ياليت بعض الناس للقلب ما خج=او هو ترك قلب العنا يوم خجـه
العام ما كنه على داركـم سـج=ولا اخذ وياك بالحـب سجـه
يام العيون السود ياباهي الغنـج=ياللي حلاها زاهيٍ فيـه غنجـه
ماتدري ان القلب من عقبكم دج=غادن لك الله كل الاوقات دجـه
باسبابك (البي ام) بدلتها رنج=وش حيلة اللي راتبه قسط رنجه
رجيتني يـا زيـن بغيابكـم رج=من هجركم عقلي (بدت) فيه رجه
آخر لقانا العام في اول الحـج=واليوم هجرك كمل هـلال حجـه
قلبي صبر عامين والثالث احتـج=برفع لكم يا قاضي العشق حجًـه

أرسلت له من حبر الأشواق دَفتَرْ=وشفته قبل يقرى شعوري قطعني
بحروف من قلب ومن الماء أطهر = وكلٍ على فعلٍ يسوّيهـ ../ ظنّيْ
مكانته عندي عظيمة وأبعذرْ = حطيت لهْ مليون عذر و قهرني
مارد لانه شافني شخص يحقرْ = جيته أبسأل عنه وردّه حقَرني
ماني بشاعر لكن أحس وأشعر = وألعب على نبرة صياحي وأغني