[poet font="Simplified Arabic,4,white,bold,normal" bkcolor="transparent" bkimage="backgrounds/13.gif" border="none,4,gray" type=0 line=200% align=center use=ex length=0 char="" num="0,black" filter=" glow(color=sienna,strength=2)"]
قلبي يحن والفكر من القلب حيران = شفق(ن) على شوفة هذيك الهنوفي
فات الوعد وعزتي لمن يتحران = كنه على نار(ن) لشوفي لهوفي
قصير خلص وعقبه رمضان لي بان = واويل قلبي كان هو ظن موفي
انشهد اني لشوفة الزين شفقان = حسبي على الدنيا بلاها عصوفي
يازين انا قلبي من الود رويان = مقدر على فرقاك لاكن ظروفي
لو هي على كيفي معك صرت سكان = ما فارقك ساعه احطك بشوفي
لو نسكن بديرة وحش مابه انسان = دامك معي ينشال من القلب خوفي
دامي اشوفك تمحي كل الاحزان = وان غبت عني صرت بحال(ن) كسوفي
لاشك فيه اسباب ياعود ريحان = عن شوفتك تمنع جداي الحروفي
الاوله حكي البشر رمي نيشان = بلسانهم ان طحت ما من وقوفي
حطوا عليك من السوالف بنكران = خلوك ما تسوى العباة ام صوفي
والثانيه انا سببها بوكدان = ماريد اذل الراس لو به كلوفي
يبقى رفيع(ن) دايم الدوم مايهان = ماهين راسي لاجل قلب(ن) عطوفي
احب واهوا ويحرق القلب نيران = لاشك ماخليه لرايي يحوفي
هذا السبب ياعود موز(ن) ببستان = ومني وعد لك مايجيك النكوفي
اصبر على شانك وباقي العمر فان = لو طالت الاعوام بالحب نوفي
لاجلك ملكت القلب وحطيت بيبان = واغلقتها بيديك ولابه حسوفي
وكويتلي اقصى الضماير بكتمان = مايبريه غير الثمان الرهوفي
طعم العسل بالريق لامنه اسقان = يحيي عروق(ن) ضميات(ن) جفوفي
ياحل طريا اللي كما عين شيهان = عنق الغزال مجفله من يحوفي
يدق قلبي دق طبل(ن) بميدان = بيدي عبد(ن) بين جند(ن) صفوفي
ما فارق(ن) زوله معي كل الازمان = خيالها دايم معي قدم شوفي
لا واهني لو هو سكن وسط صديان = بإجاء وسلمى كان مابه كلوفي
امل ان تنال اعجابكم
ورضاكم
وتقبلوا تحية
اخوكم
سراب الراحل
[/poet]
العرض الشجري
