السلام عليكم ورحمة الله وبركاته ومسيكم بالخير او صبحكم بالخير اليكم هذي القصيده التي تعبر عن نفسها وسامحوني على القصور وخير الكلام ماقل ودل
===============================
قالت بـــدوي قلت فخر ومعزة ****** أهل الكرم والعلم والحلم والباس
قالت بـــدوي قصدها بي تهزة ****** ماتدري اني بفتخر وارفــع الراس
الحمــــــــــدلله روسنا دوم رزة ****** اللي خلقنا بس نحني له الــراس
صافي نسبنا والحسب فية عزة ****** أصلٍ أصيل وفصل والعرق دساس
أهل الوفاء والدين صـــافي منزه ****** عن كل ماشاب العقيده من أدلاس
حنا العقيلات انشدي رجال غزه ****** حنا هل الدنيا وللدين حــــــــراس
حنا سنايد نجد في كل حــــزه ****** لا خانت حلوق الرجاجيل الأنفـــاس
حنا اجبال يعجز الريـــح هـــــزه ****** حنا لنجد حزام وعصابة الـــراس
نارد حياض المرجـــــلات ونلــزه ****** مانمشي دروب الرذيله والأدناس
من يغلط لسانه علينــا نجــــزه ****** واللي يحقر قدر الرجــــــاجيل ينداس
منا العدو تكفيه بالعين خــــــزه ****** يقضي عليه الخوف مع كل هوجـاس
من ذكرنا في قلبه تثور نـــــــزه****** من طاري البـــدوان يبلاه وسواس
نومه كوابيس وروعه وفـــــــــزه ****** دقت نواقيس الخطر له والأجراس
وان هو لقي له من علينا يــوزه ****** هون له الصعبات وابليس خنــــــاس
مايدري انه للمهالـــــك يــــدزه ****** عجل علي مبناه يمحي من الســــاس
يابنت حنا من نخانا نعــــــــزه ****** يأمن بنا الملهوف وتهابنـــا النــاس
مرسولنا للخير دايـــــــم نكـــزه ****** ولصرخة المحتاج نرخي الأكياس
تاريخنا مجـــــد لبسناه بــــــزه ****** نمشي بوسط السوق ماندحم! السـاس
لك ماتركنا بكاس الأمجاد مـزه ****** واجد عليك ومثلك حثالة الكــــاس
وش جاب حر الطير لفريـخ وزه ****** منهو يساوي جوهر الماس بنحاس
لاتحسبين انك لنا مــسـتفـــزه****** وش ياخذ الباعوض من ريش قرنـاس
وســــلامتكم
؟
العرض العادي
