عشاااق القصيد اليكم هذه القصيدة واللتي تحمل معاني خفية ومدفونة في صدري
وسأترككم مع هذه القصيدة واللتي تعبر عن نفسها لعلها تنااال اعجااابك واستحساانكم .
ياكاشف المعنى ابي منك تفتيش
..............عن علة(ن) في داخلي مستكينه
خشيتها تنخش عرا القلب تنخيش
.................يومن ولد اللاش يكثر رطينه
وش لون ابكتب والفكر فيه تشويش
.............وحبال فكري من عناها رهينه
ياللي طعنت القلب بالله بشويش
.............شلفاك من بين المحاني دفينه
ذبحتني عن قصد والا مع الطيش ؟؟
..............والا انت جاهل ما تعرف الغبينه
لو ذبحتي جتني على يدين درويش
...............مسموح لو تقطع وريدي يمينه
الا ان ظلمني صاحب (ن) قلت له ليش ؟
..............اشره عليه وكل جرح (ن) يدينه
وان كان جاني من عنا الوقت تهميش
..............اظــــلوع قلبي للشدايد متينه
وان كان شفت من المعازيب تطنيش
..............اشد وارحل عن حدود المدينه
ما همني لقمه ولا همني عيش
..............مادام رزقي عند ربي ضمينه
وان جيت مجلاس تغشاه تهويش
..........سحبت نفسي في هدوء وسكينه
اعز نفسي عن هروج التلاطيش
............اترك سماج الهرج وآخذ ثمينه
الحر الأشقر للسما ينهضه ريش
..........واليا هوى للصيد جاب السمينه
على الوفا والطيب مبداي واعيش
...........ومن كان ذا مبداه ربي يعينه
@^ياللي طعنت القلب بالله بشويش..^@
العرض العادي
