|
. . نرجع مره أخرى لبيتنا اللي في الرياض ووقائع زيارة عمي ( عبدالعزبز ) لنــــا أبوي قام بواجب عمي وعزم الجيران وأخوالي وبعد صلاة العصر استأذن عمي والدي وقال اني راجع للديره لي عنها فتره طويله سأل ابوي عمي وش صار معك ومع سفرك ( عساك عيّنت خير ) رد عمي ( خير يجيبه الله ) ومعناه انه ما استفاد شي من سفره قام ابوي بخفيه وانا اشوفه وأخرج من مخباته ( رزمة فلوس ) حلف عمي وأقسم بالله ما ياخذ ريال واحد وقال عمي ( الله يبارك لك عندي وعندك خير ) . . |
. . رجع عمي للقرية وسكن بيت ( امه ) جدتي الله يرحمها وما زلت اذكر تفاصيل بيت جدتي الطيني وبدأ عمي يكد ويكدح اتوفير لقة العيش لأولاده ابوي كريم .. ولكن عمي عزيز نفس وما يحب يعتمد الا على نفسه مع كل اللي حصل لعمي الا ان ما فيه اشرح صدر من صدره وسيع خاطر وابتسامته ما تفارق محياه - الله يرحمه - . . |
. . بعد ما راح عمي للقرية طلبت انا وأخواني من والدي أن يذهب بنا لقرية أجدادي ( أهل ابوي ) لأنا ما كنا نعرفها زين وما كنا نروح لها الا قليل وافق ابوي ورحنا بعد زيارة عمي لنا باسبوعين تقريبا وسوف أذكر لكم بعض الوقائع من قرية ( والدي ) لاحقاً . . |
. . لي عودة مع واقع ذكرياتي .. إن شاء الله تقبلو خالص ودي وتقديري . . |
. . صبــــــــــاح الورد .. واحساس الوجد صبـــــــاح مشرق يرسم اضاءة لعتمة أحزاني 26 - 2 - 1430 هـ . . |
. . عودة مجددة لوقائع ذكرياتي أعتذر عن غيابي عن أرجاء المنتدى لظروف خارجة عن إرادتي ولكن تأكدوا أني حاضر بقلبي وأحساسي معكم تحية ورد ابعثها لكم في صباح هذا اليوم الأثنين 28 - 2 - 1430 هـ . . |
. . قبل اكمال وقائع سفرنا الى قرية والدي أحب أوضح أن والدي عاش يتيم الأب والأم فيها وعاش والدي في طفولته عند عمتي وكان وقتها أبوي صغير وهو بمثابة أبن لعمتي مقارب عمره لأعمار أبناء عمتي أمـــا عمي - عبدالعزيز - فمنذ ان بلغ سن 15 وهو خارج القرية ومشتغل في التجاره سافر عمي من القرية بعد وفاة جدي وكان عمري والدي 4 سنوات وعاش والدي تحت اكناف عمتي الغاليه - الله يخليها لنا - . . |
. . والدي كان متفوق دراسياً وحقق نتائج متميزه بعد إكمال والدي للمرحلة الثانوية التحق بـ معهد المعلمين آنذاك في الرياض وتخرَج منها بجداره وتم تعيينه في مدينة الرياض بعد تعيين والدي في الرياض اول عمل شرع فيه هو شراء بيت لعمتي في القرية وهو أقل شي يقدمه لوالدته التي لم تلده ثم اشترى بعد زواجه بيت في الرياض ابوي كان على تواصل دائم مع عمتي كنا نزورها واحنا صغار ولكن بحكم زياراتنا الخاطفه واللي تناسب وليمة غداء او عشاء وبحكم اني لم اعيش في قرية والدي فلم ترتسخ في ذاكرتي الا الوقائع البسيطه وبحكم انشغالات والدي وتواجد - جدتي - ( ام امي ) على قيد الحياة كانت حياتي في قرية جدتي وتعايشت كل تفاصيلها . . |
. . بعد طلبنا من والدي أن نزور عمنا الغالي - عبدالعزيز - الله يرحمه وافق والدي وواعدنا في نهاية الأسبوع . وفي صبيحة يوم الخميس توجهنا بشوق كبير لقرية والدي توجهنا بشغف لمقابلة عمي وللتعرف أكثر على واقع اوسع من قرية والدي أول ما وصلنا القرية حصل شيء لم يكن في الحسبان استوقف سيارة والدي رجل عاصب راسه وماسك بيده عصا أول ما وقف ابوي حصل شي والله يخوّف . . ما راح اقول لكم الان لأني ابروح اصلي الظهر ولكن انتظروني . . وابل محبتي لكم . . |
. . بكل الحب وبجنون الشوق وبخفقات الوله عدت اليكم مجدداً غبت عنكم أيام لظروف الإجازة ولكن قلبي عنكم ما غاب صباحي متألق بكم ومبروك لكم بداية الفصل الدراسي الثاني :) 3 - 3 - 1430 هـ . . |
| الساعة الآن 02:35 PM. |