مثل الدموع تهل ردي شفاتي = لك يالذي عقب الغلا عندنا شنت
صحيح أحبك لكن أحب ذاتي = كرامتي أغلى علي من غلاك إنت
و موج الهوى في بعض الأحيان عاتي = لكن بواجه عاتي الموج في صمت
كانك تقول إنه دلالي مماتي = لحظة كلامي لك تراني بعد مت
تاهت على درب الخطا مفرداتي = ما صرت أميز كلمتي لا تكلمت
و ثارت براكين الزعل يا حياتي = و إنت السبب ماني أنا اللي تسببت
أكذب عليك إن قلت ما فات ماتي = و أكذب عليك إن قلت لا ما تألمت
و أنا أعترف لك ما ملك ذكرياتي = غيرك على رغم الخطا عنك ما تبت
و صبري عليك أظن من سيئاتي = لكن من الفرقا تراني تعلمت
عرفت أعاند خافقي يا غناتي = حب الكرامه فوق حبك و لا هنت
العرض العادي
