منتديات الـــود - آحٍّمًل خٌِفْوٍقٌٍيےّ .. وٍآسٌِِّهٍَرٌٍ لهٍَ بٌَِآشًِْوٍآقٌٍيےّ --

http://www.al3zeza.com/up/get-4-2009...m_rwojy7mc.jpg

عسـآني مآانحرم منكـ يآتآج رآسي

يابـوي جعلك ذخر لي دائم الطيب
............ عمــري بدونــــــك يــــالغلا وش ابي بــــه
بنـــــتك لها يابــــوي حلو التراحيب
............من طيـــب طيبـــك كل زينـــن تجيبــــه
أشــوم نفسي عن هل العيب واغيب
............ولهل الكـرم والجـود شفنــي قريبــــــه
زيني بذكــــري وذكري اليـــــوم يهيب
............وقـدري رفيع الشــاان ماهو غصيبــــه
يالـــله عسى لرضاك يابـــــوي انا اجيب
............ وليـــا حداك الوقــــــت أناطبيـبــــــــه
يابــــــوي جعلك للبقــــــا والمكاسيــــــب
............عمـــري بدونك يالــذّرا ويـــش أبي بـــه
يابــــوي تســـأل عن شفـــــاك المراقيب
............طلعــــة ســــــواتك للنــــّوايف غريبـــــه
وش بــك تحــاتي لانــــوى الموت تغريب
............تخشــــى عليــــنا بالليـــّالي الكئيبـــــه
خـذ دلــّتك واركـــــى على مسند الجيب
............وعطنــي شمــــاغك بلثمـــــه وأحتمــي به
ونـــروّح لأرض ٍ بهــــا العشــب والطيب
............وتسمــــع كلام ٍ يالغــــلا تحتفـــــي به
يابــوي بنتك لا انحكـــــى بالتــّجاريب
............كـــل ٍ يشق لهيبــــه الصـــّيت جيبـــه
يابـــوي مـــاني من ســـوات المخاريب
............اللـــّي تجيب لعليــــَة القــوم خيـــــبه
ومــاني من اللــّي لامشت حفــّها الرّيب
............أنا مـــن اللــّي مايـــدنـــّس حليبـــــه
مـــرفوع شـــاني عن غــرام المكاتيــب
............وأكبـــر من إنّني أرتضـــــي بالحبيبه
أنــا غرامـــي لاابتـــــدوا بالــتّراحيب
............نفوس الأوادم في وجـــودي رحيبــــه
خضـــّبت لك كفـــّي من العـــز تخضيب
............ورفعــــت راسي للنــّجوم الصــّعيبه
واللــــه لأســــدّك بالفــعول المصاليب
............واللـــــه لأشيـــلك بالرخـــا والمصيبه
طــــلع المعــالي ما انحكــــم للشــّواريب
............بنـــت ٍ وأنـــــاطح فارس القـــوم طيبه
وياشيخـــي إبشــر لوتدور الدّواليـــب
............بنتـــك إلا منـــّه عــوى الـذيــب } ذيـــبــه