قسم بالله ماغيرك رسم في لوحة سنيني
وجيه لفرحتي .. هالحين ماغيرك يبعثرها
.
.
كتبتك لين ماصاح القلم من قبضة يديني
كتبتك لين ماضام القصيد دم شاعرها
.
.
وشفتك لين ماصارت ملامح صورتك عيني
أناظر بك ونفس الوقت في عيني أناظرها
.
.
وقريتك لين ماصارت حروف أسمك تناديني
تراقص بالوهم وأنجن عقلي وقمت أسامره
.
.
وبكيتك لين ماصار الدمع يشكي لي ويبكيني
وما أشين نظرتي روحي ودمعي في محاجرها
.
.
وسامحتك وأنا فعلاً غبي لو قلت ذا ديني
ادينك كيف وذنوبك قبل لاتصدر أغفرها
.
.
هويتك كن حب الكون كاسٍ منتثر فيني
هويتك كن هالعالم أورثت قلبي شاعرها
.
.
هويتك والسؤال أحتار مابيني ومابيني
أبسأل .. لا .. أبسكت عندي أحلامي أبعثرها
العرض العادي
