القصائد في القهوه كثيرة عند اهل البادية,ولقد اهتموا بهذا الجانب,وغالبا
يتداولون هذه القصائد في ليالــــــــي السمـــــــــــــر...وهذه واحدة من قصائد
القهوة المشهورة
للشاعر مبارك بن عبيكة الشمري
قم ياالمقهوي دن نجر ومحـماس *** واحمس لنا من حب صـنعا نماها
وصب لمرور على الخيل مدباس *** تقفي عنه صم الرمك لانصاها
من فوق ما تاخذ على الخيل مرواس ***لا جدعت خبثات الانفس حذاها
واثنه لــمن حوله على الزبر جلاس *** اهل السموت اللي بعـيد مداها
ابن عـــبيكة هرجـته ما بهـا باس *** تطرب لها كرام اللحى من حلاها
طول الجدار وقصرت الرجل نوماس *** لا صار ما للرجل داع دعاها
تصـير بعيون الرفاقه معـك بأس *** لا صار ماتدعي من عـــناها
يصير به قالات ويصير لولاس *** ونوب من الادنين يأتي بــلاها
قلبك يصد ويضرب القلب عوماس *** والنفس تقدح عقب زايد غلاها
خـلك على بابك تقـل لون حراس ***لا جوا عليها محـترين عشاها
لا جن من الخل الشمالي لها اضراس *** والكل تشكي رجلها من حفاها
نرحب بهم من قــبل تجديع الالباس *** نقلط لهم تمر الحلا من نماها
ونذبح لهم كبش مربع الاطعاس *** نقـــــــلطه من قبل يقرب مساها
هذي سلــوم جدودنا قبل من راس *** واللي بعدنا كان ربــــي هداها
وسلامتكم
العرض العادي
