ســــــــــــحابة الرحمن

[صقر الصياد]

مساكم الله بالخيرات...



[poet font="Simplified Arabic,5,black,bold,normal" bkcolor="transparent" bkimage="backgrounds/19.gif" border="none,4,gray" type=0 line=200% align=center use=ex length=0 char="" num="0,black" filter=""]
سحابة الرحمن هلي من الخير=واسقي صحاري نجد دفاق وسمي
يفرح به البدوان والبهم والطير=وترجع ليالي البر..ويرتاح جسمي
الكون يصفى والهوا هبته غير=وزهر الخزامى يعط..وين انت ياسمي
سكرة حلالن لا كما سكرة الزير=تعيش حالك..طز في كل رسمي
ياصاحبي دايم للاحلام تعبير=ياليت حلمي حق.. وانال قسمي
حلمي الهوى وبلاه وشلون بصير=ماينفع اكل وشرب او خلع دسمي
انتي الشعاع اللي على ضوه اسير=ومن غير نورك يدرس القلب طسمي
انتي البدر وسهيل..و شمس بظهير=ارتاح قربك.. يقلب الوجه بسمي
لا تحرقين القلب.. يكفيه تشقير=وسمتي قلبي باللواهيب وسمي
انتي جميله..لكن احتاج تفسير=ليش العناد..وصادق الود يسمي
ما دامت الدنيا ربيعن وبه خير=ليتي اشوفك يوم والريح نسمي
نفرش بساط الشوق بحزة عصير=ونحسم كلام الناس بالحب حسمي
عسى الحيا لديرتك يعجل السير=ديمه تجي بالليل و الوقت غسمي
لا به بروقن و لارعودن و تصفير=نومن هني.. و يسقي الخد وسمي
ودي اوصف عشر زينك بتقدير=ياخوفتي ارسمك و يظلمك رسمي

[/poet]


وسلامتكم

صقر