[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
نزف الجروح ان مالقى من يداويه = لاخير في حبي ولا في الهوى خير
قصر الوفا من همنا كيف نبنيه = واثر القصر صاير بقايا طباشير
أزرع جنوني حلم والليل يجنيه = جنة امل مابين زرع ونوافير
واطلق عنان الريح للوجـد يطويه = في وسط جرحي جرح غنى به الطير
إن كان عشت الصبح في قمة التيه = ماهمني في الليل طول المشاوير
لا يا بقـايا هالزمن عذرك إنسيه = ماهو بانا من عاش يرجي المعاذير
الوقت قاسي والوفا وين الاقيه = في وسط ناس ٍ همها تجرح الغير
انا انا اضمي الزمن وارجع أرويه = اعيش يومي ماحسبت المخاسير
الليل يبقى ليل والنور يضويه = والصبح ضاوي لو طفيت النواوير
مادام همي ينتخي كيف أخليه = باسري معه والله يجيب التدابير
بحاول احرق همنا واحترق فيه = واسقي ظلام الوقت ضي المقادير
ومدام قلتي حب بقول خلّيه = ضعف النفوس وحبها بس تبرير
من قال احب اطلب له الله يشفيه = حب وطلب خاتم ولبسة اساوير
الحب ماهو حرف يكتب ونمحيه = الحب مايوصف جنابه تعابير
ان كان عندك للوفا قول هاتيه = وان كان ودك تلعبي بي محاذير
الورد كانه مالقى من يسقيه = يموت مايرجي عجاج المواطير
[/poet]
[/poet]
وسلامتـــــــــــكم
اخوكم الشاعر / سيـ الغرام ـف
العرض العادي
