الصراحه هذه اول مشاركة لي وانشاء تعجبكم
ياصاحبي للصبر في غربتي حد
مليت اكابد حالتي من صبرها
الحيل من جور الصواديف ينهد
والعين تذبل لاتمادى سهرها
أدري خذيت العز من ثروة الجد
وادري شريفة منهو مثلي نذرها
مير البلا ياصاحبي حرقة الكبد
والغرية الي راس مالي كدرها
عد النجوم أن كان في حصرها عد
ترى الهموم اللي بقلبي كثرها
شوف البحر يلعبه الجزر والمد
هاذي حياتي والظروف تعبرها
لايغرك اللي شعرها دمعة الخد
لاتحسبن الغيث هذا مطرها
وش لي بحرف يمه الشوق مالد
للعين رمش وللمواني بحرها
لعيونهم شلت العباير وانا اكد
وعين الغريبة منهو فيهم نظرها
تعبت اجامل ليلتي بحروة الغد
وكل من تهيا النور لاح بقهرها
ياللي سهوم الخير في باعك اشتد
يااحلى من نجوم الليل وبدرها
مالك شبية وبيننا ماظهر ند
وفيك العلوم النايفات نخبرها
ارجو السموحة لاتورى مني الصد
جيتك غريبة والهقاوي عذرها
غدى الوصل من جرحها يشيه الضد
وإذا يجي يوم وسمعت بخبرها
هذا سؤال مايجي منه الرد
رد لجوابه لاقـــــتــــفيت باثرها
ليه المشقة بدنيتي مالها حد
والشوكة اللي بخاطري من كسرها
اخوكم فارس الدهناء
العرض العادي
