السلام عليكم ورحمة الله وبركاته...
أتمنى أن تحوز المشاركه على أعجابكم..
وهي عباره عن كذا بيت..
تعالي يا ضيا عمري في بعدك ما بقالي أحباب
.........................ظروف الوقت تخنقني وبالعبرات تدميني
عجزت اوصف معاناتي عجزت القى لها أسباب
...........................عجزت أقول لدموعي دقيقة لا تعزيني
عجزت ابكي ولا من حس بجروحي من الاصحاب
...............ايا ذا الوقت ما ترحم دموع الحزن في عيني
بغيت أشكي بغيت ابكي بغيت أرحل وانا مصطاب
.......................ولكن خطوة اقدامي لدرب الحزن ترميني
حسافة كل ما اضحك واقول انه الزمن لي طاب
...........................اشوف الحظ عاندني وعيا لا يواسيني
زرعت من الأمل بذرة وغطيت الحزن بحجاب
.......................ولكن ماتت أحلامي أراها بوسط عيني
لقيت انه الامل كذبه وانا ألحق وهم كذاب
......................ومن عقب التعب كله تلاشت مجمل سنيني
احس اني بلا قلبك بصحرا تايه مرتاب
..................يموت النبض في صدري ولا من عاد يبكيني
ولا لي قلب يحضني وانا ميت بوسط تراب
..................ولافي عين تدمع لي ولا في شخص يحويني
أموت بغصةٍ في القلب ولا اشره سوى بعتاب
.....................عسى يوصل لك عتابي وتشعر يا الغلا فيني
العرض العادي
