قصيده يرد بها الراحل على احد الشعراء وهو يتغزل بالجمال في احدى
الدول العربيه الشقيقة.............. اليكم بعض منها.......
يابن الحلال ان طعتني خل الاسراف واترك جمال الغيد لاهل البصيرة
الزين مــــو بس الملامح والاوصــاف الزين روح وعفه وطيب سيـــــرة
مانيب من يهوى ((سريا وانصــاف)) انا هواي وبس بنت الجزيـــــــرة
بنت الخليج اللي تماري بالاعـــــراف وحنا نماري باسمها كل ديـــــــــره
مالي غرام بقول وخـــا وبالـــــــزاف اذبحنــــي عند الطرحه المستديــرة
احب قولة ياهلا وعل ماخــــــــــلاف من بنت ثوبي بنت الارض النضيره
اللي تحـــــلاها الظبي حلو الاطــراف جمــــــال في عفه ورقه وغـــــيره
واللي بهـــــا سحر ماهوسحرعــراف ياعل عــــــين ماتراها ضريـــــره
عطف وحنان وذوق في لين الاعطاف والى كشف لثامها شفت اميــــــــرة
صعبه على اللي بالردى شاف ماعاف وحلوه على اللي سنه الله ضميــــره
شمس الى من اشرقت والدجا طـــاف غابت نجومك غصب لو هي كثيرة
السيف مايزهى سوى كف سيـــــاف والخيل دون حصانها مســــتخيرة
بس انت دور لك على قدك لحـــــاف وان طعتني دور بدلنا عشــــــيره
العرض العادي
