[poet font="Simplified Arabic,3,blue,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
((دخيل الموت))
نخيت الموت يفزع لي , دخيلك ترحـم المضهـود !! = دخيلـك ترحـم المجني عليه بعيد ميلاده !!!
" ثلاثين السنه " مرت , و " سبع ٍ" كل ابوهن سود !! = عليه , و نكس البيرق !! تشهد واعلن حداده !!!
سواد الليل في شمسه , عبوس ٍ فجره المولود !! = زمانه كشر انيابه , و تضحك سن حساده !!!
عقارب ساعتـه تلدغ , يبث سمومها النمرود !! = عقارب ساعته عيت تقف في وجه جلاده !!!
الا يا الموت , لا تبخل عليه , و حقق المقصود !! = حياته ما لها معنى , مماته ثالث اعياده !!!
وانا المضيوم و المبلي , و انا اللي بموتتي محسود !! = الا يا الموت عجل لي بمماتي واضغط زناده !!!
نخيتك , فزعتك , تكفى , طلبتك يومي الموعود !! = و تعطي باقي ايامي , لمن هو يطلب زياده !!!
نخيتك , فزعتك , تكفى , طلبتك صوب البارود !! = على من صوبه همه , طريح فراش و وساده !!!
نخيتك , فزعتك , تكفى , طلبتك حيثك المنشود !! = لأنه ما بقى لي في حياتي شـف او راده !!!
و لكن الصدى ردد , يقول : ان الأجل محدود !! = محال الروح يقبضها الاله بغير ميعاده !!!
عرفت ان العمر توه مديد !! و لا بقى لي كود!! = اردد و اجهر بصوتي : تمادى الحظ بعناده !!!
الا يا الله سامحني , نويـت انظـم بـدون قيـود !! = قصيده تحمل همومـي , عسفت الهم و جياده !!!
" طنايا الجن " في صدري تقول : اقطف ثمر عنقود !! = اشاره منـك تكفينا !!! نجيك اشعار منقاده !!!
و لكن شاعري " بحر ٍ " ورثته عن عريب جـدود !! = جنون الجن تخضع له , و تطلب فزعة الساده !!!
على قمة " اجا و سلمى " نقشت الصخرة الجلمود !! = نزفت الدمعة الجمره !! قتلت حصان طرواده !!!
صرخت و صرختي دوت !! و هبت بي هبوب النود !! = سجدت السجدتين اللي تراها بقلب سجاده !!!
كرامة نفسي اعرفها الجبال الشامخات الطود !! = و لو تطلب نظر عيني !! تجيها الروح سداده !!!
عزيز النفس ما يرضى يعيـش بظلمة الأخدود !! = و مثلي لاتٌجرح ينصى كريم ٍ , يعرف ضماده !!!
همومي بالحشا طفل ٍ غرير ٍ به ملامح عود !! =تربى في قفص صدري !! و شاب و شابوا اولاده !!!
همومي وين اوجهها؟ همومـي مالهن حدود !! = شمال و شرق مع غرب و جنوب ٍ, تركـز اوتـاده !!!
همومي في شراييني " جهنم " و العروق شهود !! = وهـذا هيكلي العظمي به النيران وقـاده !!!
همومي كل ما قلت ادبرت !! ردت و جتني وفود !! = كأن وجودها بصدري , وجوب و فرض و عباده
بحر الاحزان
[/poet]
العرض العادي
