القوافل ما تبالـي فـي المسيـره بالكـلاب=والّذي فوق المعالـي مـا يبالـي بالحسـود
ومنهو في ربّه توكّل مـا تخوّفـه الذّئـاب=وفي ديار الخير يعلا قدرهـا (آل السّعـود)
دامها للخير تبنـي فـي عدالتهـا نصـاب=ودام رب الكون يعطي في حناياهـا ويجـود
يا ديار الخير حسبك لـو بدينـا بالحسـاب=وش بلاه اللّي توهق واعتلا درب الحجـود
لو يبي ينشر سمومـه أو يفكّـر بالخـراب=أو يزوّد بالمكايد ليـن مـا يصبـح لـدود
مستحيل الخيريطري لو على صوت الغراب=حسبك الرّحمان ياللّي تمشي في درب القرود
كيف تنشر بين ربعك في مرابعها اضطراب=وكيف تسمع للأعادي والعـواذل واليهـود
إي وربّ الكون ياللّي مـا تفكـر بالعقـاب=لو تبالغ بالوسـاوس مـا يقاربـك الرّقـود
أرضها مهد النّبوه دينهـا ديـن الصّـواب=شرعها باقي علينـا فـي معاليهـا خلـود
قالها ربّي وصـوّر وصفهـا بيـن الكتـاب=وزانها بين الخلايق تعتلـي فـوق الوجـود
وفي دروب الخير تفتح للملا مليـون بـاب=وان بدا بالصّوت رعده ما تساويها رعـود
في رضى الرّحمان حنّا اللّي بغيناهـا ثـواب=وكلنا رغم المسافـه فـي حناياهـا جنـود
قادها بيـن المعالـي يـوم ألبسهـا ثيـاب=وفي أعالي المجد تلقى اسمها فيهـا يسـود
مملكة واللّي عليها مـا يـذوق الإغتـراب=نجمها بين الأعالي قادهـا (فهـد ) الفهـود
إي وحـقّ الله انّـه مـا يبالـي أو يهـاب=دامه في طول اللّيالي في ركوعه والسّجـود
ديننا الإسلام يبقى مـا رضينـا بإنسحـاب=وفي دروب الخير نمضي في روابيها أسـود
نرفض الإرهاب فينا وكيف نقبل بالشّـواب=وفي رحاب الخير نزرع مـن محبّتنـا ورود
نفتدي بالرّوح أرضك يالوطن يـوم المئـاب=كلّنا رغم المعالي في ثـرى وحيـك نجـود
مـا تفرّقنـا العـواذل والاّ يغرينـا خطـاب=والاّ تآخذنا المهانة والا نستهـوي الوعـود
وش بلاك الحين ياللّي ترتجي حلم السّـراب=عود وأرجع لا تكابر ما يفيـدك هالصّـدود
واسأل الرّحمان يقبل دعوتك يـوم المتـاب=قبل لى يكبر غـرورك والاّ تنـزل للّحـود
هذا بيت الله باقي ما دعـى داعـي وخـاب=وفي ديار الله حامي من على عرشه يـذود
ونورها ما يـوم عيّـا والاّ بيّـن بالغيـاب=وما رضينا بالمعاصي أو تناسينـا الحـدود
نجتمع في العام مره قبـل يجمعنـا التّـراب=وفي رضى الرّحمن جاءت في مناسكها وفود
ما حسبنـا للمسافـه والمعانـاه والعـذاب=والاّ في جمر اللّيالـي ساقهـا ربـي بـرود
في ديار الخير تلقى جمعنـا غالـي وطـاب=شرعنا والدّين واحد مـا رضينـا بالـرّدود
واحنا في يمن العروبه للعروبـه بإكتسـاب=يمّكم اخـوان جينـا لـو بغيتوهـا حشـود
نقسم الفرحه ونحزن يوم يسري الإكتئـاب=ما تفرّقنـا المسافـه والاّ تبعدنـا الحـدود
ويا مليك الخير ياللّي ما على خيرك حجـاب=وياللّي من أصل المعالي أصل أصلك والجدود
لا تبالي بالعـواذل يـوم تجتـاز الصّعـاب=سير في درب الكرامه والشهامه والصّمـود
ويا رجال الخير ياللّي في روابيهـا شبـاب=حسبكم انّ الخلايق فـي محاسنكـم شهـود
نورها شمس الضّحيّه مـا يغطّيهـا ضبـاب=والا ليل الزّيف يطري مستحيل انّـه يسـود
والكلاب اللّي تنـادي مـا تبيهـا الاّ كـلاب=كنّها صارت بهيمـه يـوم تتبعهـا الهنـود
والّذي شامخ وعالي في الأعالي والهضـاب=ما تخوّفه العـواذل يـوم يرسمهـا عقـود
وحسبك الرّحمن ياللّي لو تبي فيها إنقـلاب=خاف وإحذر والاّإرجع عن هوى زيفك وعود
وما تفيدك هالنّدامـه لـو تفكّـر بالجـواب=اذكر الجبّار ياللّي فـي لظـى نـاره وقـود
وفي ديار الخير تحلم بس تفكّـر بإقتـراب=يآخذك فيها عذابـه ويآخـذك رب الوجـود
ما أبد ترضى المهانه والاّ تغويهـا الذّئـاب=وسيفها عالي وشامخ فوق تأريـخ الخلـود
للملك دانت نواصـي بالنّواصـي والرّقـاب=وفي دروب الخير قالت: ما عليك اليوم زود
يا مليك الخير تبقى في سماهـا كالشّهـاب=وفي ديار الخير يعلا قدرهـا (آل السعـود)
علي الحزمي_صنعاء_
العرض الشجري
