|
. . بعد حديث اختاي لأمي عن يومهم المدرسي تقوم أمي بالاطلاع على كراس الواجبات والاطمئنان عن سيرهم الدراسي . بعدها يقومون اخواتي بتجهيز سفرة القهوة والشاي والمعاميل .. انتظاراً لمقدم والدي وما ان نسمع بوري( منبه ) سيارة ابوي الا ونتسابق على الباب . . |
. . غالباً ما يفاجأنا والدي بشي أحيانا يدخل وبيده حلوى وأحيانا عصائر أو شيكولاة وأجمل هدية ( تواجدهـ الغالي ) نقوم ونسلّم على راسه وبعد ما يغير ابوي ملابسه نكون منتظرينه على القهوه يجلس والدي ويتقهوى ( يحتسي القهوه ) ويلاعبنا ويسليّنا وكان أجمل مكان لي هو حجر والدي - الله يخليه لنا - . . |
. . بعد احتساء القهوة والشــــــاي بربع ساعه تقريبا يحين وقت تناول الغداء وأسمحووو لي اقول آآآآآآهــ ثم آآآآآآآهـ تقولون لي ليش يا نواف تقول آآآآآهـ اقول لكم .. ذكرت لون الحياة ومعناها الجميل تقولون .. كيف أقول لكم .. ذكرت سفرة الغداء والعشاء يقومون اختاي بإشراف أمي بترتيب سفرة الغداء وهي عبارة عن سفرة صغيرة مفروشة على الأرض تحتوي على صحن متوسط الحجم وغالبا ما يكون رز باللحم وصحون القرصان أو الجريش مع اللبن والماء وبس يــــــــاهـ ما اجملها من سفره وجمالها يكمل في اجتماعنا حول السفره وتصافي قلوبنا وتقاربنا الله يذكر ذيك الأيام بالخير . . |
. . بعد تناول وجبة الغداء يخلد والدي الى النوم حتى أذان العصر وبعد أذان العصر وكل فرض يقوم والدي بالوضوء والاستعداد للذهاب للمسجد وأحيانا يسمح لي بمرافقته للمسجد ولكن بعد توصيتي بالهدوء والادب . . |
. . اسمحو لي ان اذكر لكم بعض الوقائع والأحداث المتفرقة في بيتنا أو في ارجـــاء الرياض . أذكر مره من المرات كان الباب يطق رحت وفتحت الباب ولقيت رجل في الخمسينات من عمره ومعه زوجته وولده وبناته الولد أكبر مني بشوي وبناته حريم متغطيات يوم شافني سلّم علي وضمني الى صدرهـ وقبّل جبهتي طلع ابوي يشوف من عند الباب شهق ابوي ؟ تدرون ليه آآآآهــ بس ما راح اقولكم السالفه الحين ولكن انتظروني اذا رجعت من الدوام اقول لكم وش اللي صار . . |
. . صبــــــاحي القٌ بكم وأسعد الله اوقاتكم باليمن والمسرات 23 - 2 - 1430 هـ . . |
. . مع انبثاق فجر هذا اليوم أُقيمت صلاة الاستسقاء في كافة ارجــــــاء المملكة اسأل الله ان يسقي البلاد ويرحم العباد . . |
. . قبل ما استرسل في ذكريات الطفوله بصراحة اليوم احتواني حزن كبير لأنا صلينا صلاة الاستسقاء مرات عديدة والوضع خطير قد لا ندركه وصل الغور في الآبار لدرجات مخيفه بل إن بعض الآبار جفت تماما والأرض أجدبت والغبار المتطاير في الجو يهدد الحياة البشرية والطبيعيه . . |
. . ما زلت اذكر جدتي - يرحمها الله - تقول لي ( يا ولدي قبل ما نروح للاستغاثه نمهد لدرب السيل ونثبت الأعمده . وندخل البهم داخل ) تقول ما قد استغثنا الا وبعده ينزل علينا المطر سألتها ( ليه يا أمي الحين نستغيث ولا يجينا مطر ) قالت ( القلوب ما هي على بعض . وكثرة الحسد . وترك الزكاة ) كانت - يرحمها الله - مدرسة كبيره تعلمت منها الشيء الكثير . . |
. . في إحدى القرى الصغيره القريبة من الرياض وقبل 4 سنوات تقريبا وبعد صلاة الاستسقاء يقولون .. إن امرأه كبيره في السن وبعد الصلاة والدعاء قامت تتعكز على عصاها ويوم جت قريبة من الرجال صاحت بصوت عالي ( طهرو قلوبكم .. تطهر دياركم ويبارك الله لكم ) . . |
| الساعة الآن 06:53 PM. |