والله لولا الخوف من ربي وكرهي للذنوب = بالحرام اقول ان التراب ابعد عليك من النجوم
يالهي تطمئن بذكرك ارواح وقلوب = لا الهي الا انت نسجدله ولا غيرك يدوم
يالعظيم اللي في علمك جنه ونار وغيوب= تنجي امي من عذاب النار والقبر الكتوم
يمه الله اللي يعلم يوم اوعك مغصوب = يوم احطك في القبر مدري اقوم اوما اقوم
ماقهقيت امشي ولا خطوه ولا الحق غروب = من عرفت ان الفراق اليوم صار امر محسوم
صارت الدنيا تدور ولا عرفت الدرب نوب = مثل الاعمى صرت يمه ماعلي شرهه ولوم
الوكاد اني غديت بصوب والدنيا في صوب= والحياة الله يجيرك صارت اقسى من اللزوم
كل ما اذكركك يمه ينحرق شمع ويذوب = يختنق صدر المفارق كثر ماصار محروم
اذكرك وانتي هنا وهناك ياصعب الهروب = وين ما ناظر اشوفك في عيوني كل يوم
اتخيل طلتك ومشيتك في هالدروب = حتى صوتك اسمعه نفس السوالف يارحوم
صاربيتي في عيوني موحش وكله عيوب = من رحلتي لاخبر لا علم ولاعين تنوم
مابقى للبيت نور وما بقى للجرح ثوب = مابقر الا ذكريات بيني وبيك تدوم
يمه الله لا يعاقبني ولكني اتوب = ليت ربي ما كتب فرقى ولاموت وهموم
ادري الجنه تحت رجليك ولله الوجوب= اسأل الله الرضى والفوز يالحي القيوم
بندر الرشود
تقبــلوا تحيــات اخوكــــم
( ســــــــــامـــــــــ 2010 ـــــــــي )
مرثية الشاعر بنـدر الرشــود؟؟
العرض المتطور
