مفلح
مسكين مفلح مالقى له وظيفه وظيفته عد الشوارع بالامتار
رجال لكنه عجز عن صحيفه شهادته فيها دواوير واصفار
والوقت هذا مايقدر ضعيفة دينار يسري به ويضويه دينار
ومفلح فقير والمواسم كليفه واسواق مكة كلها اسعارها نار
يبغى الزواج ولاتوافق لطيفه ماعندها استعداد تسكن مع الجار
تبغى مثل قوم القصورالمنيفه ماودها تعلق ثيابه ف مسمار
والا تبا زوج ثيابه شفيفه خده شبر وعيونه دعاج وكبار
تبغاه حتى لو عيونه كفيفه لو انه حمار وابو جده حمار
ومفلح يدور مالقى له رغيفه لاهو ولد تاجر ولاهو بسمسار
رجال عيبه بس يده عفيفه مامدها في مواقف الذل والعار
وده يحصل له وظيفه نظيفه وكل الوظايف دونها ارقام واسرار
مسكين مفلح كل وقته خريفه هذا اذا مفلح لقى ظل واشجار!!
والاترى مفلح علوم ظريفه وافي مع الوافين وان صار ماصار
مايشرب الا لين يشرب رديفه ولاياكل الا لادعا صاحب الدار
سوالفه ماهي سوالف خفيفه وحكايته فيها مواعظ وتذكار
تعب يدور له حياة شريفه ويعف نفسه عن مخاواة الاشرار
وبعد التعب قالوا:بنى له سقيفه واخذ معه دله قديمه ومزمار
وعقبه:سمعت انه لقى له وظيفه محجوزة في عنبر ثنين بشهار
وسلامتكم وصح لسان هالشاعر المبدع اللي يتكلم عن حال الشباب هالايام اللي هو:سعــــود الصاعـــــدي
العرض العادي
