مساء الخير..
تقول الروايات ان هذه القصيدة لشاعر شيباني من قبيلة عتيبة
كان يريد الزواج من إحدى الفتيات..لكن والدها رفض بحجة أن البنت لولد عمها...
وتعالوا لنقرأ هذه القصيدة..المليئة بالحكم..وبالعقلانية....
وياسلام على شعراء زمان ....
يقول منهو يفهم الوقت وبخيص
للي تمنى حاجتن ماتخصه
بالك تمنى لو تمنيك برخيص
ترى التمني غصة بعد غصه
وأبعد عن الخفاش والبوم والنيص
وحبل الرجا بيدين مخلوق قصه
وأطلع بنفد مايجيه المقانيص
مجلاس طعس ولاجلوس المنصه
تراك لوتلبس خشن وتأكل الشيص
وتشرب هماج وتنسدح بالمجصه
أخير من عيشة نعيم بتنغيص
وخل الأثر للي أبخص بقصه
ومن لايقيس قبل لاينوي يغيص
سود الليالي بالمشاكل تخصه
يصير عقب العز منبوذ ورخيص
يصبح كما الخاتم إليا طاح فصه
يقوله اللي شخص الوقت تشخيص
لو تنشده يعطي عن الوقت قصه
وقت كما البالوت يحتاج تخبيص
أحدن يفوز بفن..وأحدن برصه !!!!!
وسلامتكم,,,,,,,,,,,,,
مجلاس طعس ..... ولا جلوس المنصه ؟؟؟؟
العرض العادي
