السلام عليكم
حبيت اهديكم هالرائعة من روائع مهندس الكلمة
::.. الأمير الشاعر/بدر بن عبدالمحسن ..::
اتمنى ان تنال الإعجاب
 |
|
 |
|
الما ركـد والجريد الغض .. ما هـزّه
نسـايمٍٍ والـزمـن لا جـا ولا راحي
جمحت يا مهر حظي وأثر بك فـزّه
ما طـوّلت كلها غـارة ومشـواحي
لو كنت رمحٍ ٍ بكفّي كنت با هـزّه
لاشـك من هـو عليه أهوش بسلاحي
ولو كنت بيرق عقيدٍ ويـن أبا رزّه
وأطـول طويلٍ أشوفه .. هضبة جراحي
يا سـيّد الناس .. شمسك مالها حـزه
تعبت أمـاري بشمعي وضي مصباحي
من مس نورك جبينه يبشـر بعـزّه
ومـن مـر غيمك عتيمه بارقـه لاحي
يا سـيّد النـاس .. كلٍ لابس ٍ بـزّه
صعبٍ نفرّق ما بين الخبل والصاحي
كم واحدٍ مـر .. قال عيـوني تخـزّه
هو ما درى إني عمى عن قاصر أشباحي
أنـا عيـوني تتـل النجم .. وتكـزّه
عن حـارك الفلك .. هذي عادة رماحي
وما ألوم حظي .. تعب من كثر ما دزّه
لو هـو لغيري . .نسـاه الهم .. وإرتاحي |
|
 |
|
 |
________________________________________________
تــــــــــحــــــــــيـــــــــــــاتــــــــــــ ـي
العرض العادي
