبس نفس البلوزة ونفس اللون!!! وجلس العريس يضحك ومن بعدها....راحت الرهبة بينهم... ــــــــــــــــــــــــ فيلم هندي ..... (4 ) أما أنا بعد ما لبست فستان العرس واستعد الناس للزفة اكتشفنا أن طقم الذهب نسيناه في البيت....وراحت أمي بسرعة للبيت حتى تجيبه وتأخرت مرره...وكنت قد بكيت عدة مرات في ذاك اليوم من كثرة التوتر وجا هذا الموقف وكمل الناقص...وبعدين عملت مناحة على الكوشة لأني راح اسكن في مدينة بعيدة وكان يوم زواجي فيلم هندي ..كل الجمهور بكو معي حتى اللي ما يعرفني... ـــــــــــــــــــــــــــــــ شيبس بنكة البصل....( 5 ) لما جا زوجي يشوفني في يوم الخطبة..طلب ابوي مني أن أدخل عندة فرفضت بشدة .. كنت مستحية وخايفة...فأصر فاطريت أعلل سبب رفضي قلت:<أنا توي ماكلة شيبس بنكة البصل>....قال ابوي وهو معصب:<ليش وش ناوية تسوين>...ومت من الخجل.... ـــــــــــــــــــــــــــــ يوم لاينسى.....( 6 ) تقول كان زواجي بعد أيام من السهر وقلة النوم وعدم رغبة في الأكل <من الهم> وسافرنا في ليلة زواجنا إلى المدينة المنورة...ودخلنا الفندق.....قال لي زوجي: ما بقى وقت عشان ننام....خل ننزل الحرم نتهجد الين ما يؤذن الفجر ولا تفوتنا الصلاة<ماقلت له شئ مستحيه> ...المهم رحنا.....لما وصلنا الحرم مشي على رجولنا طبعا ..ً قال خذي المفتاح إذ ا صلتي إرجعي وأنا ابجلس إلى شرو ق الشمس ...وبعد ماصليت طلعت أمشي وأمشي ضَيعت الفند ق ماا انتبهت له ولاإسمه!!!!!ولاأعرف منين رايحه ولامنين جايه وأبكي من قلبي , وشافني الشرطي وأنا أشهق من البكا واييييييييي........وجلس ويدور معي إلى الظهر وفجأة....رأيته....عريس الغفلة وهو في حا لة الله يعلم بها و......وسقطت على الأرض مغمى علي.........وكا صحيت إلا اليوم الثا ني!!!!وكا ن يوم لاينسى..... ـــــــــــــــــــــــــــــــ انقلب راسي..... ( 7 ) ذكرتوني بليلة الدخلة يوم قام زوجي يصلي- السنة – صلى عكس اتجاه القبلة وأنا نسيت أنه كان مخطئ, وفي اليوم الثا ني صلى بنفس المكان فقمت نبهته قا ل :يعني شايفتني أمس أصلي عكس ولا نبهتني من الحياء الزائد!!!!والله ماكان قصدي ... ــــــــــــــــــــــــــــــ أما موقف..... (8 ) تذكرت موقف صار لقريبة لي في يوم عرسها.....كان عرسها في خيمة قرب البيت وكا نت مليانه بالمعازيم..والعروس في البيت تكمل زينتها...وبعد ما انتهت وبدأت تمشي عشان تدخل الخيمة...طفت الكهربا....تخيلوا الجو كا ن صيفي يعني حررررر.... المسكينة أخذوها للبيت على أضواء الشموع....وما رجعت الكهربا إلا في نص الليل بعد ما راحو المعازيم, أما المكياج والتسريحة فحدث ولا حرج وعيونها من الدموع ماوقفت.........في النهاية عدت المسألة على خير ....والحمد لله
--------------------------------------------------------------------------------
تقبلي تحيات
أخوك ومحبك
ضحيـــــــــــــة صمــــ(راكان)ــــــــــــــــــت
العرض العادي
