ثمانين حجة
أنا عشت بالدنيا ثمانيـــــن حجــة والآخــــرة عندي تخافق سبورهـــا
ترى هذه الدنيا كفى الله شرها مخاليــــبها عوج تحول طيورهـــــا
كم واحـــد خلى عياله وثروته وتلحق على كل القبايل شرورهـــــا
وراحت بأجـاويد لها كل هيبة وراحـــوا ودمن الهبايـــب قبورهــــا
ولهم ليا جا البعث بالله مرجع مكتوب كل اللي ظهر من صدورهــــا
تشهد عليك العين والفم والقدم شهادة تعطي المحاسب حضورهـــــا
يوم بها كل المخاليــــق تطلبه صلب وقـــوف ما تحني ظهورهـــــا
ولا ينفـــع المولود والأم والابو إلا الذي حسناه تقبــــل بنورهــــــــا
ترى زينة التوبة إذا ما نقضتها وترى زينة الحجة مع الصوم سورها
وترى تنفع الصدقة لمن يستحقها وجميع محـــروم تخــدم قدورهـــــا
ولا تقارب النجسين تمسك طريقهم ولا تطاوع الحرمة تخدعك بجورها
المسلم المخـــلص يقدر بسمعته وإن ما وجدت الماء يكفي عفورهــا
ولا دايم إلا الله بعـزمه وقوتـه يذكر على الكرسي على قرن ثورهـــا
يأمر وينهى اللي يريده ويشتهي ولا له زميل ولا عمام يشـــورهـا
وخلقه تخشع له ويرجون رحمته والنفس لا صامت تحرى فطورهــــا
عنده لنا تســـع وتسعين رحمة مع جنة خضراء تدارج نهورها
صمنا وكبرنا صلاة على النبي وابطت لنا الدنيا ليالي شهورها
أوصيك يالسايل اليا جتك عيــلة من جاهــل متمـــرد لا تـــدورهــــا
الصبر يالسايل مفاتيحه الفــــرج والصبر يالسايل يخاوي صبورها
وختمت يالسايل صلاة على النبي الجاوني والعود الأزرق بخـورها
العرض العادي
