الليل بيت اهموم والحزن عسـاس=وليا لقـى صـدر" كئيـب الّتوابـه
وانا ضحية ليل وهمـوم ونعـاس=وخذى السهر جفن المنام وسرابـه
لا والله الا وقـع الفـاس بالـراس=وصدري مراقيب وهمومـي ذيابـه
حطاب ليل" لا ضوى يشبع الفـاس=ومافيـه ضلـع" مارقـاه وعوابـه
ايضّيق الانفاس وتضيق الانفـاس=وزفر ويمطر من قصيـدي سحابـه
دمعة قلم طاحت على خـد كـراس=تزيل عن صـدر الحزيـن الكآبـه
وانا احساسي غير عن باقي الناس=العب على المغنى يا قوس الربابـه
البكر نشوة فكر مع ثورة احسـاس=اتعّلـم الإبــداع فــن الكتـابـه
واتعّلم الاقـواس مابيـن الاقـواس=لاملّـت اعيـون السـؤال الإجابـه
كم لي على باب الرجاء واتبع الياس=لين الرجـاء قفـى وقفـى سرابـه
ارصع الولو علـى خاتـم المـاس=وضيعـت لولـوه وماسـه ومابـه
وتلاشت احلامي مثل فورة الكـاس=ومليت من رتم الحكـي والتشابـه
يا عالم التضليل ووجيـه الافـلاس=ماعـاد باقـي شـيء ماينحكابـه
اتجّمعون الحكي لين الحكي خـاس=وخّمر علـى زاده وطعـم شرابـه
وان قلت قول" ماعتلى قب الافراس=لابـو جنـاب" مايعـزك جنـابـه
ولا شاع سرك بين حاسد وبـلاس=راحـت رقبتـك لـلأوادم طـلابـه
وصدري قفل سر ومحانيه حـراس=بمـوت مافكيـت للخلـق بـابـه
كذا !! يوقف حبر ويجف قرطـاس=وتبقـى عيـون الاسئلـه للإجابـه
العرض الشجري
