موضوع جاااااد ... المعاكسات ( ترقيم
موضوع جاااااد ... المعاكسات ( ترقيم البنات ) من المسؤول ؟؟؟؟؟
بسم الله الرحمن الرحيم
السلام عليكم ورحمة الله وبركاته
( سأبقى أنا ومرآتي نعكس خفايا البشر حتى أسقط انا أو تكسر .. مرآتي )
لاحظت في هذى الايام بكثره تحول الاماكن العامه الى اماكن للعائلات فقط !!!! لمـــــــاذا ؟؟؟
المعاكسات هي السبب طبعاً ، فإذا صارت معاكسه من أحد الشباب لأي فتاة ثار الأب أو الأخ وقدم شكوى ضد الشباب لمنعهم من الدخول إلا برفقة عائلاتهم ...
من المسؤول عن هذه المعاكسات ؟؟؟؟
صحيح اني بنت ولكني أقف ضد البنات ايضاَ وليس ضد الشباب فقط ، لأن بعض بعض الفتيات هن السبب بما يحصل لهن من معاكسات وترقييييم ، فإذا ذهبنا لي مكان عام أو خلوني اتكلم عن نفسي ..
انا اذا رحت لي مكان عام مثل السوق والمجمعات التجارية أنا نفسي اشمئز من
الفتيات اللآتي يبدين زينتهن جدام اللي يسوى واللي مايسوى !!!
اللي مسويه تسريحة واللي حاطه ميك آب (مكياج) تقول رايحه عرس واللي
مادري وش لابسه من صرعات الموضه ، شلوووون ماينغر الشاب فيها ويرقمها ؟؟
( غصبن عنه بيرقمها) وبعض الفتيات عليهن حركات تقول لاحول ولاقوة الا بالله
يعني حركات بايخه من أي بنت تخلي الشباب ينجذبون لها غصبن عنهم ، واللي يقول لها ممكن نتعرف واللي يرقمها واللي يطلع معاها (وطبعاً مافي شي يصير غصب) يعني البنت اذا تبي تسوي كل هذا يكون هالشي برضاها ...
زييييين ليش نظلم الشباب ؟ اذا الاماكن العامه صارت عائلية بس بوجه
الشباب هذي مشكله !! وين راحوا البنات ؟؟
يعني كل شي ضد الشباب ؟! لا بصراحه حراااااام ، صحيح الخطأ احياناً يكون من الشباب نفسهم بس مو معناته إنا نحرمهم من كل شي ونخلي البنات يسرحون ويمرحون في كل مكان ...
وفي بعض الشباب اذا رقموا البنت يكون قصدهم شريف (خلوا هاذول على صوب)
بس تعالوا للشباب اللي يكون غرضهم شي ثاني مثلاً انهم يلعبون بمشاعر
البنت وبعدين يطعنون بشرفها وبعدين يوصلون بها لدرجة التهديد والفضيحة
ويحطمون البنت وآمالها ويخلونها تتندم لانها خضعت لهم واتصلت وتعرفت وهي مسكينه ماتدري ان بعض الشباب (ذئاب بشرية) انتبهوا انتبهوا انا قلت ( بعض الشباب مو كلهم )
والا ماشاءالله على بعضهم اخلاق وأدب واحترام يعني بصراحه حتى بالشات شفت شباب محترمين لأخر درجة وواضح من خلال تعاملهم مع الناس انهم محترمين ، الله يكثر من امثالهم يعني بصراحه ماقدر اعبر عن رأيي فيهم اكثر ..
المهم اتمنى اني وصلت ولو جزء بسيط من وجهة نظري لكم لان بصراحه هالموضوع
حساس ويحتاج إنا ناخذه بعين الاعتبار ..
وانتم ياشباب احذروا من البنات الطايشات لايغرونكم
وانتن يافتيات احذروا من الشباب الطايش لا يطعنونكم
( والمسؤولية تقع على الطرفين )
اسمحوا لي طولت عليكم ، مع احترامي الشديد لوجهة نظركم
نبي تعليقكم على الموضوع
العرض المتطور
