جيتك وكني مالك ملك قارون من كثر شوقي لك ومن جور فرقاك جيتك وانا في حبك انسان مجنون وعلاجي من الجن طلت محياك جيتك بحب بين الاضلاع مسجون ساسه من العزه وقصره من ارضاك جيتك ضمان العون يالغالي العون ميت على لاماك واشربك واضماك جيتك على وضح النقى كيف وشلون بس المهم اشوف طخمتك والقاك شريت قربك والمخاليق يدرون لولاك مابعت اقرب الناس لولاك جيتك واحسب انك غريب عن الكون واثرك مكون حب والحب بحماك واقفيت مني وانت عاشق ومفتون سمعت عذالك وهديت مبناك اقفيت وانت تحيني موت وتمون وخليتني وانا انتظر وىتحراك مدري تبعت ابليس وابليس ملعون حرتني في حركاتك ومعناك دلع دلع في اللبس والشكل واللون اغريتني والغدر باسلوبه اغراك ونسيتني والناس يازين ينسون وانا تجرعت المرار بخطاياك صبرت صبر ايوب والخاين يخون والسد باح بنظرة اعداى واعداك واليوم جيت وشفت عذالك يجون عندي وعمك بين هذا وهذاك يانعبوك شلون الانذال يجنون عليك وانت بنت (ياقرب مسراك) ويانعنبوك شلون ترضين بالهون ويانعنبو رجل يحبك ويهواك الناس منك ياارذل الخلق ينهون ينهون من قربك ومن قرب شرواك والله مرضى بك لو الناس يرضون لاعاش قلب يعشقك ويتمناك لو انك انت الذنب والقلب فرعون آمن بربه من مصايب سواياك عذاب هم وغم واشواق واشجون سبت غرورك وانحدارة نواياك رفعت قلبي للسماء مابه ضنون معاد يرجع لو تقولين(نفداك) هذا جزاي ارخيت راسي لمزيون ماغير يالبيه لباه لباك والحين دينك صافقه مني ديون انت جزاك (الله ياكبر)بلواك جرحي برى والجرح منك بمليون لاشك يبقى دون طاريًك اشواك دور بدلي فيه قوم بيشرون وانا بدور شخص غيرك وابا انساك واقرى قصيدي وافطن لكل مكنون لاحظ حروف الشعر وشلون تجفاك جبريل خلى زبدة الخلق يقرون وجبريل حبي بالمضامين قراك اخذي كلام البدو والبدو يبقون مثل القمر لاتهتي الدرب قداك بيت الشعر قدامه البدو يرعون حلالهم منا ومنا ومناك ناس على درب الوفى دوم يمشون وعاداتهم للي معه وعي وادراك ياللي غدرت الحب والحب مصيون اخذ كلام ياصلك ويتعداك الحق للي يطلب الحق مضمون وانا اكبر من اسمك وساسك ومبداك جيتك وكني مالك ملك قارون واقفيت من غدر تولاك واعماك
مبدعنا حزين المعاني كلمات جميلة وابيات معبرة من شاعر يعرف كيف يصوغ ابداعه على الورقة والقلم أهلاً بك شاعرنا العذب واهلاً بعذب القصيد وجميل المعاني واهلا بحزين المعاني تشرفت كوني اول من يحظر لصفحتك الغراء عزيزي تقبل خاااااااااااالص تـــــــــحـــــــــيــــــــــاتــــــــــــي
يعطيك العافيه
يـــــــــــاهلا وغــــــــــلا :::::::: حززين المعـــاني ::::::: صح لسااااانك ولاهنت نثرت لنا من الابدااع حرووفا تتألق في سمااء الود دمت رااائع الحضووور والتميز تحياااتي اخووك عذب الوصاايف
صح لسانك والله يعطيك العافيه
اخي حزين المعاني سلمت يمينك على هذه الرائعه المفعمه بتجربة قلب صادق اجزل في العطاء وسوف يبقى جماله يعطيك العافيه وتقبل تحياتي اخوك عادل الشوق
هلا وغلا ... لست ... حزين المعاني .... بل ... أنت ... سيد المعاني ... وعازف عنفوانها ... : : جئت جميلاً ... تقبل إعجابي .. سلالالالالالام ,,,
العرض العادي
