[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
فاتن ثمان سنين وانا تحراك "_" وعقب الثمان سنين توّك تجيني
قسوت زماني ولوعت ايام فرقاك "_" عانيتها في غيبتك ياضنيني
شلت الكثير وشفت كثرت خطاياك"_" ماعاد فيني حيل وجنبن يليني
حلفت باللي صوّرك في حلاياك "_" حلفت لك بالله – ربي – وديني
لو السنين اللي تعدت بلاماك"_" لو السنين اللي تعدت تزيني
مثلك مثل غيرك ليا حلّ طرياك "_" عادي ولا شعره تهزين فيني
عايش من اول بك وبحيا بلياك "_" يعني بمووووت اذا نسيتي حنيني
جعل الليال السود جعله تولاك"_" وتسقيك كاسن منه كنت تسقيني
لو ضاق بك هالوقت واتعبك واشقاك "_" قولي زمان وجاب فواتير ديني
قولي عزيز ان رحت قولي فقدناك "_" ابكي ولكن بين نفسك وبيني
لا تنشدين اشلون وش صار وش جاك "_" صارت ولكن طحتي من نون عيني
الواحد اللي زينك لي وعلاّك "_" قادر على فرقاك ربي يعيني
علم(ن)ٍ يجيك وعلم ماظن ايتعداك "_" علم(ن) وكاد يجيك علم(ن)ٍ يقيني
لنته ولا غيرك وعشره فشرواك "_" فكر في لحظت طيش يلوي يديني
كلمه وفسرها حسب معنى الإدراك "_" اموت لكن ما اوطّي جبيني
مابين ( ايه / ولا ) قررت بنساك "_" واطوي صحايف كذبتك في يميني
ضاعن سنيني ريح واقفن برجواك "_" فاتن ثمان سنين توّك تجيني
[/poet]
العرض العادي
