الشيخ ياسالم فقـد كـل تقديـر=وضعه اليم ويشتكي جور وقتـه
لبس ثيـاب ٍ شكلوهـا بازاريـر=من صدره المجروح حتى رقبتـه
والعجز عنده صاير ٍفيه تقصيـر=باسباب مـن زود معنـاة كبتـه
ذولا محاديـر ٍ وذولا مصـاديـر=كل ٍ يقول اللـول والـدر جبتـه
متغربل ٍ مابين عـج ومعاصيـر=بان الشحوب اللي كسا عود نبته
الشعر حبك وسبك فكره وتصوير=قالـوه شعارالجزالـه وصبـتـه
قلته وانا بجوا ضواحي(اغاديـر)=وفي خاطري مشوار لحدود(سبته)

رد الشاعر سالم الحربي :

أهلاً هلابـك ياسليـل المناعيـر=وبكتابك اللـي يالفريـدي كتبتـه
والشعر بالشعار بإذن الله بخيـر=شروى الرجال ورتبك الي رتبتـه
قصيدك أحلى من حليب المصاغير=الا مثل حلـو الشهـد لاشربتـه
ولايستوي راس الزباره مع النير=الفرق واضح بين ضلـعٍ وخبتـه
والي هضم حق الفحول الشواعير=ابرمـز لنقفـه وأنـا ماكذبـتـه
سبع البنـات ملونـات المناكيـر=في حظ من جاب الخبر لي وجبته
وأسلم وسلم لي على ديار أغادير=واللي سكن طنجه وكازا وسبتـه

الشاعر / سالم الحربي