|
مـع غروب الشمس لا يغرب الحب * أحلى رواية حب رومانسية كاملة
مـع غروب الشمس لا يغرب الحب * أحلى رواية حب رومانسية كاملة مـع غروب الشمس لا يغرب الحب * أحلى رواية حب رومانسية كاملة بقلم: ~؟ خيـ~آلـ ـواقعْ ؟~.! السلااااام عليكم ورحمة الله وبركاته بدون مقدمات ماأفضل إني أبدأ بذكر شخصيات القصه وفي كل مكان تظهر شخصيه حشرحها لكم بسم الله نبدأ 1 2 3 انطلااااااااااااااااااااا اق رواية * مـع غروب الشمس لا يغرب الحب * |
مـع غروب الشمس لا يغرب الحب * أحلى رواية حب رومانسية كاملة الجـــــــ الأول ــــــــزء في إحدى الاحياء الراقية بجده وداخل منزل فخم نطلع في الدرج لغرفه بابها لونه وردي داخل الغرفه الستاره مفتوحه وضوء الشمس منورها لان الوقت كان عصر قدام تسريحة الغرفه جلست روضه وهيا لابسه تنوره بني غامق لتحت ركبتها وفي نهاية التنوره فراشه زرقا صغيره معطيه التنوره شكل حلوو والبلوزه بيضه والأكمام سماويه طبعا مع الإكسسوارات سار اللبس كامل وشياكه مسكت روضه بيدها البيضه الناعمه القلوس فتحته ومررته على فمها الصغير غطت القلوس ورجعته مكانه وهنا دق التفون حق غرفتها راحت لعنده ورفعت السماعه وبصوتها النعومي خلقه: ألوو أمها ( أم ماجد ): رودي حبيبي يلا أنزلي يادوب نلحق الوقت، الناس بيتهم مو قريب روضه: أوكي مامي دقايق وأنا عندك أم ماجد: يلا أستناكي مع السلامه قفلت روضه ورجعت للمرايا فتحت شعرها الأسود على بني كان شعرها مقصقص من ورا وباين إنه غزيرعندها غره من قدام وقفت بطولها وجسمها الي يجننو: وااو شكلي جناااان ياحظ الي بياخذني هههههههههههه وبسرعه أخذت عبايتها ونزلت للصاله مكان ماتنتظرها امها وعلى طول راحوا السياره مع السواق لبيت أحد من اهل أمها. في بيت مو بعيد عن بيت روضه بس لفه وحده كانت شهد جالسه مع أخوها فارس قدام التلفزيون يتابعوا فيلم أمريكي بس فارس ماكان مندمج مع الفلم عكس شهد الي كانت كلها مع الفلم كان كل شويا يطلع جواله ويلعب فيه بس لمن قربت النهايه سار مره مندمج مع الفلم لانه حمااس شويه خلص الفلم ومن الطفش رمت شهد الرموت: أفف طفش والله حتى الشنطه لسا مامسكتها فارس بهدوء: لسا بدري وإذا طفشانه كلمي روضه شهد: كلمتها طبعا بس تقول خارجه عند أحد من اهل أمها مدري ايش وبعدين هيا رودي مو روضه معرووف فارس: يوووه إيش(يقولها بدلع) رودي ،، أنا أبغا أقول روضه حرر وخلاص سكي الموضوع ... قومي امسكي كتبك وذاكري لازم تشدي حيلك انتي توجيهي يعني خلاص آآآخر سنه شهد: عارفه والله عارفه وانت ماعندك شئ؟ ماشالله كأنك في قسم إقتصاد منزلي مو هندسه ماعمري شفتك تذاكر هههههههه فارس: أقول خليكي في حالك انتي الي ماتشوفي مو انا الي ما أذاكر شهد: خخخ بااين ( سكتت شويه وفجأه قالت) : فروسي فارس طل فيها يعرفها ماتدلعه إلا لمصلحه شهد ابتسمت بخبث: إش رايك نسوي في ليان مقلب بدل محنا جالسين كدا فارس ضحك على رجة أخته: ياامجرمه مقلب ولمين لليان اختك الصغيره الي لسا اول سنه لها في المدرسه/ شهد: بسس مقلب واحد ابغا افجعها والله نفسي اشوف شكلها وهيا مفجوعه هههههههههههههههههههههه فارس: هههههههههههه لا قولي مقلبين أحسن ! ايش هوا يا ام الدواهي ؟؟؟ شهد: انت روح عندها في غرفتها وكلمها عادي حاول انك تخلي ظهرها على الباب وانا أروح اجيب كاسة مويه باارده ووقت ماانت تكلمها اكب المويه عليها ( غمزت لفارس) ها اش رايك وانا اختك؟ فارس: ههههههههههههههه فكره خطيره أوووكي يلا انا قايم بس بسرعه لا تتأخري شهد: خخخخ لاتوصي حريص فارس: الله يستــر منك ّ راح لغرفة ليان لقاها جالسه على السرير وتلون فرحت لمن شافت فارس قامت ونطت عليه ضمته : فرووووووووس حبيبي فارس ضحك في قلبه مسكينه ليان مي عارفه اش حيسير لها دحين: هلا والله (مسكها من يدها ولفها عليه عشان ماتشوف شهد لمن تدخل) تعالي هنا .. اش تسوي؟ ليان فررحت: جالسه الون شوف دي الصفحات كلها انا لونتها فارس يشوف تلوين ليان الي كله طالع على برى والرسمه مي باينه بس قال: واااو من جد دا تلوينك؟ ليان: إيوا والله ودحين جالسه ألون دي البسه تبغا تلون معايا؟ فارس: إيوا ياليت تعلميني أسوي زيك ليان ماصدقت: طيب من عيووني أمسك اللون الرصاصي ولون هنا فارس: أووكي هنا دخلت شهد وهيا تمشي على أطراف اصابعها ومعاها كاسة المويه طبعا أول مادخلت شافها فارس لأنه طويل ماشالله ابتسم ورجع نزل راسه يكمل، قربت شهد من ليان رفعت يدها و كبت المويه على راس ليان ///// |
مـع غروب الشمس لا يغرب الحب * أحلى رواية حب رومانسية كاملة ليان: آآآآآآآآآآآآآآآآآآآآ ( طلت وراها ولمن شافت شهد نطت عليها) هبله انتي والله لأوريكي ( بكيت) والله لأقول لماما تشوفي انا اوريكي فارس جلس يطل فيهم بدون مايتدخل وهوا يضحك ع شكلهم وهما فوق بعض بالذات ليان مبلله بالمويه ومقهووره تسب شهد وتضربها بكل ما أوتيت من قوه ^__^ شهد تستغيث: فآآرس سآآعدني أرفعها من فوقي فارس: ههههههههـ أحلفي لكي وجه كمان.. تستاهلي ليان بعد ماهديت شويه وبعدت عنها: أحسن تاني مره ماتعيديها شهد تلم نفسها وطلت في فارس بقهر: لا ياشيخ مسوي برئ ... طلت في ليان ـ ترى حتى هوا كان عارف عشان كدا جا لغرفتك وسوى نفسو يلون معاكي ليان صرخت فيهم الاتنين : اطلعوو برا غرفتي ممنوع تدخلوها مره تانيه فارس وشهد قامو بسرعه وهما يضحكوو قلك خايفين منها ههههه} نبذه عن الأشخاص الي ذكرتهم 1.روضه:عمرها 18 سنهثالثثنوي دلوعة أمها وأبوها لأنها البنت الوحيده فيها جمال رباني يسحر الواحد بيضه عيونها واسعه وفيها لمعه غريبه حلوه خشمها دقيق فمها صغير بشرتها ناعمه طولها وجسمها متناسقين ،دائما ينادوها رودي. |
مـع غروب الشمس لا يغرب الحب * أحلى رواية حب رومانسية كاملة 2.أم ماجد: أم من جد تعرف حقوقها اش لها واش عليها تحب بنتها روضه وتتمنى لها من قلبها كلل خير وتخاف عليها مره. 3.شهد:عمرها 18 سنه ثالث ثنوي بنت عم روضه مره يحبوا بعض حللوه وفيها شوية رجه عندها دفتر من سنه خامس تكتب فيه كل شئ في قلبها. 4.فارس:عمره23 سنة رابع جامعه قسم هندسه شاب وسييييم وجذاب بكل معنى الكلمه طويل وعريض جسمه حلو كأنه لاعب رياضي، غامض يكتم دائما في قلبه مايحب يفضفض لأحد هوايته التصوير يحب يصور أي منظر حلو، إذا كان رايق تكون شخصيته مررحه ودمه خفييف. 5.ليان:عمرها 7سنين سنة أولى ابتدائي هاديه ولزوزه عندها أخو أصغر منها اسمو عبدالعزيز (عزوز) عمرو 3 سنين وهوا آخر العنقوود ’.’.’.’.’.’.’.’.’.’.’.’. |
تابع الجـــــــ الأول ــــــــزء في بيت روضه كان وقت غدا العائلة ( أبو ماجد- أم ماجد- مهند- روضه) للتوضيح = ماجد متزوج من بنت عمه (هيفاء) أخت شهد وعندهم لمى أم ماجد تنادي عليهم: يلا الكل اليوم معزووم ع الغدا اتفضلوو مهند رايق: يااسلاام مافي احلى من غدا امي وعزايمها أم ماجد: احم ياليت بعض الناس يتعلمو أبو ماجد: مين تقصدي؟؟ روضه ولا ماجد أم ماجد: ههههههـ واللبيب بالإشارة يفهم روضه وهيا نازله من الدرج: امم رائحة شهيه *_* أبو ماجد: هلا ومرحبا بأحلى بنت في الكون روضه: هلا في أحلى أبو ماجد ههههه مهند: يااعيني .. يلا رودي معزوومه اليوم روضه: خخخ آآي نوو كل يوم معزومين ماشالله أم ماجد: أكيد وفي أحلى من عزايمي على غدا أرقى طباخه روضه: لااا طبعا || خلصوا الغدا الحمدالله وأكلوا الحلا بعدها جلسوا في الصاله الكبيره الداخليه || دق جوال مهند ع نغمة ’’ فارس فارس.فارس الأحلاآآم ’’ << النغمة على صوت مهند وتأليفو طبعا هع قام بسرعه ورد على طول مهند : هلاا والله فارس: سلاآآم يا ولد عمي ههههه مهند:ههههههه أما ولد عمك.. وعليكم السلاام j فارس: كيف الحال عساك بخير مهند: الخير فيك الله يسلمك فارس: تسلم .. أقولك اليوم عندك شئ؟ مهند: لاا ماعندي غير كم طلب أدانا هوا الدكتور بس مو مستعجل عليه فارس: حلوو لأني طفشان قلت نروح البحر نمشي هناك وتكلم سامي يجي معانا مهند: طيب مافي مانع مع انو حر ورطوبه لكن أحسن من البيت .. خلاص اتصل ع سامي دحين ونمر عليك فارس: خلاص أستناكم.. مع السلامه مهند: مع السلامه ـ اتصل مهند على سامي الي يقرب لو ولد خالو يعني أم ماجد ( أم مهند ) وأبو سامي أخوان وقاله أوكي ماعندي شئ – مهند يكلم أمه وأبوه: يلا أنا رايح مع فارس وسامي البحر أم ماجد: ايش رايكم أكلم أم فارس ونروح كلنا عوائل للبحر روضه: إيوا إيوا نبغا نروح نغير جو وهنا رن التلفون ردت أم ماجد : ألو ...... : السلام عليكم أم ماجد: هلاا أم فارس الطيب عند ذكره أم فارس: ماشالله إيش كنتو تقولو؟ أم ماجد: كنت أقول لهم ايش رايكم أكلم أم فارس نروح البحر مع بعض أم فارس: ههههههه سبحان الله نفس الكلام الي اتصلت عشانو أم ماجد: يلا على بركة الله نتجهز ونروح أم فارس: أوكي نشوفكم هناك ، مع السلامة أم ماجد: مع السلامه ’.’.’.’.’.’.’.’.’.’.’.’. غدآآآآ لنا لقاء يا حلووووووووين بباي |
يعطيج العافيه قلب الزهور ع الطرح والقصه الحلوووه
مجهود مميز عساج ع القوه متابعه وفي انتظار الاجزاء الباقيه موفقه ان شاء الله |
اقتباس:
يسعدلي قلبك ياقلبي |
مـع غروب الشمس لا يغرب الحب * أحلى رواية حب رومانسية كاملة الجـــــــ التاني ــــــــزء نروح لحي ثاني في بيت فخم أبو سامي ( أخو أم ماجد ) كان يشرب شاهي ويقرأ جريده في حديقة البيت سمع صوت سمر بنته : باابا عمة رضيه (أم ماجد) ورودي حيروحوا البحر مع بيت عمهم ايش رايك نروح معاهم؟ أبو سامي: اممم مدري على كيف أمك أنا عن نفسي مشغول اليوم حبيبتي سمر عوجت فمها: ماما ماأتوقع إنها توافق أبو سامي رفع عينه من الجريده: إذا انها ماتبغا تروح هيا روحي إنتي وسهى مع سامي سمر بحزن: إن شالله راحت لأمها الي كانت جالسه قدام التلفزيون وفي يدها فصفص _ طلبت منها الطلب_ أمها وهيا تطالع التلفزيون: تعرفي جوابي انا ماابغا اروح دبري نفسك سمر: طيب حروح انا وسهى مع سامي طلعت سمر فوق لغرفتها تغير ملابسها بدون رد من أمها نبذه عن الأشخاص الي ذكرتهم: 1. أبو ماجد: أبو حنون على أولاده يشتغل في نفس الشركه هوا وأخوه ( أبو فارس) 2. مهند:عمره 22 أخو روضه أنييييق يدرس في الطب سنه رابع جامعه ناوي يتخصص طب عام يعني في النهايه يكون دكتور في طب العائله أعز أصحابه فارس وبعده على طول سامي ورائد الي يعرفو من المتوسطه ، يلبس نظاره مره كشخه، يحب الاختلاط في الناس بحكم شغله الطبي عكس فارس . 3. رائد:عمره 22 رائد صاحب مهند من التوسطه شخصيه حبوبه ومرحه حلو عنده نغزات في خدينه محليته مرره أعز أصحابه مهند وعنده أخت اسمها رهف 4. ماجد: أكبر أخوانه متزوج من بنت عمه أبو فارس واسمها هيفاء عنده بنت اسمها لمى << عائلة فرعية صغيره ^__^ 5. أبو سامي: مهتم بالشغل لأن شغله يبغاله انسان متفرغ هوا يشتغل في شركه غير عن أبو ماجد وأبو فارس بس بالرغم من كدا يحاول يعطي وقت لاولاده. 6. أم سامي: شخصيتها ترجع لأهلها من النوع القوي والمتسلط بس أبو سامي مايسمح لها تفرض رأيها عليه. 7. سامي:عمره 20 ولد خال مهند شخصيه اتكيت حلو ورزين قسم علوم سنه 2 جامعه الي يشوفه يحسه شخصيه مهمه لأنه دائما جلسته معتدله طويل يعني بالعربي منمق. 8. سمر:عمرها 18 بنت خال روضه وأحلى شئ فيها عيونها تحاول تخلي الي حولها دائما فرحانين حتى لو كان على سبيل زعلها هيا، تزعل مره إذا شافت أحد متضايق. 9. سهى:عمرها 16 سنه أولى ثنوي لونها برونزي ذكيه أعز صحباتها رهف تعرفها من المدرسه وطبعا مرام بنت خالتها. ( بيت أبو سامي كلهم بحرف السين سامي وسمر وسهى) ’.’.’.’.’.’.’.’.’.’.’.’.’.’.’.’ في البحر ... وآه ياحبي للبحر يكفيني أجلس وأطالع فيه أحس إني أرمي كل همومي بداخله ..’ على مكان مخصص لجلوس العوائل انفرشت بساطين بعيدين عن بعضهم شويه وحده للرجال والثانيه للحريم أول شئ نروح لعند الحريم كان في أم ماجد وأم فارس البنات شهد وروضه وسمر وسهى وليان (للتوضيح) = ليان وعزوز أخوان شهد وفارس ليان: ماما فين عزوز أم فارس: مع أبوكي ليه؟ ليان: اممم بس اسأل ابغا العب معاه طفشت وانا جالسه مع دول ( وتأشر على البنات) شهد: اقول احمدي ربك اننا جلسناكي معانا سمر (تضرب شهد على كتفها): حرام عليكي يادبه، تعالي ليون انا وانتي نتكلم ونلعب مع بعض. ليان: هييييييي (تمد لسانها لشهد) اححسن روضه تمسح على شعر ليان وتطالع في شهد بعتب: كيف مانجلسها معانا دي ليوون دلوعتنا شهد: اووكي اسحب كلامي أكلتووني البنات: ههههههههههههه سهى: بنات ذكرتوني جبت كتشينه ( باشته , باصره ) معايا ايش رايكم نلعب؟ روضه: حلوو كويس اتذكرتي,, يلا نلعب العاديه في البدايه وانا وليان فريق شهد وسمر: أوكي يلا عند الرجال .. كان في أبو ماجد وأبو فارس الشباب مهند وفارس وسامي ومعاهم عزوز أبو ماجد: عاش من شافك يا أبو فارس إنت والشباب أبو فارس: الله يسلمك وانت زمان عنك حتى في الشركه مانتقابل دواماتنا مختلفه أبو ماجد: الحمدالله على كل حال وأهم شئ اننا تجمعنا اليوم وشفنا بعض أبو فارس: صحيح وبالذات في البحر يااسلاام سامي: مهند وفارس اش رايكم نمشي فارس: طيب يلا عن إذنكم أبو ماجد وأبو فارس: الله معاكم أبو فارس: شويه ونقوم حتى احنا نمشي لاتحسبون ان احنا شيبان مهند: هههههههههههههـ لا افا عليك يا عمي انتو في عز شبابكم أبو ماجد: ههههههـ في عز شبابنا ... مايحتاج الكلمة الأول في شبابنا وخلاص فارس وسامي: الله يطول في أعماركم الكل: آمين في طاعته سامي: يلا قمنا مهند: توكلنا على الله قامو الثلاثه وعزوز معاهم في وسط كلامهم.. فارس: مشتهي آيس كريم مين يبغا؟ سامي: مشكور مو مشتهي مهند: ولا انا تسلم فارس: الله يسلمكم .. وراح لمحل الآيسكريم وهما واقفين بعيد شويه يستنوه (للتوضيح) = البنات دائما يكشفوا وجوههم وإذا غطوها اتلثموا يعني نص الوجه مكشوف.. في هذه الأثناء عند الحريم كلام في كلام عاد بالذات الحريم كلامهم ما يخلص. << خخخ روضه: محتاره أشتري ذرة ولا آيسكريم سمر: مايحتاج حيره محنا في باريس تاخذي لك شئ حار يادوبك مع الجو تاخذي لك آيسكريم شهد: هههههههههههـ من جد سهى: حتى أناا مشتهية آيسكريم فانيلا وشوكلاته روضه: أوكي يلا تعالي معايا في أحد كمان يبغا؟ سمر وشهد: لا شكرا نطت ليان: إلا أنا أبغا مسكت يدها روضه: إنتي ياقموره تعالي طبعا أم ماجد: لالا ليان ممنوع الآيسكريم حبيبي إنتي مزكمة ليان زعلت: ليييه عادي سهى جلست: خلاص حتى أنا ماابغا آيسكريم بس روضه لأنها كبيره ( وغمزت لروضه) & طبعا روضه فهمت انو تروح تشتري الآيسكريم لها ولسهى بس بدون ماتشوف ليان راحت روضه ووقفت عند المحل وكانت متلثمة لأنه مافي أحد معاها من البنات روضه: أعطيني اثنين آيس كريم بالشوكلاته والفانيليا. البائع: تيب فارس كان واقف جمبها بس باين انها مانتبهت له قرر يضحك عليها وهوا واقف قرب منها هيا حست وبدون ماتطالع فيه بعدت شويه لمن بعدت قرب منها مرره مسافة1 سم بينهم تقريا روضه عصبت مرره ورفعت راسها: وجعع إنت ماتس سكتت ماقدرت تكمل جملتها لأنها شافت فارس وهوا يضضحك وهنا جا البائع واعطى فارس الآيس كريم وراح فارس في وسط صدمة روضه ووسط ضحك فارس ’’’’ هيا كان نفسها تعطيه كف على الحركه الي سواها أخذت الايس كريمين ورجعت جلست جمب امها وقالت لها في إذنها صوتها كان واضح انه فيها شئ كأنها تبغا تبكي: ماما ابغا ارجع البيت أم ماجد وهيا مفجوعه على بنتها: بسم الله عليكي اشبك روضه: مافيا شئ بس ابغا ارجع البيت حاسه بالم في راسي ام ماجد: سلامتك تحتاجي نوديكي الدكتور؟ روضه: لا مايحتاج بس ابغا ارجع البيت أم ماجد: خلاص دحين أتصل على أبوكي بعد 10 دقائق تقريبا كانت روضه في سريرها تفكر في الموقف الي مع فارس: والله إنه مدري كيف يرضى يقرب مني لدي الدرجة حتى لو إني بنت عمه مهما كان لازم يكون بيننا حدود آآخ منه قهررني بالله أنا دحين ليش شاغلة فكري في واحد مايستحي؟ خليني أنام أحسن لي وراحت في سابع نومة نبذه عن الأشخاص الي ذكرتهم أبو فارس: أبو يعتمد على ولده فارس في أمور كثيره ويثق فيه ويحبه من قلبه يحسه ساعده الأيمن يهتم بعائلته. أم فارس: تشبه لشخصية أم ماجد كثير، حنونه. ’.’.’.’.’.’.’.’.’.’.’.’.’.’.’.’ بداية يوم جديد... في الصبااح كل واحد من الأفراد آباء و بنات وأولاد الي راح للمدرسه والي للجامعه والي راح لشغله اما الأمهات صلوا الفجر ورجعوا ناموا هما والصغار الي لسا في سن الحضانه *_* ... طلع فارس لسيارته شغلها بضغطة الزر والمفتاح في جيبه قبل مايحرك السياره طلع جواله ودق على مهند مهند: هلا والله صباح الخير فارس: صباح النور والإحساس والطيبه مهند: الله يديم الرواقة !! فارس: ههههههه انا دحين في السياره رايح للجامعه امر عليك ولا لسا مو دحين تبدأ محاضرتك؟ مهند: الا بعد نص ساعه حتبدأ مسافة الطريق يعني |
مـع غروب الشمس لا يغرب الحب * أحلى رواية حب رومانسية كاملة فارس: طيب يلا تراني في السياره بسرعه أنزل مهند: اصلا انا جاهز،، استناك فارس:أوكي مع السلامه قفل من مهند وحرك السياره لبيت عمه القريب من بيتهم مافي دقيقه الا ومهند راكب جمبه مهند: السلااام عليكم فارس: اهلين وعليكم السلام مهند: ياخي ابتسم رحب اكثر طول الوقت وانت ملامحك جديه فارس: ههههههههههههههه اوكي.. ياهلا ومرحبا ومسهلا واهلين ومرحبتين و اش في كمان ولا كفايه؟ مهند: هههههههههههههههههههه ايوا كدا هنا وقفوا عند الإشاره وكانت حمرا وقف جمبهم باص بنات في المتوسطه البنات لما شافوا فارس بعضهم جوا عند الطاقه يأشروا له ويضحكوا .. فارس عجبه الوضع شغل المسجل بصوت عالي وكانت أغنية نانسي إحساس جديد ... فتح الطاقه وجالس يغني مع نانسي بشفايفه ويأشر على البنات << من صباح الله هههه البنات ساروا مبسوطيين واتجمعوا أكثر عند الطاقه بعضهم كاشفين وبعضهم مغطيين مهند:هههههههههههههههههههه خف عليهم ترى مايصدقوا تعطيهم وجه بزران فارس مطنش ويغني مع نانسي << مندمج خخخ ولعت الإشاره خضرا فارس مشي طولي والباص لف يسار والبنات باين عليهم الحزن الي نزلت يدها بقهر والي تقول افف مهند قفل المسجل: رجيتناا فارس: ههههههههههههههههه قلت خليني اونسهم شويا مساكين حيروحوا للمدرسه والهم والنكد مهند: لا ماشالله نيتك سليمه وماقصدك يعني تغازل ولا شئ فارس يضحك: لالا أبدا .. ( رفع ظهره وعدل ياقته) بس بالله اش رايك؟ البنات بيتجننوا عليّ مهند كأنه يكلم نفسه: مشكلة الوثوق بالنفس لدرجه عاليه مشكله كبييره فارس: ههههههههههههه أمووت على الي يغاروو ’.’.’.’.’.’.’.’.’.’.’.’.’.’.’.’ سامي وسمر وسهى عندهم خاله (أم خالد) أبو خالد عنده خالد ورغد و مرام نبذه عن الشخصيات الي ذكرتهم أبو خالد: شخصيته انقياديه كأنه حرمه يعني مو رجال رجال تعتبر زوجته هيا ولية الأمر. أم خالد: شخصيه متسلطه تأمر وتنهى شديده تعز (أختها) أم سامي كثير لانها تحس إنه طباعهم تتشابه بس بنتها رغد غير دلوعتها. خالد:في عمر سامي 20 سنة ونفس القسم علوم ثاني سنه ولد يختلف عن عائلته حبوب وحلو وطيييب يحب يرمي الهموم وراه مايفكر إلا في الحاضر أعز أصحابه سامي ولد خالته،، خاطب بنت خالته سمر من فترة _ يعني حاجزها_. رغد:عمرها 18 سنة ثالث ثنوي بنت دلوعة أمها ملامحها حلوه بس الي يزيدها جمال دلعها دائما الي في راسها يمشي،، مغرورة وماتعتبر من النوع الاجتماعي. مرام:عمرها 16 سنة أولى ثنوي قد سهى بنت خالتها هيا وخالد متوافقين مع بعض دائما ملامحها مايله للجمال ومايعجبها دلع رغد أختها الزايد بس شعرها حلو اسود سواد الليل وطويل وناعم. ’.’.’.’.’.’.’.’.’.’.’.’.’.’.’.’ [ أبو ماجد+أبو فارس= أخوان ،،أم فارس+ أبو سامي = أخوان ،، أم سامي+ أم خالد = أخوات] *يعني ماجد ومهند وروضه أولاد عم فارس وشهد وليان وعزوز * فارس وشهد وليان وعزوز أولاد عمة سامي وسمر وسهى * سامي وسمر وسهى أولاد خالة خالد ورغد ومرام ’.’.’.’.’.’.’.’.’.’.’.’.’.’.’.’ |
مـع غروب الشمس لا يغرب الحب * أحلى رواية حب رومانسية كاملة الجـــــــ التالت ــــــــزء في هذه الأثناء في الجامعه كانوا سامي وخالد مع بعض لأن عندهم بريك ومعاهم اصحابهم نادر وفهد ورامي (للتوضيح) = خالد وسامي قسم علوم جدولهم زي بعض// سامي جلس على الكرسي بتعب ورمى كتبه على الطاولة: أوه بااقي آخر محاضرة ونخلص خالد: يا شيبه لدي الدرجه تعبان ترى احنا علوم مو طب نادر: ومين قال العلوم سهل إذا مايتعّب الجسم يتعّب العقل سامي: تمام عليك عقلي مقفل مليان معلومات رامي: يالله هونوها وتهون.. مين يجي معايا الكوفي نشتري شئ؟ فهد: أشتري لي معاك كراوسان وبيره خالد: يلا أنا اجي معاك اشوف ايش اشتري في احد يبغا شئ غير فهد؟ سامي ونادر: لا شكرا راحوا خالد ورامي للكوفي .... فهد: أقول اش رايكم نروح المجمع نتمشى إذا رجعوا نادر: نو بروبلم سامي: طيب بس كلوا اول شئ ولازم نرجع بعد نص ساعه لأن محاضرتنا حتبدأ فهد: يسير خير بعد مارجعوا الشباب وأكلوا راحوا السوق وهناك دق جوال فهد فهد بابتسامة: شباب عن إذنكم اتصال من وحده حلوه نادر: يووه مابطلت من المكالمات! فهد وهوا ماسك الجوال: ماأقدر أتخلى عنهم .. هلا حياتي سامي بأسف: الله يهديه. ’.’.’.’.’.’.’.’.’.’.’.’.’.’.’.’ بعد الموقف الي سار بين فارس وروضه طبعا روضه زعلت منو كيف يقرب منها وقررت ماتسكت لو وتبين لو إنو هيا كبيره وفاهمه هيا في آخر سنه في المدرسه مو أول سنه حاولت تفكر في شئ يقهروا بس ماحصلت لأنها ماتعرفو زي الناس مو دائما تشوفوا وبالتالي ماتعرف ايش الشئ الي ينقهر منو،، عشان كدا قالت خليني اتصل على شهد مبدئيا واواعدها اني اروح بيتها وهناك إذا شفته كان بهااا اتصلت على شهد وقالت لها أوكي لأنو شهد جالسه في البيت طبيعي في وسط الأسبوع (( ملاحظه: احنا في الترم الثاني باقي شهر ويخلص )) طلعت روضه لغرفتها ولبست تايير عادي وفتحت شعرها بعد مافرقتوا من النص وحطت على كل جمب توكه صغيره سار شكلها راايق ولززوز نزلت لتحت ونادت ع السواق جاء فتح لها الباب ركبت السيارة وأول ماركبت اتصلت على شهد روضه: ألو شهد شهد: هلا رودي وينك؟ روضه: يلا أنا تحت البيت افتحيلي شهد: أوكي بايوو ’.’.’.’.’.’.’.’.’.’.’.’.’.’.’.’ دق الجرس في بيت أبو فارس ليان وعزوز جري على الباب وطبعا سبقوا شهد فتحوه لقوا روضه روضه: أهلييين كيفكم يا حلوين ليان: وااو رودي عزوز: وحثتيني روضه: هههههه وإنتو أكثر والله هنا جات شهد: هههههههههههه كيف الإستقبال بس روضه: ولا فندق 5 نجوم ّّ شهد: ههههههه إيوا والله تحمدي ربك ليان وعزوز يستقبلوكي روضه: ههههه أكيد وأنا قلت شئ غلط شهد: ماتقدري تقولي قلبك مايقوى.. روضه وهيا تبوسهم: وأنا اشهد شهد: أمشي على الغرفه روضه: لاخلينا نجلس في الصاله مافي أحد شهد: إيوا والله صح ماما وبابا نايمين، لازم وقت العصر روضه: ههههه نفس حالنا راحوا جلسوا في الصاله روضه: قرأت طريقة أكله لزييزه اليوم ناويه أعملها لكم شهد: ايش المقادير روضه: لا مقاديرها متوفره عندكم متأكده بس خليني أسويها وإذا عجبتكم أفكر أقول لك الطريقه ولا لا شهد: يا لطييف ليش ماحتقوليها يعني روضه بغرور: عشان كل ماتشتهيها تجي لعندي وأسويها لكي شهد: هههههههههههههههههه طيب يلا أنا حطلع أستحم وإنتي سويها روضه: طيب بس لاتطولي فاهمه؟ شهد: لالا 10 دقايق وأنا عندك إن شالله روضه: إن شالله طلعت شهد فوق وراحت روضه للمطبخ وليان وعزوز يلعبوا كل واحد بالقيم بوي حقه في غرفتهم أول مادخلت روضه أخذت كاسه وصبت لها مويه جلست على الكرسي ولسا توها تبغا ترفع يدها عشان تشرب... دخل فارس للمطبخ وشكله اتفاجأ إنو روضه هنا .. أما روضه ارتبكت من زمان ماشافها وهيا كدا بطولها بدون عبايه ولاحاجه فارس وهوا يحط مفاتيحه ومحفظته وجواله على الطاوله وبدون مايطل فيها: أوو روضه عندنا كيفك؟ روضه: الحمدالله (وباستغراب) مين روضه؟ فارس بعد ماصب له كاسة المويه وجلس قبالها طل فيها مباشرة: إنتي يعني مين روضه نزلت عينها اتربكت من نظرته: أناا (وبدلعها) رودي فارس سكت وبعد شويه: وين شهد،ليش جالسه في المطبخ لوحدك!؟ روضه وقفت وفتحت الثلاجه: شهد فوق في الحمام تستحم وأنا عندي أكله لزيزه حعملها أخذت لبن زبادي و صكت الثلاجه لفت لقت فارس وراها مباشرة لو مارجعت لورى بسرعه كان صدمت فيه رفعت راسها وطلت فيه يعني خير؟ بس فارس مد يده وأخذ اللبن منها وفتح الثلاجه: لا دا خالي من الدسم (أخذ لبن تاني) خدي دا كامل الدسم روضه(كأنها بدون نفس): إيوا صح رجع فارس للطاوله وأخذ أشياؤه: يلا سلام أنا رايح لغرفتي ولا تنسي تذوقيني من أكلتك سكتت ماحبت ترد عليه |
مـع غروب الشمس لا يغرب الحب * أحلى رواية حب رومانسية كاملة خرج فارس من المطبخ وكملت أكلتها دخلتها الفرن ورجعت للصاله تستنى شهد وهيا في الصاله كانت تفكر: والله مدري إشبو دا الولد فارس يحسبني بيبي ولا ايش، ثاني مره يقرب مني أصلا خلاص لازم مايدخل إلا وأنا محجبه محنا صغار بدل ما يستحي على دمه ويخرج من المطبخ يتكلم عادي ولا كأني قدامه بنت بطولي أفف غبي وانا الأغبى وين خطتي اني أقهروا وأبين لو إنو مايسير الحركه الي سوااها .. صراحة لازم أعترف لنفسي ماأقدر أواجهو بدا الكلام في وجهو مستحيل مره ارتبك،، طيب كيييف؟ قطعت أفكارها شهد: سلملم روضه طلت في شهد بسرعه كأنها مفجوعه وعلى طول اتداركت نفسها وطلت في ساعتها: هاذي 10 دقايق ماشالله ! شهد: ههههههاي نسيت أقول لك 10 دقايق + 5 دقايق روضه: لاوالله؟ تنكتي إنتي ووجهك شهد: أقول أخبار أكلتك؟ روضه وقفت: أوو ذكرتيني رايحه أشوفها راحت وجات شهد معاها فتحت الفرن لقتها خلاص استوت طلعتها شهد: إمممم ريحتها تفتح النفس روضه: وطعمها أحلى شهد: بسرعه أقطعي لي ماأقدر أتحمل قطعوا لهم وصلتين وجلسوا ياكلوا شهد: وااااو خطيييره والله يا روضه روضه: من جد مرره لزيزه .. على فكره فارس قال يبغا يذوقها شهد باستغراب: فارس في البيت؟ روضه: إيوا جا لمن كنتي في الحمام شهد: غريبه .. يلا أقطعي له (وبصوت عالي) فاااارس لياااان عزووووز ليان وعزوز: هااا شهد: تعالوا وعلى طريقكم جيبوا فارس معاكم روضه: لااا خلينا أحسن نودي لفارس صحنه بلاش هوا يجي شهد بتطنيش: لااا خليه يجي بنفسه دقيقه وكانوا الثلاثه في المطبخ فارس: وااو الريحه تجنن ليان وعزوز: نبغا قطعت لهم روضه بس جلست تطل في ليان وعزوز تبغا رأيهم فارس: تسلم يدك والله روضه: الله يسلمك.. وإنتو ليان وعزوز كيف؟ عزوز: مره طعمه إنتي سويتيها ولا من مطعم؟ فارس يستهبل: أكيد من مطعم شهد تكلم روضه: موو أقول لك دي الأشكال ماتقدر الشيفات روضه في البدايه مافهمت لشيفات بس اول ماحللتها وفهمتها: ههههههههه شيفات حراام عليكي ترى أكره الطبخ ليان: لالالا حلوو طبخك عزوز: أصلن كنت عارف إنو رودي ثوتو فارس ضربوا على راسو من ورا بشويش: أجل ليش تسأل .. (وقف): يلا أنا خارج (طل في روضه) تسلم يدك روضه بابتسامه حلوه:بالعافيه وأول ماخرج روضه: أفف منك طيب إذا مادخلتك على مهند شهد: لاياشيخه دحين زعلانه هاا ترى حافظ شكلك روضه قامت: ماينفع معاكي الكلام ’.’.’.’.’.’.’.’.’.’.’.’.’.’.’.’ كانت سمر جالسه في غرفتها تحاول تقرأ لها كلمتين من الكتاب بكره عندها اختبار وخصوصا انهم في ثالث ثنوي يعني يحاولوا يجيبوا نسبة حلوه ع الأقل التتقدير ممتاز سمعت بابها يندق وهيا منسدحه في السرير: اتفضل دخلت أمها: سمر ايش تسوي؟ سمر جلست ع السرير ومستغربه ايش تبغا امها منها .. رفعت لها الكتاب الي في يدها: أذاكر أم سامي: طيب كويس اتجهزي بعد المغرب رايحين بيت ستك وحيجوا بيت خالتك ( أم خالد) سمر عارفه إنو دا مجرد خبر مافي مجال للمناقشه: طيب خرجت أم سامي ورجعت سمر لوضعها السابق انسدحت وهيا تفكر: حتجي رغد يعني .. فجأه حست قلبها وقف .. ويمكن خالد الي هوا خطيبي يجي امم على حسب سامي بس مااتوقع انهم يجلسوا في بيت ستوو آآآه يا خلوودي وحشتني من زمان ماشفتك والله عارفه إنك تفكر فيا و تحبني ترى الي بيننا شعووور متبادل .... حست انها موو مع الكتاب تفكيرها مع خاالد زوجها المستقبلي الكل عارف دا الشئ رمت الكتاب ودخلت الحمام تستحم وتتكشخ يمكن تقابلوا صدفه مابقي ع المغرب غير ساع هالا ربع في غرفة سهى أختها ماسكة جوالها وتكلم بنت خالتها مرام سهى: هههههههههـ أقول لك ترى بعد ساعة تقريبا حنتقابل في بيت ستو خلينا نقفل ونروح نلبس مرام: خخخخ من جد الله يعينني على مقابلة وجهك سهى: هاهاها تتمني انتي اعطيكي وجه اصلا.. على فكرة أختك رغد دلوعة الماما جاية؟ مرام: أفف منها أكيد وهيا تقدر تفوت زيارة لبيت ستو سهى: الحمدالله انك انتي الي قدي مو هيا والله يعين سمووره عليها مرام: من جد أجل اش تقولي علي انا معايا 24 ساعه سهى: بس بس لاتبكي يلا أشوفك هناك باااي مرام: بااي بعـــد المغرب كانوا بيت أبو سامي في بيت ستهم (سيدهم متوفي عشان كدا يسموه بيت ستو) أما بيت أبو خالد لسا ماوصلوا ستهم "علية" من النوع الي تميز أحد من أحفادها وتفضله ع الكل والحفيده هيا ..||| سمـــر |||.. ستهم علية: كيف حالك يابنتي سمر ؟؟ تعالي اجلسي جمبي فقدتك سمر وهيا مبتسمة راحتوجلست جمبها: والله حتى انتي ياستو وحشتيني كيف صحتك؟ ستهم علية: الله يخليكي ليا.. إلا كيف حال زوجك خالد هنا سمر وجهها سار طمااطم ومااعرفت بإيش ترد أم سامي: أمي الله يهديكي سمر لسا مااتزوجتوو بس خطووبه ستهم علية: طيب خطوبه يعني خلاص زوجها المهم الله يوفقهم سهى ضحكت وكملت مع ستها: آمين سمر طلت في سهى نظره يعني أنا أوريكي مزح طبعا وهنا دخلوا عليهم أم خالد ورغد ومرام أم خالد: السلااام عليكم أم سامي: يا هلا يا هلا تو مانورت الفيلا مرام تقرص سهى: كيفك يا وحشه؟ سهى: أح أحد يسلم كدا مرام : يااي يارقيقه.. (تسلم على سمر) أهلن أهلن .. وبصوت واطي.. يا مرت أخويا سمر انحرجت زياده: إيييـ بايخة مرام: هههههههه ياحليلك انحرجتي رغد تسلم على سمر بعد ماسلمت على سهى من أطراف أصابعها: كيفك سمر ايتسمت: بخير بعد ماجلسوا كلهم طبعا أم خالد وأم سامي مع بعض في الزاويه متكين وماخذين راحتهم في الكلام عن الناس وخصوصا الحريم و البنات أهم الأخبار عندهم .. أما سهى ومرام مبسوطيين مع بعض يتكلموا ويتحكوا ويرسلوا لبعض بلوتوث في الجوال رغد وسمر جالسين شويه بعيدين عن بعض رغد: تعالي سمر ليش جالسة بعيد سمر ماحبت تطولها صح انو هيا جايه قبل بس قالت مافيها شئ عادي وراحت جلست جمبها: كيفك؟ رغد بدلع: كويسه سمرابتسمت: الحمدالله رغد: امم حلوه قصتك وصبغتك متى سويتيهم ماشالله؟ سمر: تسلمي.. سويتهم قبل أسبوعين تقريبا تغيير رغد: آهاا لأنو حتى أنا أفكر أقص وأصبغ سمر: روحي لمشغل (..........) خطير في الشعر << ماأسوي دعايات هههههـ رغد: إيوا أعرفوا حتى صحبتي نصحتني فيه ،، سكتت شويه بعدين قالت كأنها اتذكرت.. إيوا صح نسيت أقول لك سمر: إيـش رغد: خالد يسلم عليكي سمر اررتبكت خصوصا إنو الي يبلغها السلام رغد وهما مابينهم شئ: الله يسلمك ’.’.’.’.’.’.’.’.’.’.’.’.’.’.’.’ غدآآآ لنا لقاء ان شاء الله مع تحياتي بباي |
يعطيج العافيه قلب الزهور ع الجزء الرائع
ننتظر المزيد لاهنتي |
روعه القصه تسلم الايادي
بتابعها معاكم ان شاء الله |
اقتباس:
ياعيووووووووني شكراااا |
اقتباس:
ياحلوووووتي يسلمووو |
مـع غروب الشمس لا يغرب الحب * أحلى رواية حب رومانسية كاملة الجـــــــ الرابع ــــــــزء اليوم الثاني في المدرسة (للتوضيح: روضة وشهد وسمر في نفس المدرسة ) كانوا الثلاثي جالسين ع العشب وقت الفسحة لوحدهم مو مع شلتهم روضة: عاارفين يا بنات باقي تقريبا 3 أسابيع ويومين ونتخرج من المدرسه كلها هههههه سمر: اللله متى يجي آخر يوم بس أهم أيام دي الأيام شهد: طبعا أيام المراجعه يعني حنحضر أتوقع ألين يوم الأحد الجاي وبعدها نغيب ونبدأ نذاكر للاختبارات النهائية سمر: آآه الله يعيننا مع النظام التراكمي دا روضه: من جـد مدري اش فايدتو شهد: إنو ينزل درجاتنا بس ! سمر: خخخخ فائده خطييره دق الجرس معلنًا نهاية الفسحة روضة: لااا ياخسارة شهد وسمر وقفوا و مسكوا يد يعض << يعني لأنهم في فصل واحد يبغوا يقهروا روضه روضه: ههههههه عادي حروح لناديه وأمسك يدها شهد وسمر: هههههههههه سمر: لالا ولو مانقدر نزعل الأموره روودي روضه تسوي نفسها زعلانه: بعد ايش؟ شهد: خلاص ايش الي يرضيكي؟ روضه تفكر: اممم لقيتهااا سمر وشهد: ايش؟ روضه: إنك تخليني أقرأ مفكرتك الي تكتبي فيها الي تحسيه في قلبك يا شهد شهد: احلفي. ماقيتي غير دا أجل خليكي زعلانة أحسن ،، وراحت عنهم روضة وسمر طلوا في بعض وهما مستغربين مااتوقعوها حتزعل!! ’.’.’.’.’.’.’.’.’.’.’.’.’.’.’.’ طبـعا الشباب يختبروا الإختبارات النهائية قبل المدارس فكانت دي الفتره هيا أيام إختباراتهم .. خلونا نشوف أحوالهم ونبدأ بـ سامي وخالد بما إنهم في نفس القسم.. طبعا هما آخر سنة لهم ويتخرجوا لأنو العلوم 4 سنين عشان كدا شادين حيلهم يبغوا وظائف في بيت سامي كانو مجتمعين ويذاكروا مع بعض اختبارهم الي بعد بكره خالد: أفف تعبت الماده هذي بالذات خايف منها سامي يشجعوا: أبو سلمان استهدي بالله انا عارف انو الماده صعبه بس انا وانت كملنا اوراقنا يعني ان شالله نجيب نتيجه حلوه خالد: إيش رايك ناخذ استراحة سامي: هههههههه ماشاالهت استراحاتنا اكثر من مذاركتنا خالد: ههههههه اصلا الاختبار بعد بكره سامي: بس باقي لنا يومين ونأجز آآه ونرتاح من الهم خالد: يلا قوم شوف لنا طريق ولا ترى أتصل على سمووره أقول لها سوي لنا كابتشينوا من إيدك سامي يقاطعوا بمخده على وجهوا: أشوفك صدقت تراها أختي خالد: ههههههههـ عاارف سامي: أستنى شويه أروح أشوف وينهم خرج سامي للصاله بس ماقى أحد: أكيد إنو كل واحد في غرفتو دخل مره ثانيه عند خالد في الصالون: اتفضل يا سي خالد خلينا نخرج للحديقه نغير جو خالد: يلا خرجوا برا وجالسين يمشوا في الحديقه خالد: ممكن كاسة مويه سامي: أحلى يالأدب .. لو إني حتى أنا مو عطشان كان قلت لك دقها كعابي على أقرب سوبر ماركت خالد: ههههههـ أعرفك وأعرف معدنك الطيب سامي طنشه ودخل البيت وأول مامشي أول خطوه شاف قفا بنت جالسه ع الكنبة وفاتحه شعرها الي يوصل لنص ضهرها طبعا هيا أول ماسمعت الباب لفت وجهها واتفاجئت بسامي الي كان وااقف مكانه موو مصدق في دي اللحظه دخلت سمر : شهد .. سكتت لما شافت سامي.. ساامي!!! ايش تسوي واقف؟ سامي يجاوب على سؤالها وعينه على شهد: أبغا كاستين مويه سمر: طيب طيب انت اخرج وانا اجيب لك هيا سامي بسرعه: لالا لاتخرجي في خالد برا سمر بلعت ريقها: أوكي حدق الباب حق الحديقه سامي: طيب وخرج أخيرا شهد اتنفست بقوة وغمضت عينها سمر: ههههههههه الي يشوفك يقول شفتي وحش موو إنسان شهد: أخوكي ما بغاا يخرج سمر تغمز: موو قادر يقاوم الجمال شهد سكتت وطلت في الأرض ححست إنها اشتاقت له وانو بس بشوفته قبل شويه رجع لها ذكرياتها معاه سمر: شهد ويينك شهد رفعت راسها: هناا يعني وين سمر: صدقتك .. اسمعي انا رايحه اجيب لهم كاسة الموية وانتي حاولي تكتبي المعادلات الصعبة في ورقة شهد بهدوء: طيب ’.’.’.’.’.’.’.’.’.’.’.’.’.’.’.’ أما بالنسبة لفارس كان جالس في غرفتو على الطاولة ومشغل الأبجورة على الورقة الي جالس يرسم عليها تصميم بيت والطاولة كلها مراسيم بمقاييس مختلفة ومسطرة ومثلث هندسه حجم كبير يعني الي يشوفوا يعرف انو مهندس سمع الباب يندق قال بصوت واطي: اتفضل بس شكلوا الي برا ماسمعوا فاندق الباب مره ثانية وطلع صوت امو: فاارس موجود فارس قام من الكرسي وفتح الباب: إيوا موجود أم فارس: ها كيف المذاكره\ فارس: أحتاج دعواتك بكره عندي كويز أم فارس: والله اني ادعي لك الله يوفقك .. مدت يدها واعطتوا الصحن الي فيه أكل .. لازم تاكل فارس: الله يخليكي لنا .. ابتسم.. مدري مين حيهتم فيني لو جاتني البعثة أم فارس: لالا بلا بعثه بلا سفر أجلس عندي وكمل دراستك هنا فارس وهوا يحط الصحن على الطاولة: انتي عارفة اني ان شالله لو سافرت ماحطول سنتين او سنة وومكن اقل 6 شهور بس أم فارس: مااقول غير الله يهديك ويختار لك الي فيه خير فارس: آآمين ’.’.’.’.’.’.’.’.’.’.’.’.’.’.’.’ |
مـع غروب الشمس لا يغرب الحب * أحلى رواية حب رومانسية كاملة طبعا مهند اختباراتوا فيها تجارب عملية غير الأقسام الثانية لأنو طب كان في الجامعه وبالتحديد في المعمل الي فيه اختلاط بنات وأولاد بس الي مريحوا إنو صاحبو رائد معاه من المتوسط وبحوثاتهم دائما مع بعض ،، كانت في وحده لبنانيه اسمها ناهد فيها جمال متعوده إنو الكل يعجب فيها بس حست إنه مهند مو معطيها وجه مره حتى رائد صاحبو ممكن ياخذ ويعطي معاها شوية فقررت إنها هيا الي تتقرب منه مهند: رائد معاك قلم؟ رائد جالس يدور في جيبه بس ناهد بابتسامه: اتفزل دكتور مهند مهند أخذه منها: شكرا كمل شغله عادي ناهد: أنا حعمل لي نسكافيه حدا بدو اعمل لو معايا؟ وحده من البنات: إيوا انا لو سمحتي ناهد ناهد: وإنت دكتور مهند؟ مهند استغرب من بين كل الطلاب تناديه هوا بالذات بس ماحب يكسفها قال لها : لو سمحتي ناهد: من عيوني مهند كان مستغرب بس قال أنا دخلت خلاص هذا القسم وكنت عارف إني حختلط مع بنات لازم اتعود وأخلي الوضع طبيعي،، جات ناهد ومعاها كوبين نسكافيه راحت أعطت للبنت وبعدين راحت لمهند ناهد وهيا تمد يدها: إن شالله بيعجبك مهند مبتسم: اكيد تسلمي ناهد ترد ابتسامته: ولو الله يسلمك ’.’.’.’.’.’.’.’.’.’.’.’.’.’.’.’ يوم جديد.. الساعه 12 ليلة السبت وليلة أول يوم في الإختبارات النهائية للمدارس كانت رغد فاتحة الماسنجر حقها تكلم صحبتها نهى رغد(₪,,دلوعة أمهاا,,₪) .. نهى (ஐღ ღفقدتك ياأعـــز الناس ஐღ ღ) (للتوضيح)= رغد ونهى اتعرفوا على بعض في معهد للغة الانجليزية وساروا مره صحبات << وحنعرف السبب لأنو رغد مغروره وماهي اجتماعية ஐღ ღفقدتك ياأعـــز الناس ஐღ ღ: أهلييييييين نووور المسن والله ₪,,دلوعة أمهاا,,₪): بوجودك ஐღ ღفقدتك ياأعـــز الناس ஐღ ღ: كيفك ياقمر؟ ₪,,دلوعة أمهاا,,₪): تمام ماشي الحال .. وإنتي أخبارك؟ ஐღ ღفقدتك ياأعـــز الناس ஐღ ღ: بخير بشوفتك ₪,,دلوعة أمهاا,,₪): تسلمي .. ايوا مين الي فقدتيه ஐღ ღفقدتك ياأعـــز الناس ஐღ ღ: أكييد انتي فقدتك من جد (وجه مخنوق العبره) ₪,,دلوعة أمهاا,,₪): (وجه مكسوف) تسلمي ياقلبي حتى أناا ஐღ ღفقدتك ياأعـــز الناس ஐღ ღ: الله يسلمك .. وإن شالله بس السنة تخلص نتقابل وجلسوا يتكلموا الين الساعه تقريبا 3 نبذه عن الأشخاص الي ذكرتهم رهف: صحبة سهى في المدرسة عمرها 16 رهف بنت ملامحها ناعمه و فيها جاذبيه في حركاتها وكلامها تحبب الي حولها فيها أعز صحباتها سهى ومرام هوايتها الطبخ وشغل البيت أخت رائد. نهى:عمرها 19 هيا بنت بس حركاتها وكلامها يشبه الأولاد وحتى شعرها قصير أعز صحباتها وأحبهم رغد لأنها تحس فيها الصفات الي ناقصتها الدلع والأنوثه ولمن كانوا يمشوا مع بعض في المركز كان شكلهم غلط . << عرفتوا السبب طبعا ’.’.’.’.’.’.’.’.’.’.’.’.’.’.’.’ |
مـع غروب الشمس لا يغرب الحب * أحلى رواية حب رومانسية كاملة أول يوم في الاختبارات طبعا يكون لو رهبه غير باقي الأيام،، بالنسبة لسمر وشهد وروضه كانوا يهدوا بعض والي مريحهم إنو هما الثلاثه في نفس القاعه وأماكنهم مو مره بعيده عن بعض وأول يوم عليهم رياضيات ومكتبه دخلوا القاعه وهما يذكروا الله وقرروا إنهم يحاولوا مايغشوا من بعض قدر الإمكان << خخخ ونعم القرار خلص إختبار الرياضيات ونزلوا بعد ماوقعوا طبعا الكل يعرف كيف الأحوال تكون في دا الوقت كل البنات ملتمين وكل وحده تسأل عن السؤال الي كانت شاكه فيه وزي كدا وبعد ماجلسوا أخيرا مسكوا الكتاب الي عليهم في الفترة الثانيه وهما جالسين مع بعض سمر: شهد ممكن سؤال؟ شهد: إذا كان عن الاختبار خلاص راجعنا بما فيه الكفاية روضه تكمل: واكتشفنا أخطاء بما فيه الكفاية الله يستر بس سمر: هههههه من جد .. لالاهوا سؤال خارجي شهد: واات؟ سمر: ليش أول زعلتي لما رودي قالت لك ع المفكره؟ شهد ارتبكت شويه: لااا عادي بس روضه: بس ايش؟ شهد: إنو الدفتر أكتب فيه كلام ماأحب أحد يقرأو روضه: حتى إحنا؟ شهد الدمعه في عينها: خصوصيات سمر قربت منها وضمتها: قلبي شهد ماتسوى دموعك خلاص أنا آسفة إني فتحت الموضوع شهد تمسح دموعها وتبتسم لهم: لا عادي ماغلطتي خلاص ولا يهمكم بكره أجيبوا تشوفوا شكلوا بسس (وشددت على حرف السين) روضه: هههههههه ولايهمك أهم شئ راحتك ورجعوا يذاكرو وهما في ساحة المدرسه ’.’.’.’.’.’.’.’.’.’.’.’.’.’.’.’ بما إنو إختبارات المدارس بدأت فطبيعي إنو بعض الأقسام في الجامعه تكون مأجزه خالد وسامي كان اليوم عندهم غيـــر اليوم اتخرجوا من الجامعة وأجزوو بلا عودة إن شالله وأكيد إنو العوائل حتعمل حفلة كبيرة لكل الناجحين والخريجين وغير حفلتهم الي في الجامعة أبو سامي: مبرووك ألف مبروك التخرج وعقبال الوظيفة والزواج خالد وسامي: الله يبارك فيك سامي: وين أمي وسمر وسهى؟؟؟ أبو سامي: عارف إنت سمر وسهى لسا عندهم اختبارات فأتوقعهم لسا نايمين وأمك مدري وينها خالد: طيب سامي أدخل شوف فين خالتي حتى أنا أبغا أسلم عليها سامي: أبشر دخل سامي للبيت وترك خالد وأبوه في الديوانية سمع أصوات في المطبخ دخل لقى أمه وبابتسامة عريضة راح لها وقال: باااركي لي أم سامي: بسم الله .. سامي متى جيت؟ سامي: هههههههه دوبي جاي من الجاامعه وبلااا عودة إن شالله أم سامي: ماشالله يلا عقبال مانزوجك ونفتك سامي ماخذها بروح مرحة مايبغا شئ ينكد عليه: أفاا يا امي أهون عليكي تقولي لي الكلام هذا (غمز لها) أم سامي: مااقلت شئ انت ووجهك .. وناوي تتوظف ولا سامي: إلا إلا إن شالله .. أمي وين سمورة وسهورة هههههه؟ أم سامي: ذحين تبغا تدلعهم بدون دلع أحلى.. كل وحده في غرفتها أطلع شوفها سامي: ههههههههه أووكي رااح جري لغرفة سمر أول شئ دق الباب سمع صوتها اتفضل دخل جري ونط عليها سمر صرخت: ايش فييي؟ سامي بضحكة شاقة الحلق: هههههههه سلامتك (قام منها وعدل نفسه) اليوم اتخرجت سمر اتفاجئت: جــد؟خلاااص اليوم ..قامت من الكرسي وضمت ساامي.. ههههههههـ مبروووك سامي: الله يبارك فيكي وعقبالك وعلى فكرة أذكرك حتى خالد اتخرج معايا ويستنى الوظيفة سمر وجهها على طوول حمر: ماشالله الله يوفقكم سامي: الله يوفق مين بالظبط؟ وغمز لها .. خرج من عندها وراح لغرف سهى دق الباب بس شكلها نااايمة الأخت فنزل تاني لعند أبوه وخالد ’.’.’.’.’.’.’.’.’.’.’.’.’.’.’.’ |
مـع غروب الشمس لا يغرب الحب * أحلى رواية حب رومانسية كاملة في اليوم الثاني في المدرسة أهون من اليوم الي قبله بالنسبة لشهد وروضة وسمر طلعوا لاختبار الفترة الأولى والحمدالله عدى تمام وكان سهل ع الكل بعد مانزلوا جلسوا مع شلتهم شويه بعدين قاموا يمشوا في الساحة وهما ماسكين كتابهم حق الفترة الثانيه يقرأوا كلمة ويتكلموا مع بعض عشره خخخ شهد: إييوا بنات أتذكرت جبت مفكرتي روضه: كويس مانسيتي شطووره سمر: يلا متحمسة أشوفه (ملاحظة: شنط سمر وشهد وروضه حق الاختبارات نفس الشكل واللون بس المختلف انو كل وحده كاتبه اسمها فيها بالخيط ) راحوا عند مكان شنطهم فتحت شهد شنطتها وطلعت الدفتر منها روضه: يااي مرره نايس سمر: كيووت الدفتر كان مره حلو مغطى بالريش الوردي فاتح من ورا وقدام،، ومن الوجه مخيط بلون وردي غامق شكل قلب شهد: يسلموو عيونكم الحلوه وبعد ماشافوه رجعتوا في الشنطه راحوا كملوا مذاكرتهم.. انتهى اليوم ورجعت كل وحده لبيتهم سمر دخلت البيت وعلى طول طلعت غرفتها كالعادة بس اتذكرت سؤال كانت شاكه فيه ففتحت شنطتها عشان تشوف الكتاب بس اتفاجئت بوجوود شئ في شنطتها ايش الشئ الي اتفاجئت منوو سمر؟؟ ’.’.’.’.’.’.’.’.’.’.’.’.’.’.’.’ في بيت أبو سامي وقت العصر كانوا سامي وسهى جالسين ع التلفزيون والريموت مع سامي وفي دالوقت يجي مسلسل سهى تتابعوا بس عارفه انها لو قالت لسامي ماحيرضى عشان كدا كانت تفكر إنها تاخذ الريموت منو سهى: ساامي سامي: همم سهى: سمر تبغاك فوق سامي لف عليها: احلفي سهى: من جد تبغاك في شئ خاص سامي وقف: غريبة أوكي انا طالع لها أول ماراح سامي سهى نطت مكان ماجلس وأخذت الريموت وهياا خايفة من كذبتها طبعا غيرت عالمسلسل وجلست تتابع وهيا مستنية صرخة سامي أما سامي فطلع فوق ولقى باب غرفة سمر شبه مفتوح دق الباب بس ماسمع صوتها ففتح الباب وداربعيونه ع الغرفه كانت هدووء وسمر ماهي في وهوا يدور بعينه لمح شئ على طاولتها راح لعنده شكله عجبه وأول مره يشوفو في غرفتها كان دفتر شكله مره حلو مغطى بالريش لونو وردي مسك الدفتر ورفعه فتح أول صفحة لقاها بيضة ومكتوب من تحت بخط حلو وعريض (( دفتري الخاص .. شهد..)) هوا أول ماقرأ الاسم حس بقلبه يدق وقال بصوت واطي: يعني الدفتر حق شهد .. وبهدوء زي مادخل خرج ومعاه الدفتر قبل ماتطلع سمر من الحمام وتشوفو دخل لغرفتوا وشغل الأبجوره الي جمب السرير وبإيدين خايفة فتح أول صفحة وهوا جاهل اش ممكن تكتب في دفترها الخاص حاس بتأنيب الضمير ومع ذلك فضوله غلبه قرأ فيه: إلى من أحببته بقلبي وكياني .. لا أعرف لمن أبدي هذه المشاعر؟؟ أحس أن البشر لن يفهموا بحقيقة ما أعاني طيلة 11 سنة ! لذلك كان هذا الدفتر بمثابة بديل .. ولكن.. أي بديل وأي دفتر !! إن القلم والكتابة لا تحمل إلا جزءا مما أحمله في قلبي من مشاعري الخالدة له .. أحبه نعم أحبه وسأصرخ بصوت عالي في وجه هذا العالم أني أحبه وسأبقى أحبه إلى الأبد قلب الصفحة الي بعدها وكان مندمج بفكره وقلبه وحاس بنار تشتعل في قلبه من هذا الانسان الي تحبه شهد وكان نفسه يروح لها دحين ويقول لها بكل حب وصراحة إنه يحبها أكثر مما هيا تحب هذا الانسان إن هذا الحب هو أسمى حب و أرقى حب لأنه مبني على لاشئ بصراحة تامة أقولها أني اشعر بتناقض كبير من داخلي أشعر أني أحبه بينما لا يعرف أحد ذلك أبدا سوى هذا الدفتر المسكين الذي يتحمل جزءا من معاناتي فهل من كلمة تعبر عن من يحمل كل المعاناة !! كان يحس نفسه خلااااص مو قادر يستحمل بس يبغا يعرف على مين هذا الكلام وهوا متأكد إنه إذا عرف ماراح يسير شئ غير إنه ينقهر زيادة ويحس بنار في قلبه تشتعل فقلب الصفحات بسرعه وانفتحت على دي الصفحة وهنا .. أحب أن أقول يا من كان حبي لك مطابقا لاسمك ( لو كان لي قلبان عشت بواحد وتركت آخر في هواك يعذب ) سامي أنت أسمى حب عشته في حياتي .. كان شكل سامي وشعوره وكله على بعضه يعجز أحد عن وصفه بس كان يبغا يعرف شئ واحد إذا هوا سامي الي كانت تقصده ولا واحد تاني عشان كدا فتح صفحة من النص يبغا أي دليل يأكد له إنه هوا كانت من أجمل لحظات حياتي .. فعلا إنها لحظات ولكنها أجمل من أيام مرت وسنون مضت .. كنت في منزل سمر نذاكر سوية فلم يبقى إلا القليل وتبدأ الاختبارات النهائية /.. كنا جالسين في الصاله واحتاجت سمر لدخول الحمام وذهبت,, وفجأه سمعت صوت باب المنزل يفتح فالتفت خلفي لأرى من الذي دخل؟ وياليتني ماالتفت !! لقد رأيته وهو واقف متفاجئ مثلي لاأعلم بماذا يفكر؟ ولكني كنت أحس بأن جميع أعضائي توقفت من الصدمة..’ ولكن الحمدالله جاءت سمر وأنقذتي من هول الموقف.. أطرقت رأسي وأنا أفكرر.. نزلت دمعة من سامي دمعة صااادقة من قلب عاشق دمعة فرح دمعة اشتياق دمعة تحمل كلل معاني الحب وبعد ماقرأ الدفتر كله رجعه لغرفة سمر. خرجت سمر من الحمام بعد مااخذت لها شور وقررت تتصل على شهد دحين قبل ما تفتح شهد شنطتها وتنصدم إنو دفترها مو موجود راحت للتلفون ودقت ردت عليها ليان ليان: ألو سمر: اهلييين ليونه كيفك يا قلبي ليان ماعرفتها: الحمدالله مين انتي؟ سمر: أفااا ماعرفتيني؟ أنا الي دائما العب معاكي واحبك مره ليان: آآها سمر سمر: هههههههههههههههه حبيبي شهوده جمبك؟ ليان: إيوا دقيقه أناديها وشويه جات شهد: مرحبا سمورتي سمر: مراحب كيفك شهد: تمام الحمدالله وإنتي سمر: بخير (سكتت شويه) شهد شهد: هلا سمر: اممم والله ماأعرف كيف أقول لك بس شكلو لأن شنطنا جمب بعض وشكلها زي بعض شهد: إيوا سمر: شكلك كنتي تبغي تحطي دفترك في الشنطه بس بالغلط حطيتيه في شنطتي شهد شهقت: دفتري الخاص عندك؟ سمر: إيوا (وبسرعه) بس شهد لاتخافي والله ما قرأته شهد: طيب سمر صدقتك بس اسمعيني بليز بليز الله يخليكي حطيه في مكان ماحد يشوفه مرره سمر: طيب لا تخافي في أيادي أمينه شهد ارتاحت: الله يسعدك سمر: آمين .. يلا مع السلامه شهد: مع السلامه ’.’.’.’.’.’.’.’.’.’.’.’.’.’.’.’ |
مـع غروب الشمس لا يغرب الحب * أحلى رواية حب رومانسية كاملة في بيت أبو فارس شهد كانت تذاكر في وسط الصالة وليان وعزوز يضحكوا على شكلها أم فارس: بدل ماتقولي لنفسك لازم أشد دا آخر اختبار جالسه في الصالة تذاكري شهد: ماما الله يخليكي الي فيني مكفيني أبغا أختم وأأجز أبو فارس: يلا هانت بكره وتأجزي شهد: آآه بس الحمدالله انو مادة بكره سهله أبو فارس: إيش عليكي شهد: حاسب، الحلو انو الاستاذه مخططة لنا الي نذاكرو أم فارس بنظره جانبية: دلــع الله يرحم أيامنا كنا كل الكتاب نذاكرو أبو فارس: هههههههه صدقتي والله الأجيال تتغير دخل عليهم فارس البيت وباين تعباان كأنو راسو مصدع ليان وعزوز نطو عليه: أهلين فروسي فارس ابتسم لهم ابتسامة خفيفه وراح جلس على اقرب كنبه وحط يدينه فوق راسه بتعب: السلام عليكم كلهم: وعليكم السلاام أبو فارس: سلااامات والله فارس طل في أبوه وابتسم: الله يسلمك ماافي شئ بس مع الشمس راسك يضرب شهد: إيوا والله شايلة هم الجامعة أخاف على بشرتي تسمر او تنعدم أم فارس: تحتاج بندول او جوعاان حبيبي؟ فارس طل في ليان وعزوز: مايحتاج عندي ليان وعزوز واحد يجيب لي مويه والثانيه البندول ليان وعزوز ماصدقوا راحوا جري ليان البندول وعزوز كاسة الموية رن التلفون وكان جمب فارس رد بصوت مبحوح شويه: ألو ....: ألو السلام عليكم فارس عرفها: هلا روضه وعليكم السلام روضه: مين؟ أكيد فارس فارس: إيوا بس ليش أكيد روضه: ماحد يناديني روضه إلا إنت فارس: آها حسبتك عرفتيني من صوتي روضه: لا بالعكس صوتك متغير فارس: كيف يعني متغير روضه استغربت يتكلم معاها كدا حبت تقطع الكلام: مدري.. ممكن أكلم شهد؟ فارس: شهد تذاكر روضه من جد عصبت يعني أكيد محا تتصل إلا إذا كان في شئ ضروري: أفف أبغا أكلمها ضروري فارس: طيب أعصابك نزل السماعة ونادى شهد: تعالي كلمي روضه شهد: أو ورودي متصلة أكيد تبغا مني الملزمة مرره نسيت أخذت السماعة من فارس: هلااا رودي روضه بملل: وينك استنيتك تدقي شهد: سووري ياقلبي مره نسيت دحين اطبعها وارسلك هيا مع السواق روضه: أووكي باي شهد: باي ’.’.’.’.’.’.’.’.’.’.’.’.’.’.’.’ |
مـع غروب الشمس لا يغرب الحب * أحلى رواية حب رومانسية كاملة الجـــــــ الخامس ــــــــزء محادثة بين سهى ورهف صحبتها في الماسننجر في اليوم الي أخذوا فيه شهاداتهم // سهى ((•#•$,3•$8●•$,17||•$,#e80000•$0 رميــت الــورد بـآحضــآني .. وتـرجيــت آنــي آحبــك مـوت•$8•$,17||•$,3● )) .. رهف ((•#•@•$1––•(-•القلب •-)•––•$•@ •$4كنه يتيم ضاعت حقوقه ..•$ •@•$1––•(-• والروح •-)•––•$•@ •$4تذكر زمان اول وميثاقي•$•#•0 )) •#•$,3•$8●•$,17||•$,#e80000•$0 رميــت الــورد بـآحضــآني .. وتـرجيــت آنــي آحبــك مـوت•$8•$,17||•$,3●: السلااام عليكم .. كيفك أخبارك؟ .. بسررعه بشري كم النتيجة؟.. •#•@•$1––•(-•القلب •-)•––•$•@ •$4كنه يتيم ضاعت حقوقه ..•$ •@•$1––•(-• والروح •-)•––•$•@ •$4تذكر زمان اول وميثاقي•$•#•0: ههههههـ شوية شويه ,, وعليكم السلااام/ أخباري تماام وانتي؟ •#•$,3•$8●•$,17||•$,#e80000•$0 رميــت الــورد بـآحضــآني .. وتـرجيــت آنــي آحبــك مـوت•$8•$,17||•$,3●: يلااا قولي كم نسبتك << متحمسه ماشالله عليا ههههههه •#•@•$1––•(-•القلب •-)•––•$•@ •$4كنه يتيم ضاعت حقوقه ..•$ •@•$1––•(-• والروح •-)•––•$•@ •$4تذكر زمان اول وميثاقي•$•#•0: ههههههه طيب طيب نسبتي الحمدالله احسن مما اتوقعت 96.23 •#•$,3•$8●•$,17||•$,#e80000•$0 رميــت الــورد بـآحضــآني .. وتـرجيــت آنــي آحبــك مـوت•$8•$,17||•$,3●: مشالله شطوووره مبرووك اهم شئ تقدير ممكتاز والأهم من كل دا اننا اتخرجنا من 1 ثنوي وااااو •#•@•$1––•(-•القلب •-)•––•$•@ •$4كنه يتيم ضاعت حقوقه ..•$ •@•$1––•(-• والروح •-)•––•$•@ •$4تذكر زمان اول وميثاقي•$•#•0: من جد حماااس.. صح انتي كيف كم نسبتك؟ •#•$,3•$8●•$,17||•$,#e80000•$0 رميــت الــورد بـآحضــآني .. وتـرجيــت آنــي آحبــك مـوت•$8•$,17||•$,3●: الحمدالله جيده 94.97 •#•@•$1––•(-•القلب •-)•––•$•@ •$4كنه يتيم ضاعت حقوقه ..•$ •@•$1––•(-• والروح •-)•––•$•@ •$4تذكر زمان اول وميثاقي•$•#•0: ماشالله مبرووك يعني تقريبا 95 •#•$,3•$8●•$,17||•$,#e80000•$0 رميــت الــورد بـآحضــآني .. وتـرجيــت آنــي آحبــك مـوت•$8•$,17||•$,3●: إيوا قربتها .. ها حتسافروا في الإجازة ؟ •#•@•$1––•(-•القلب •-)•––•$•@ •$4كنه يتيم ضاعت حقوقه ..•$ •@•$1––•(-• والروح •-)•––•$•@ •$4تذكر زمان اول وميثاقي•$•#•0: اممم مدري غالبا حنسافر سوريا مع أعمامي .. اسمعي •#•$,3•$8●•$,17||•$,#e80000•$0 رميــت الــورد بـآحضــآني .. وتـرجيــت آنــي آحبــك مـوت•$8•$,17||•$,3●: آآها حلوو تغيير.. هلاا •#•@•$1––•(-•القلب •-)•––•$•@ •$4كنه يتيم ضاعت حقوقه ..•$ •@•$1––•(-• والروح •-)•––•$•@ •$4تذكر زمان اول وميثاقي•$•#•0: ناوية أعزمك إنتي ومرام وبعض البنات على بيتي ايش رايك؟؟ •#•$,3•$8●•$,17||•$,#e80000•$0 رميــت الــورد بـآحضــآني .. وتـرجيــت آنــي آحبــك مـوت•$8•$,17||•$,3●: وااو نايس آيديا متى نعملها؟ •#•@•$1––•(-•القلب •-)•––•$•@ •$4كنه يتيم ضاعت حقوقه ..•$ •@•$1––•(-• والروح •-)•––•$•@ •$4تذكر زمان اول وميثاقي•$•#•0: مو انتوا حتعملوا حفلة كبيرة لكل الناجين والخريجين في عيلتكم دا الأسبوع فحسيت الوقت المناسب الأسبوع الي بعده •#•$,3•$8●•$,17||•$,#e80000•$0 رميــت الــورد بـآحضــآني .. وتـرجيــت آنــي آحبــك مـوت•$8•$,17||•$,3●: اممم كويس ان شالله •#•@•$1––•(-•القلب •-)•––•$•@ •$4كنه يتيم ضاعت حقوقه ..•$ •@•$1––•(-• والروح •-)•––•$•@ •$4تذكر زمان اول وميثاقي•$•#•0: صح كيف حال سمورة وبنت عمتكم روضه وبنت عم روضه شهد .. وكيف نتايجهم أهم شئ هما توجيهي •#•$,3•$8●•$,17||•$,#e80000•$0 رميــت الــورد بـآحضــآني .. وتـرجيــت آنــي آحبــك مـوت•$8•$,17||•$,3●: هههههه ماشالله حافظة .. كلهم بخير ويسلموا عليكي خخخ بس نتايجهم لسا بعد الحفلة •#•@•$1––•(-•القلب •-)•––•$•@ •$4كنه يتيم ضاعت حقوقه ..•$ •@•$1––•(-• والروح •-)•––•$•@ •$4تذكر زمان اول وميثاقي•$•#•0: آآ ها الله يوفقهم •#•$,3•$8●•$,17||•$,#e80000•$0 رميــت الــورد بـآحضــآني .. وتـرجيــت آنــي آحبــك مـوت•$8•$,17||•$,3●: أووكي رهوفي أنا قايمة ماما نادتني أشوفك ع خير .. باايو •#•@•$1––•(-•القلب •-)•––•$•@ •$4كنه يتيم ضاعت حقوقه ..•$ •@•$1––•(-• والروح •-)•––•$•@ •$4تذكر زمان اول وميثاقي•$•#•0: أووكي باي يوم الأربعاء كان آخر يوم اختبارات ويوم السبت الي بعده سهى ومرام ورهف أخذوا نتائجهم أما الحفلة حتكون يوم الإثنين واستلام النتائج لبنات التوجيهي في اليوم الي بعده الي هوا يوم الثلوث .... ’.’.’.’.’.’.’.’.’.’.’.’.’.’.’.’ |
مـع غروب الشمس لا يغرب الحب * أحلى رواية حب رومانسية كاملة أم فارس وأم ماجد مجتمعين مع بعض يرتبوا أشياء الحفلة الي حيكون موقعها في قاعة مناسبة أم ماجد: يا أم فارس الله يخليكي نبهي سهى ومرام مايقولوا ولا يلمحوا لشهد وروضه وسمر عالحفلة خليها مفاجأه أم فارس: أكيد نبهتهم بس مساكين الشباب ماينفع لهم مفاجئات إذا ماقلنا لهم مين حيودينا الأماكن الي نبغاها حتى السواقين ماينفعوا أم ماجد: إيوا والله صدقتي يالله الله يعوضهم اهم شئ ينبسطوا في الحفلة أم فارس: طيب أنا وصيت فارس إنو يحز الكيكة ويكتب فيها الأسماء أما جد: حلوو وأنا حقول لمهند يشتري البلونة الكبيره من محل (.......) ونحط جوتها حلوياات أم فارس: وبالنسبة للتزيين فكلمت محل مره حلو وقال حيزين لنا القاعتين حق الرجال وحق الحريم أم ماجد: اممم ايش بقي؟ أم فارس: بقي الهدايا .. وترى لازم نكلم أم سامي عشان تعزم أختها أم خالد أم ماجد: الله يعيننا عليهم هذولا الحرمتين أم فارس: الله يعديها على خير وماينغصوا لنا حفلتنا ’.’.’.’.’.’.’.’.’.’.’.’.’.’.’.’ كانت عائلة أبو خالد مجتمعين في الصالة خالد ومرام جالسين قدام بعض في الأرض يلعبوا أونو ويضحكوا ماعيهم من أحد.. رغد كانت جالسه ع الكنبة وحاطة سماعات الإم بي ثري في أذنها وترقص على خفيف مع الأغنية أما أبو خالد جالس ع الكنبة لوحده ويلعب بجواله دخلت أم خالد وهيا ماسكة صينية الشاهي حطتها على الطاولة وجلست قبالها : يووه نسيت السكر مرام قومي جيبيه مرام: أوكي دقيقه خلّود لاتلعب خالد: طيب يلا استناكي راحت مرام وجابت لأمها السكر ورجعت جلست أول ماجلست أم خالد: لا بالله إنتي ووجهك؟ سكر بدون ملعقة تحريك اش رايك يعني حركوا باصباعي!! مرام: أووه كنت أحسب قاطعتها أمها: بلا كنت أحسب بلا هم قومي نطي جيبي ملعقة ( طلت في رغد) رغووده تبغي فنجان طبعا رغد ماسمعتها كانت حاطة السماعات على إذنها فقالت أم خالد لمرام: دقيها شوفي إذا تبغا فنجان جيبي لها خالد لف على أمه: لا والله إن مرام ماتجيب لرغد فنجان هذا الي كان ناقص أم خالد: اسكت انت وكمل لعبك تجيب لها يعني تجيب لها خالد وقف وطل في مرام بنظرة أمر: مرام أرجعي أجلسي وممنوووع تجيبي لرغد فاااهمه؟ (قال آخر كلمة بصوت عاالي) رغد نزلت السماعة من إذنها بهدووء: هيي إنت ايش فيك تصرخ بشويش ترى أبغا إذني خالد شد على يدينه بقوة يتمالك أعصابه: إنتي لو ماتسكتين والله مايسير لك خير مو معناته أمك تدلعك يعني الناس كلها تدلعك رغد بدلع: يووه اش فيك معصب؟ ريلاااكس حبيبي خالد هدى أعصابه : أستغفر الله الواحد يسكت في هذا البيت مره مرتين مااينفع لازم بالقوة مرام بخوف: خلاص خالد هدي أعصابك حصل خير أم خالد منصدمة أول مره تحس إنو في رجال في البيت مع إنو زوجها أبو خالد كان موجود بس مااتكلم ولاكلمة مايحب يتدخل في هذي الأمور حست إنو خالد ولدها كبر وبدأ يتدخل في معاملتها مع رغد ومرام أم خالد أعصابها كانت مشدووده: لاتنسى ياخالد إن أنا أمك ومهما كان ماتصرخ علي والي أقوله يتنفذ خالد: أمي لاتهميني أنا ماصرخت عليكي أنا صرخت على مرام ورغد وبعدين إذا تبغين كلامك يتنفذ مايسير تفضلين وحده على الثانية أهم شئ تعدلين بينهم أم خالد: إنت الحين تعلميني ؟؟؟؟ خالد: مافيها شئ كلنا نغلط أم خالد: آآه بس هذا جزاة تربيتي خالد: لاحول ولاقوة إلا بالله (وقف راح المطبخ وبعد شوية جا وجاب لأمه ملعقة) هذي ملعقة حركي فيها السكر ياسكر أم خالد: إيوا راضيني بكلمتين خالد يبوس راسها: أفا ماعاش من يزعلك أصلا أنا آسف وأبغا أقولك على موضوع أم خالد اللقافة اشتغلت: موضوع ايش هو؟ خالد بابتسامة: الثلوث الجاي أهل أبويا عاملين حفلة في قاعة واحنا معزومين حتى بيت أختك أم سامي أم خالد: أووه ماشالله حفلة أكيد بمناسبة النجاح خالد: إيوا والخريجين أم خالد: أفف الله يعينني من مقابلة أم ماجد وام فارس خالد ماحب يزعلها ثاني مره سكت وقام طلع لغرفته ’.’.’.’.’.’.’.’.’.’.’.’.’.’.’.’ وغدآآآ لنا لقاء مع تحياااااااااتي بباي |
روعه وصارت الاحداث حلوه ومشوقه تسلم الايادي ياقلب الزهور في انتظارك غدا ان شاء الله |
يعطيج العافيه قلب الزهور ع المجهود الرائع
متابعه وننتظر الباقي لاهنتي |
اقتباس:
تقبلي شكري وتقديري مع تحياتي بباي |
اقتباس:
تقبلي شكري الخاااااااااااص وتقديري واحترامي مع تحياتي ..بباي |
مـع غروب الشمس لا يغرب الحب * أحلى رواية حب رومانسية كاملة الجـــــــ السادس ــــــــزء جااء يوم الثلوث المنتظر يوم الحفلة الي بتجمع العوائل الأربعة بالإضافة إلى رائد ورهف، طبعا الحفلة مفاجأه لروضة وشهد وسمر أهاليهم قالوا لهم إنهم معزومين عزومة عند ناس وقالوا لهم يتكشخوو لأن العزومه فيها ناس كثيير على الساعة 6 ونص المساء وقت المغرب تقريبا بدأوا العوائل تتجمع في القاعة الصغيرة للاحتفالات دخلت روضه وهيا مستغربة مافي أصوات كثيره بس بيت عمها أبو فارس بس قالت يمكن احنا جينا بدري وسلمت عليهم وجلسوا ع الكنبات شوية دخلوا عليهم بيت أبو سامي وأبو خالد مع بعض سلموا عليهم جلست تتكلم هيا وشهد وسمر وجمبهم سهى ومرام ورهف أما رغد جالسة جمب أمها بكل غرور كانت أمها تتكلم مع أختها أم سامي ويطالعوا في أم ماجد وأم فارس بنظرات شمووخ وتعالي شهد: حساافة كشختي أهلي قالوا لي إننا معزومين عند ناس أغراب سمر: يا ربي يعني حرام تكشخي لنا وبعدين اتوقع انو لسا في ناس حيجوا روضه: سمر ايش فيها بنت خالتك تطلع فينا كدا؟؟ سمر: مدري على ايش غرورها خليها مالنا دخل فيها شهد: ماتحسوا زي إحساسي في شئ غريب في الموضوع فيه إن سهى كانت جالسه جمب شهد وتحاول تكتم ضحكتها هيا ومرام مساكين ماهم عارفين ايش القصه جات لهم رغد ومدت يدها تعطي لمرام الي كانت جمب روضه شنطتها: (بلهجة أمر) مرام امسكي شنطتي انا رايحة الحمام وانتبهي اذا دق الجوال مرام متعوده ع أسلوب أختها: إن شالله بعد مابعدت عنهم رغد.. روضه تكلم مرام: عادي يعني تكلمك كدا؟ مرام: ايش تبغيني أسوي؟ روضه: لو أنا منك ماأرضى أمسك شنطتها ,, سمعوا صوت الجوال الي في شنطة رغد يدق ,, شهد بسرعه: أقول لك هاتي جوالها بما أننا طفشانين نشوف مين فتحت مرام الشنطة أخذت الجوال وعقدت حواجبها روضه لفت الجوال عليها وقالت باستغراب: fr!! ايش يعني؟ مرام: مدري والله شهد رجتها مع الطفش زادت: هاتي ارد مرام: لا الله يخليكي خلينا رايقين روضه: شهد هههههههه بطلي رجتك تردي على جوال بنت ماتعرفيها شهد حست بخيبة أمل: طيب طفشانه.. أم سامي كانت عارفة إنهم يبغوا يسووا مفاجأه للبنات بس كانت تبغا تقول لسمر إنو تراها حفلة وتخبص المفاجأه فخرجت برا وأشرت لسمر تجي وراها تبعتها سمر: إيوا ماما أم سامي دوبها كلمتها أم ماجد وقالت لها الكيكه مع سامي فاتصلي عليه خليه يدخلها هنا عندنا: سمر ترى دي العزومة هيا حفلة نجاحكم وتخرج خالد وسامي قاطعتها سمر بصوت عالي: وواااو من جد؟ أم سامي بسرعه: أووص لايسمعوكي شهد ورودي سمر صكت فمها << ماهمها إنو أمها خبصت لها المفاجأه أهم شئ غيرها: أوكي أوكي ياقلبي عليهم شهد ورودي الله يفرحهم مساكين مو عارفين القصه ههههههههه أم سامي انقهرت سمر مازعلت: المهم دوبها كلمتني أم ماجد وقالت اتصلوا على سامي عشان يجيب الكيكه لأنها معاه اتصلي عليه وقولي له يدخلها هنا سمر: أووكي من عيوني أخذت سمر جوالها من الشنطه ودقت على سامي استنت شوية وسمعت أصوات: ألو .......... (ماحد يجاوب) سمر: ألوو ساامي .........: هلااا والله سمر طلت في الشاشه لقت مكتوب سامي رجعت الجوال لأذنها: هذا جوال سامي؟ ........: أفاا سمورتي ماعرفتيني؟ هنا هيا سكتت وحست قلبها وقف شكت في الصوت بس ماهي متأكده: لأ ميين؟ ..........: متأكده ماعرفتيني؟؟ بعد ماقال جملته الاخير سمر وصل الصوت لعقلها وعرفت صاحب الصوت لاشعوريا قالت: خالد!! خالد بهمس: عيوونه سمر حست نفسها في حلم بلعت ريقها كانت تبغا تقفل بس الكيكه لازم تقول لسامي عليها: امم ممكن أكلم سامي ضروري خالد بزعل: يعني ولا حتى تباركي لي سمر حست انها ثقييله هوا اتخرج من الجامعه سوا إنجاز لازم ع الأقل تبارك جمعت قوتها وقالت: مبرووك خالد ضحك: ههههه الله يبارك فيكي وعقبال لكي التخرج وعقبال ليا الوظيفه ... وبنبرة فرح قال.. والزواج سمر فهمت إنو يقصدها ومرره انحرجت أخييرن اتكلم خالد: دقيقه أنادي لك ساامي سمر اخذت هواء،، شويه سمعت صوت سامي وهوا يهزأ خالد لأنو كلمها وخالد يضحك سامي: وانتي اكيد بسوطه سمر كانت تبغا تقولو ع الكيكة وتقفل: ساامي اسمعني سامي: خير نشوف ايش عندك سمر: ماما تقول جيب الكيكه عندنا سامي: أووه الكيكة طيب طيب اجيبها دحين مع السلامة قفل من سمر وراح للكيكة عشان يوديها عند الحريم .. في قاعة الحريم سمر قالت لسهى ومرام ورهف إنو دحين سامي حيجيب الكيكة يعني حيعرفوا شهد ورودي ع المفاجأة والكيكة والحفلة كانوا كلهم متحمسين يشوفوا ردت فعل شهد ورودي أما رغد كانوا ناسين إنو المفاجأه لها كمان وصلت الكيكة بينما شهد ورودي كان باين على وجههم قليل من الطفش خخخ أول مادخلت الكيكة مافهموا القصة بس لما وقفوا لقوا في الكيكة أسماء العيلة وتحت مكتوب ألف مبرووك النجاح والتخرج وكان شكل الكيكة خطييير على شكل كتاب ومرسوم عليه سلم وواحد يصعد فيه وياخذ الشهادة وغير الطاقيات حق التخرج مرسومه ع الحواف طبعا شهد وروضه استوعبوا وعلى طول حضنوا بعض ومعاهم سمر أما أم خالد قالت بصوت عالي تسمع الكل: ألف مبروووك رغوده .. وحضنت رغد بعدين راحت لمكان ورجعت معاها هديه كبيرة مغلفة لرغد رغد تتدلع: ياااي يسلموو ماما وطبعا بعدها بدأت الأمهات يعطوا بناتهم الهديا وهماا فرحانين خصوصا شهد وروضة الي مشيت عليهم المفاجأه أحسن مايكون أما عند الرجال كانوا كلهم عارفين إنها حفلة فدخلت عليهم الكيكة أول مادخلت صفقوا وبعدين مسكوا كلهم السكين وفي دي اللحظة كان فارس ماسك كاميرته فارس: يلا طلوا في الكام وتشييير الكل طل في الكاميرا وابتسم فارس أخذ لهم كم صورة وهما على دا الوضع بعدها قطعوا الكيكة وجالسين ياكلوها وبدأ الآباء يعطوا أولادهم الهديا (( في دي الحفلة كان اتفاقهم إنو الأمهات يعطوا هدايا للبنات والآباء يعطوا هدايا للأولاد)) وفارس يحاول ياخذ قد مايقدر صور فارس: ساامي تعال خذ لنا صورة انا وخالد |
مـع غروب الشمس لا يغرب الحب * أحلى رواية حب رومانسية كاملة جا سامي وأخذ الكاميرا من فارس بعد ماقال له ايش يضغط وجلسوا يتصورا مهند كان معاهم يتصور وفي وسط التصوير دق جواله أمه اليم تصله رد عليها: هلاا أمي أم ماجد :مبروووك يا ولدي مهند: الله يبارك فيكي يا أحلى أم أم ماجد: وعقبال التخرج ونشوفك دكتوور مهند: ههههههههه آمين أم ماجد: اقولك حبيبي تعرف الغرفة الصغيرة الي فوق مهند: إيوا إشبها أم ماجد: فيها الشنطة الي كنت حاطه فيها الهدايا بس ترى حتلاقي شنط كثيرة احنا الي لونها أخضر أبغاك تحطها في السيارة مهند: أبشري دحين أطلع أجيبها أم ماجد: الله يرضى عنك,, مع اليلامة أول ماقفل من أمه استأذن من الموجودين طلع الدرج وفتح الغرفه لقى فيها تقريبا 4 شنط عرف شنطتهم من اللون الأخضر راح يبغا ياخذها بس شاف أخته شهد وهيا جالسة ع التسريحة في الغرفة الي جمبها كأنها تعدل شكلها أو تحط روج هيا كانت معطيته ظهرها حصلها فرصة يفجعها مشي على أطراف أصابعو وأول ماقرب منها شاف وجه أول مره يشوفو في المرايا جلس يرمش وهوا منصدم دوبها شهد كانت جالسة طبعا البنت الي كانت جالسة هيا تشبه لشهد من القفا أما هيا صنمت وكانت تطالع في المرايا على الولد الي دخل فجأه مهند لف وجهه: آآسف أختي كنت .. كنت أحسبك أختي شهد رجع للغرفه الي جمبها أخذ شنطتهم وجلس ينزلها من الدرج وهوا يفكر في الموقف الباايخ الي سواه للبنت مسكينه أكيد دحين خايفة يااقلبي عليها أستغفر الله اش جالس اقول انا مايسير اقول ياقلبي عليها بس سبحاان الله تشبه لشهد من ورا أو انا الي مااعرف افرق عموما هيا زي شهد حلوة من قدام،، يووه ميـن دي البنت؟ أول مره اشوفهاا لمن وصل آخر الدرج لقى فارس فارس: وينك لسا مااتصورت معاك صورة لوحدنا تعال نشوف لنا خلفيه حلوة مهند: أوكي يلا جاي بس دقيقه أحط الشنطة في السيارة بعد مارجع مهند لقا فارس واقف في نفس المكان مهند: يلا أنا جاهز فارس: طيب مين يصورنا ؟ انادي واحد من الشباب ماخلص جملته الا دخلت عليهم روضه روضه: أوو سوري ماكنت أحسب في أحد هنا جات تبغا تخرج بس فارس بسرعه: روضه روضه روضه رجعت مستغربه: نعم فارس: ممكن تصورينا صورة انا ومهند مع بعض روضه طلت في مهند كأنها تستأذنه مهند: يلا رودي ون بيكتشر روضه: أوكي (شافت الكاميرا) ماشالله ايت زر اضغط؟ << ماشالله من كثرة الأزره فارس قرب منها ونزل الكاميرا لها: في البداية دا بعدين عشان يصور أكثر من صورة تضغطي دا الزر روضه رتبكت لما قرب وحست انها ما ركزت ايت زرين تضغط: احم يعني دا ودا فارس: لا مو دا .الي جمبو روضه: أوكي يلا أوقفوا جمب بعض راح فارس ووقفوا جمب بعض وضغطت زي ماقال لها فارس بعد ماخلصت مهند: ها بشر فرووس أختي طلعت تعرف تصور فارس: دقيقه أشوف .. (عقد حواجبه) امم بصراحة مو مره يديك تهتز روضه اتضايقت وقالت في نفسها تهتز افهمها يعني خايفة: يااربي خلاص مااعرف فارس بملل: أفف كان قلتي انك ماتعرفي،، دحين نعيد الصورة روضه عصبت منه: يعني هذا شكر ولا ايش افهموا مهند: خلاص رودي فارس مايقصد مشكووره ماقصرتي روضه طلت في فارس بحقد: إلااا يقصد وخرجت من الغرفه بسرعه قبل ماتنفجر عليهم مهند: يااخي كأنك ماتعرف إنو البنات حساسات فارس: معليش أسمح لي أختك بزيادة عن البنات مهند: طبيعي متعوده ع الدلع البنت الوحيده ياحبيبي فارس: ماعلينا.. خلينا نروح مع الشباب انتهت الحفلة على خير سارت شوية كلاشات بين الأمهات بس ماشدوو على بعض مرره. ’.’.’.’.’.’.’.’.’.’.’.’.’.’.’.’ |
مـع غروب الشمس لا يغرب الحب * أحلى رواية حب رومانسية كاملة في اليوم الي بعده كان يوم استلام بنات التوجيهي للنتائج وكانوا خايفين شوية لأنو على حسب النسبة يحددو قسمهم في الجامعة بس سمر ماكان على بالها واصلا ماتبغا تكمل جامعه بس شهد وروضه متحمسين هوا كانت نتائجهم حتطلع في الجريدة وأول واحد اشتراها سامي يبغا يشوف نسبة شهد بنفسه .. جلس يدور على اسمها في البداية قرأ روضة وسمر كانت جمبه قال لها: نسبة رودي 94.57 ماشالله سمر: ماشالله ينااس عليها دحين اتصل عليها بعدين وصل لاسم سمر: اما نسبة سمر ......... سمر: يلااا سامي قول كم ولا هات الجريده سامي يبغا ينرفزها: مو انتي مايهمك وماتبغي تكملي جامعة خلاص مو لازم تعرفي نسبتك سمر: إلا يهمني أجل إيش فائدة المذاكره بسرعه قوول سامي: ههههههه أوكي خلاص حقول نسبتك 89.50 سمر: أوو ماشالله اتوقعت أقل الحمدالله طيب وشهد بعدي حتلاقيها سامي دور لشهد ولقاها مي بعيده عن اسم سمر: ماشالله على شهد الله يحفظها من العين سمر بابتسامة فرح: من جد؟ كم يعني سامي: 96.45 ماشالله أشطركم سمر: كلولولولولييييش الله يسعدنا ويوفقنا وعلى طول مسكت الجوال ودقت على روضة أما سامي مسك جواله ودق على رقم بيت سمع صوت حرمه كبيره على طول قفل .. جلس دقيقه ورجع اتصل تاني .. رد عليه صوت ناعم: ألوو سامي: السلام عليكم .......: وعليكم السلام سامي: مين! شهد؟ شهد استغربت: إيوا أنا شهد مين معايا؟ سامي ابتسم: هلا والله.. كيفك؟ معاكي سامي شهد رتبكت ول ماسمعت اسمه وماعرفت ايش تقول سامي: ألوو موجوده؟ شهد: إيوا دقيقه أنادي لك فارس سامي بسرعه: لالا شهد شهد قلبها دق: نعم سامي: أنا أبغاكي انتي ابشرك قرأت نسبتك في الجريده شهد مااصدقت: من جد؟؟ سامي: هههههههههه إيوا ماشالله ترفع الراس شهد بحماس: كم؟؟؟؟ سامي: 96.45 شهد: وااو ماشالله مره كويس (انتبهت انها تكلم سامي) احم شكرا سامي سامي ياحلو اسمي من لسانها ياليتها تعيده مليون مره: العفو وألف مبروك شهد: الله يبارك فيك.. مع السلامه سامي: الله معاكي << ومايبغا يقفل قفل من شهد وراح للغرفه الي فيها أمه وأبوه دق الباب ودخل عليهم أبو سامي: هلا سامي اتفضل سامي جلس معهاهم: هلا فيكم .. كيف الحال؟ أم سامي بضجر: ايش عندك؟ أبو سامي أعطاها نظره: خفي شويه سامي ابتسم: إن شالله بقول الي عندي... احم انا حاب اكلمكم في مووضوع يعني انا ماشالله اتخرجت والوظيفه ان شالله مدبرة في شركة أبويا الله يحفظه فأنا جاي أبغا أقول لكم إني اش رايكم أخطب أم سامي ابتسمت: هاذي الساعة المباركة وإن شالله ألاقي لك البنت الي تستاهلك سامي اتوتر شويه: الله يخليكي ليا بس البنت حاطها في بالي وإن شالله أكون أنا استاهلها أبو سامي: أووه ماشالله ومين هيا سعيدة الحظ؟ سامي: شهــد ’.’.’.’.’.’.’.’.’.’.’.’.’.’.’.’ |
مـع غروب الشمس لا يغرب الحب * أحلى رواية حب رومانسية كاملة الجـــــــ السابع ــــــــزء دخل فارس للبيت على غير هدوءه المعتاد فتح الباب بقووة فارس وهوا يصرخ: أخييييييييرا ياناس أخييرا فرحاااااااان والله فرحاااان عزوز راح لأخوه وهوا يجري: إث في؟ فارس راح لعزوز وخطفه من الأرض ورفعه لفوق جلس يدوره وعزوز يصررخ ويضحك رجع نزله وحطوو في كرسي عجلات ومشآآه بالكرسي في الممر بسررعه يعني سوى رجججه نزلت شهد من الدرج جري وشافت فارس برجته اسستغربت بس كملت لعنده جري ألين وصلت له فحطت: اش ساير في الدنيا؟ فارس راح لها وضمها بقووه شهد: لاوالله مانت بعقلك فارس: ههههههههههههههههههههههههههههاي أكيد موو بعقلي اليوم تحققت أمنيتي شهد: ايش سار؟؟؟ فارس: لا خلي العيله الكريمه كلها تجتمع عشان أقول.. ولاتخافي شئ مو عن سامي خطيبك << وافقت شهد تغير الموضوع من الإحراج: يوو ماأقدر أصبر بابا في الدوام وماما في المطبخ وليان نايمه ( مسكت يده وجلسوا في الكنبه) يلا قول فارس بنظره غريبه: مصرره؟ شهد: مصرره وبقوة فارس: أمري لله ... قرب لإذنها وقال لها شهد: واااااااااو احلف فارس بابتسامه شاقه الحلق: والله العظيم شهد بحزن: بس هنا دخلت أمه: السلااام عليكم .. متى جيت فرووس وعلى ايش الفرحة؟؟ فارس: مفاجأه أقول لك مع أبويا أم فارس: طيب أنا حرجع المطبخ وراجعه فارس: أووكي (طل في شهد وغمز) ها شهوده إيش راايك؟ شهد بدون ماتطالع فيه: مدري متفااجئه فارس: ههههههههههه تتعودي ياقلبي سمعوا صوت مفتاح الباب دخل أبوهم للصاله ومعاه أوراقه وملفاته راح فارس لعنده وشال كل شئ من يده وباس راسه: هلا والله بالوالد الحبيب أبو فارس: ههههههههههههه ياهلا فييك ماشالله جاي بدري اليوم وفرحااان ايش عندك؟ فارس ابتسم: أدخل وأرتاح و غير ملابسك ويسير خير أبو فارس: يعني فيه شئ فارس: هههههههههههههه فيه وإن شالله يعجبكم دخل أبوه وغير ملابسه وانحط الغداء ع الطاولة يعني اجتمعت العيلة معاهم ليان .. أم فارس: عارفين اشتقت لمين؟ أبو فارس: سبحان الله حتى انا اشتقت لها فارس: أكيد هيفاء؟ أم فارس: إيوا والله الله يسعدها وحشتني إن شالله تجينا اليوم شهد: كويــس ينااس حتى لموو وحشتني أبو فارس: إيوا فرووس إيش الموضوع الي تبغا تقول لنا عليه؟ فارس طل في شهد كأنو يقول لها شجعيني شهد ابتسمت: قوول لهم الخبر الحلوو يا شاطر فارس: اليوم جاني اتصال يقولوا لي فيه إني جاتني بعثة لفرنسا أدرس هناك يعني وإذا أوكي بكرة يعملوا معايا مقابلة بس كم سؤال بسيط وبعدها أسافر... (طل في امه وأبوه يسألهم بعيوونه إيش رايكم) أبو فارس: احم والله إنت تعرف رأيي أنا عندي الدراسة مهمة وإذا إنت ناوي تشد حيلك وتدرس فأنا أشجعك وماعندي أي مانع فارس ابتسم من قلبه : الله يخليك والله إني كنت عارف رأيك وإنتي أمي؟؟ أم فارس: فرنسا غربه لكن أبغا أسألك كم حتجلس؟؟ فارس: امم تقريبا 6 شهور بس إذا قدرت مثلا في نص الستة شهورإني أجي جده ليش لأ شهد بحزن: الله يوفقك في دراستك وحيااتك كلها الكل: آآمين ’.’.’.’.’.’.’.’.’.’.’.’.’.’.’.’ |
مـع غروب الشمس لا يغرب الحب * أحلى رواية حب رومانسية كاملة روضة وشهد وسمر بما إنهم في إجازه اتجمعوا في بيت سمر لأنها عزمتهم عندها بس هما الإثنين طبعا طلعوا في غرفتها بعد ماسلموا على أم سامي لأن شهد أصرت عيب تطلع وماتسلم على خالتها ( أم خطيبها) أول مادخلوا الغرفة روضه: سموورة إنتي مغيرة لون البوية صح؟؟ سمر: كويس رودي ملاحظتك قويه شهد: حتى أنا لاحظت بس لييش؟ سمر: أوو حتى شهد لاحظت كويس كنت أحسبك ماتلاحظي إلا على الكلام الي أقولو عن سامي هههههههه هنا دخلت عليهم سهى الغرفة: هلااا والله نور البيت.. أهلًا بمرة أخويا هههههه ينااس عليك شهد انحرجت: هلا فيكي سلموا على بعض .. روضة: منوور بوجودك شهد: كيف حال مرام ورهف؟ سهى:مرام ورهف ولااا بعض الناس مثلا خطيبك (ضحكت).. كويسين الحمدالله شهد: هههههههه حرام عليكي والله قصدي مرام ورهف روضه: خلاص صدقناكي يااعروسة .. سهى صح مبرووك النجاح سهى: الله يبارك فيكم.. يلا انا استأذن ’’ تبغوا اوصل سلاام لبعض الناس؟ سمر تطل في شهد: أنا لا شكرا روضه تكمل: ولااا انا شكرا شهد معاهم: ولااا انا تسلمي سهى: هههههههههه أوكي براحتكم بباي روضة: بباي خرجت سهى.. روضه: إيوا سمر إيش كنت أبغا اسالك سمر: كنا نتكلم عن البوية أول شئ روضه: إييوا اتذكرت استغربت ليش لون البوية أخضر أعرف لونك المفضل أورانج! سمر بخجل: أقوول بس ماتعلقوا شهد: أووكي ليش؟ سمر: لأن اللون الأخضر لون خالد المفضل روضه وشهد: ههههههههههه روضة: الله يخليكي أبغاا أقول كلمة على لسااني سمر: روودي نونونو شهد: طيب يلا نغير الموضوع.. صح ماسمعتوا آخر خبر؟ سمر: واات؟ .. لاتقولي سامي خطبك قدييمة شهد: مرره مافي خبر غيرو روضه: ونحن ندري عنك !.. طيب خبر حلو ولا محزن شهد: نص ونص،، فارس جاتو بعثة لفرنسا سمر: حلوو مره حلو ليش نص ونص شهد: لا بس إنو إحنا حنشتاق لو سمر: بلااا دلع، كم حيجلس؟ شهد: تقريبا 6 شهور روضه بتفكير: لو زياده عن سنة أحسن (قالت الكلمة ومانتبهت الا بعد ماقالتها قالت بسررعه) آآ قصدي إنو إنو يعني 6شهور شويه ممكن لو جلس أكثر يستفيد شهد: لالا زياده عن كدا ايش الله لايقدر سمر: يلا الله يوفقو .. ولا تخافي سامي يخفف عليكي ههههه شهد: احلفي ’.’.’.’.’.’.’.’.’.’.’.’.’.’.’.’ |
مـع غروب الشمس لا يغرب الحب * أحلى رواية حب رومانسية كاملة كان فارس ومهند وسامي ورائد وخالد جالسين في مقهى فارس: يا الله ماني مصدق بكره رح أسافر لفرنسا خالد: والله حنشتااااق لك الله يعيننا فارس: انا الي الله يعينني على مر الغربه سامي: لا ان شالله تتعود هيا في البدايه صعبه بس آخرتها حتتعود رائد: خلي جوالك جمبك على طول حتى وانت نايم تعرف اختلاف التوقيت فارس: إيوا اكيد مهند تنهد: بيفضى الجو علي فارس: لا الله يخلي الشباب مهند: صح بس كل واحد له معزه خاااصه فارس: عاد لازم تتحمل عارف اني غالي عند الكل بس قاطعه خالد: هههههههههههه احلف، لا عادي مو مره غالي عندي فارس: امم يمكن, مدري مين الي قال قبل شوية حنشتاق لك رائد: ولااا أحد ،، في أحد قال كدا شباب مهند: لا أبدًا يتهيأ لك مع السفر فارس: ههههههههههه الحمدالله طمنتوني أروح وأنا مرتاح إني ماأعذب أحد بفراقي سامي: ههههههه عذاب مره وحده شايفنا زوجتك المهم دعواااتك فارس لا تنسانا فارس: ابشرر وأنا اقدر أنسااكم ’.’.’.’.’.’.’.’.’.’.’.’.’.’.’.’ |
مـع غروب الشمس لا يغرب الحب * أحلى رواية حب رومانسية كاملة الجـــــــ التامن ــــــــزء نروح لبيت أبو خالد بالتحديد في غرفة رغد الي كانت جالسة ع السرير ماسكة الجوال تتكلم بدلع وتلعب بخصل شعرها.. رغد: هههههههههه بس؟ .........: وعمري وحياتي وقلبي و.. ايش في كمان؟ رغد بدلع: مو حبيبتك؟ .........: كل دا ومانتي حبيبتي؟ رغد: ........ .........: وانتي ماتبغي تقولي لي كلمه وحده على الأقل حلوه؟ رغد: امممم اش تبغى أقول لك؟ ........: قولي فهودي حبييبي رغد: لاااا صعبه فهد بزعل: يعني أنا مو حبيبك؟ رغد بحياء: إلااا ... بس ماأقدر أنطقها فهد: هههههههههه يلا قولي بلا دلع رغد تاخذ نفس فهد: هههههههههههههاي لدي الدرجه صعبه؟ رغد بدلع وترجي: فهودي حبيبي كفاايه فهد يبتسم: أموووووووووت أنا على الدلع أم خالد تنادي: رغد رغد: فهودي ماما تناديني فهد: أوكي يا قمر نسمع صوتك قريب رغد: إن شالله (بابتسامه) فهد: بايات عمري قفلت ونزلت لأمها رغد: هلا مامي ناديتيني؟ أم خالد: إيوا أبغا قناة إم بي سي نسيت رقمها رغد: يؤ ناديتيني عشان كدا أم خالد: مااستاهل؟ رغد تبتسم: وأكثر يالغالية ’.’.’.’.’.’.’.’.’.’.’.’.’.’.’.’ فيـ بيت أبو ماجد كان يعتبر إزعاج عن دائما والسبب زيارة ماجد وهيفاء وبنتهم لمى أبو ماجد: أخييرا اتواضعتوا وزرتونا ماجد: هههههههه والله عارف إنت وضعنا موو تكبر بس الدوامات الله يعيننا أم ماجد: الله يسهل لكم .. وكيفك ياهيفاء وكيف لمى معاكي هيفاء: الله يسلمك الحمدالله بخير وانتو كيفكم ايش مسويين في الإجازة روضة: الحمدالله حلووة هيفاء: أكيد حـلوة بدون مدارس ونوم الين بعد الفجر روضه: هههههههه من جد.. لموو ياقلبو تعالي راحت لها لموو جري ماجد: روودي ترى لموو تحب الحلوين روضه: ههههههههه عشان كدا تمووت فيا ماجد: يااعيني أموت ع الواثق.. عزووز أخبارك ياقوي عزوز ضحك: أنا تيب ماجد: دووم يارب وإنتي ليان كيف الإجازه حلوه؟ أبو ماجد: أكيد عاجبتك صح ولا تبغي صحباتك والمدرسه؟ ليان: شويه مدرسه شويه إجازه هيفاء: صحكلامك شااطره ماشالله عليكي أم ماجد: أخوكي فارس بكرة رايح لفرنسا ولا بعده؟ هيفاء: لا بكره عشان كدا شوية رايحين له أبو ماجد: ماشالله الله يعينه ويوفقه هيفاء: آمين ماجد: لايفووتكم ياجماعه لمى تعرف ترقص لمى بخجل: بس ليان ترقص معايا أبو ماجد: ههههههههههههه كمان متدربين مع بعض أم ماجد: يلا لمو ورينا شويه روضه بدلعها: عشااني ماجد: يلا لمو عشان عمه رودي لمى: أوكي شغلوا الإستريوا على أغنية مشكلتي أهواه وحبه مجنني قامت ورقصت كان رقصها خطيير أكبر من سنها وهيا ترقص راحت لعند روضه وتسحبها تبغاها ترقص معاها روضه وهيا تصفق: لا إنتي أرقصي هيفاء: يلا روضه قومي قومي روضه: أقوم بشرط تقومي معايا هيفاء: هههههههههههههه لا قومي انتي ماجد راح لهيفاء ومسكها قومها بالقوه ووقف هوا يشوفها ترقص وهوا ماسك يدها وطل في روضه: يلا قومي قومتها قامت روضه رقصت و رقصها يجننن شويه ورجعت جلست هيفاء بعد ماجلست: ماشالله رودي تحلوي روضه: تسلمي عيونك الحلوة هيفاء: أكيد الخطاب طواابير |
مـع غروب الشمس لا يغرب الحب * أحلى رواية حب رومانسية كاملة روضه بخجل: ههههه لاعاد موو طوابير أم ماجد: يجوها أحسن ناس بس هيا ترفض روضه بخجل: ماماا لسا أحس نفسي صغيره ماجد: لاياحلوة موو صغيرة إذا جاكي المناسب وافقي روضه غيرت الموضوع: يلا عقبال ماتزوجوا لموو أبو ماجد: ههههههههه إن شالله .. أول أحفادي ’.’.’.’.’.’.’.’.’.’.’.’.’.’.’.’ شهد وأمها وأبوها واقفين في المطار مع فارس يستنوا الإعلان عن الرحلة إلى فرنسا أبو فارس: الله يرضى عنك ياولدي ويوصلك بالسلامة فارس: آآمين .. شايل هم في الطياره أم فارس: لا إن شالله تنبسط وحاول تفكر في أشياء حلوة شهد نزلت دمعه: حتووحشني ياوحش فارس مسح لها دموعها: ههههههههه شهووده ترى ماتهون علي دموعك وإذا إني وحش ليش حتشتاقي لي ههههه شهد ضحكت: هههههههههههه مدري سمعوا النـداء فارس: احم يلا أشوفكم على خير حبايبي أبو فارس: الله معاك وادعيلنا في الطياره فارس: لاتوصي حريص وسلموا لي على أهل جده كلهم أم فارس تخفي عبرتها: يووصل إن شالله.. الله يوفقك فارس: آآمين مع السلاامه الكل: الله معاك ’.’.’.’.’.’.’.’.’.’.’.’.’.’.’.’ غدآآآ لنا لقاء ان شاء الله بباي |
يعطيج العافيه يالغلا ع المجهود والاجزاء الرووعه
في انتظار باقي الاجزاء موفقه ان شاء الله |
اقتباس:
تقبلي شكري وتقديري واحترامي قلب الزهور .. بباي |
مـع غروب الشمس لا يغرب الحب * أحلى رواية حب رومانسية كاملة الجـــــــ التاسع ــــــــزء في بيت أبو سامي كلهم كانـو متجمعين في مكان واحد وخايفين أبو سامي: حااس بتشنج وبغثيااان موو قادر اتحكم بيديي سامي: يلا امي البسي العباية خلينا نوديه المستشفى سمر راحت جري لبست عبايتها وبخوف: والله رجلي مع رجلكم سامي عارف اهمية سمر خصوصا في زي دي المواقف فسكت اما سهى مارضي لها مع إنها ذكيه وحتفيدهم بس صغيرة // على طول ركبوا السيارة سامي كان يسوق وورا أبو سامي معاه أم سامي وسمر راحوا للمستشفى الي فيها ملف أبو سامي .. طبعا دخلوا ع الطوارئ وسامي نادى الممرضات يجيبوا له سرير بعد مادخلوه الغرفة دخل عليه الدكتور وجلس يكشف عليه وهما يستنوا برا سامي: ياارب خير أم سامي: يالله متى بيخرج الدكتور؟ ماقالت جملتها إلا شافوا الدكتور يخرج..راح له سامي بسرعه: ها دكتور بشر الدكتور: إنت ولده؟ سامي: إيوا نعم الدكتور: طيب ياليت تتفضل إنت والمدام ونتكلم في المكتب ’.’.’.’.’.’.’.’.’.’.’.’.’.’.’.’ ركب فارس الطيارة ودور على مقعده حسب الرقم لقاه الكرسي الي جمب الطاقة فرح لأنه يحب هذا المكان وجلس يستنى الراكب الي جمبه ويتمنى يكون شاب سعودي وينبسطوا مع بعض،، وهوا يحط شنطته شاف واحد جلس جمبه أول شئ فرح إنه رجال بس لسا ماكان عارف إيش جنسيته ،، بعد ماحط الشنطة جا يبغا يدخل لمكانه أشر للرجال الرجال ابتسم وبعد له: Hi فارس عرف إنه موو سعودي من ملامحه وكلامه دخل لمكانه ابتسم للرجال: Hi الرجال: From any town? (من أي بلدة؟) فارس: What about you?..Jeddah(جدة.. ماذا عنك؟) الرجال: India (الهند) فارس استغرب/ الرجال مو مره ملامحه هندية: What is your name؟ (ماهو اسمك؟) الرجال: You? .. Sami(سامي.. انت؟) فارس ابتسم واتذكر سامي ودعا له بالسعادة (سبحان الله في القوت المناسب): Fares (فارس) ’.’.’.’.’.’.’.’.’.’.’.’.’.’.’.’ دخلوا الثلاثه مع الدكتور للمكتب ويدهم على قلبهم الدكتور: أنا طبعا كشفت عليه مبدئي والاستنتاج الي استنتجتوا ماأقدر أأكد لكم هوا الا بعد الأشعة بس مبدئيا من الأعراض الواضحة الصداع أول مايصحى والغثيان وعدم الشعور ببعض الأشياء تقول إنه يمكن الوالد يكون مصاب بسرطان الدماغ أم سامي: سرطان الدماغ!! الدكتور: مبدئيا .. قولوا لاحول ولا قوة إلا بالله وادعوا النتائج تقول عكس كلامي سامي: آآمين بس يادكتور: السرطان حميد ولاخبيث؟ الدكتور: والله احنا مانقدر نحدد إلا إذا أتاكدنا في البداية إنه عنده سرطان وإذا طلع لاسمح الله ناخذ عينه ونحدد سمر: لاحول ولا قوة إلا بالله.. اللهم آجرنا في مصيبتنا واخلفنا خيرا منها أم سامي: نقدر نشوفه؟ الدكتور: اتفضلوا ’.’.’.’.’.’.’.’.’.’.’.’.’.’.’.’ |
مـع غروب الشمس لا يغرب الحب * أحلى رواية حب رومانسية كاملة محادثة بين رغد وصحبتها نهى ..// رغد ((•@ ?أبيـكـ أقرب من أنفاسي ?•@)) ’’نهى (('•.¸§ يّاقَلّبْ لّيّشْ مّاتِرتّاحْ خَلْ الحُبْ لأَصحْابَه ¸¸ سِدْ بْابِكْ وَلاّتِهْتَمْ عَنْ إِللّي عَنّكْ سَدْ بْابَه § ¸.•')) '•.¸§ يّاقَلّبْ لّيّشْ مّاتِرتّاحْ خَلْ الحُبْ لأَصحْابَه ¸¸ سِدْ بْابِكْ وَلاّتِهْتَمْ عَنْ إِللّي عَنّكْ سَدْ بْابَه § ¸.•': أخييرا اتصل عليكي •@ ?أبيـكـ أقرب من أنفاسي ?•@: بس تعرفي شئ '•.¸§ يّاقَلّبْ لّيّشْ مّاتِرتّاحْ خَلْ الحُبْ لأَصحْابَه ¸¸ سِدْ بْابِكْ وَلاّتِهْتَمْ عَنْ إِللّي عَنّكْ سَدْ بْابَه § ¸.•': اييش •@ ?أبيـكـ أقرب من أنفاسي ?•@: حسيته واحد خطيير غير عن الي كنت اكلمهم '•.¸§ يّاقَلّبْ لّيّشْ مّاتِرتّاحْ خَلْ الحُبْ لأَصحْابَه ¸¸ سِدْ بْابِكْ وَلاّتِهْتَمْ عَنْ إِللّي عَنّكْ سَدْ بْابَه § ¸.•': هههههه أكيد،، دا عن طريقي •@ ?أبيـكـ أقرب من أنفاسي ?•@: لاتصدقي نفسك '•.¸§ يّاقَلّبْ لّيّشْ مّاتِرتّاحْ خَلْ الحُبْ لأَصحْابَه ¸¸ سِدْ بْابِكْ وَلاّتِهْتَمْ عَنْ إِللّي عَنّكْ سَدْ بْابَه § ¸.•': المهم ايش قلتوا •@ ?أبيـكـ أقرب من أنفاسي ?•@: أحلى شئ إنو جريء ومقدر إنو يكلمني '•.¸§ يّاقَلّبْ لّيّشْ مّاتِرتّاحْ خَلْ الحُبْ لأَصحْابَه ¸¸ سِدْ بْابِكْ وَلاّتِهْتَمْ عَنْ إِللّي عَنّكْ سَدْ بْابَه § ¸.•': الله يستر من جرأته إيش قااال؟ •@ ?أبيـكـ أقرب من أنفاسي ?•@: قالي إنتي حياتي وروحي وعمري وقلبي قلت له مو حبيبتك؟ قال لي كل دا ومو حبيبتي '•.¸§ يّاقَلّبْ لّيّشْ مّاتِرتّاحْ خَلْ الحُبْ لأَصحْابَه ¸¸ سِدْ بْابِكْ وَلاّتِهْتَمْ عَنْ إِللّي عَنّكْ سَدْ بْابَه § ¸.•': وهـ وهـ خطييرين والله أحسكم لايقين لبعض •@ ?أبيـكـ أقرب من أنفاسي ?•@: من جــد// تخيلي قالي قولي فهودي حبيبي قلت لو لاا صعبه بس كسر خاطري حسيته زعل قلت لو فهودي حبيبي كفايه '•.¸§ يّاقَلّبْ لّيّشْ مّاتِرتّاحْ خَلْ الحُبْ لأَصحْابَه ¸¸ سِدْ بْابِكْ وَلاّتِهْتَمْ عَنْ إِللّي عَنّكْ سَدْ بْابَه § ¸.•': هههههههه يااعيني لدي الدرجة خايفة عليه يزعل •@ ?أبيـكـ أقرب من أنفاسي ?•@: نهى لاتكملي معااه إنتي (وجه خجل) '•.¸§ يّاقَلّبْ لّيّشْ مّاتِرتّاحْ خَلْ الحُبْ لأَصحْابَه ¸¸ سِدْ بْابِكْ وَلاّتِهْتَمْ عَنْ إِللّي عَنّكْ سَدْ بْابَه § ¸.•': هههه أووكي خلااص.. طيب ماطلب يقابلك؟ •@ ?أبيـكـ أقرب من أنفاسي ?•@: للآن لساا '•.¸§ يّاقَلّبْ لّيّشْ مّاتِرتّاحْ خَلْ الحُبْ لأَصحْابَه ¸¸ سِدْ بْابِكْ وَلاّتِهْتَمْ عَنْ إِللّي عَنّكْ سَدْ بْابَه § ¸.•': ولو طلب؟.. •@ ?أبيـكـ أقرب من أنفاسي ?•@: اممم مدري ... '•.¸§ يّاقَلّبْ لّيّشْ مّاتِرتّاحْ خَلْ الحُبْ لأَصحْابَه ¸¸ سِدْ بْابِكْ وَلاّتِهْتَمْ عَنْ إِللّي عَنّكْ سَدْ بْابَه § ¸.•': شوفي حبيبتي نصيحتي في البدايه اتدلعي عليه وسوي انك ثقيله بس أكيد حيترجاكي قولي له موافقه بشرط •@ ?أبيـكـ أقرب من أنفاسي ?•@: وإيش هوا الشرط '•.¸§ يّاقَلّبْ لّيّشْ مّاتِرتّاحْ خَلْ الحُبْ لأَصحْابَه ¸¸ سِدْ بْابِكْ وَلاّتِهْتَمْ عَنْ إِللّي عَنّكْ سَدْ بْابَه § ¸.•': أنا أجي معاكي •@ ?أبيـكـ أقرب من أنفاسي ?•@: وااو والله إنك خطيره جبتيها عشان ماياخذ راحته ههههههه ’.’.’.’.’.’.’.’.’.’.’.’.’.’.’.’ |
مـع غروب الشمس لا يغرب الحب * أحلى رواية حب رومانسية كاملة الجـــــــ العاشرــــــــزء أم ماجد وهيا تقفل السماعة: لاااحول ولااقوة إلا بالله روضة بسرعه: ماما ايش في فجعتيني؟؟؟ أم ماجد: أبو سامي البعيده جاه سرطان الدماغ ويقولوا إنه خبيث روضه سكتـت حست بصدمـه أبو ماجد: إنا لله وإنا إليه راجعون..طيب قالوا إنه منتشر ولا في أمل لعلاجه أم ماجد: والله مدري دوبها أم فارس كلمتني وهذا الي قالت لي عليه مهند: لازم نروح له المستشفى أبو ماجد: أكيد يلا قمنا روضه دموعها نزلت: ياقلبي ياسمــر الله يصبركم.. بابا تقدروا تحطوني عند بيت سمر؟ أم ماجد: إيوا والله روحي عندها ونسيها الله يربط على قلوبهم ** الكل كان متفاجئ من الخبر ** راحواا للمستشفى وسلموا على أبو سامي جلسوا يقرأوا عليه وطبعا كانت الغرفة فيها ضيووف بس موو مره كثير أم سامي: قضاء الله وقدره أم ماجد: والنعم بالله أبو فارس: عاد يا أم سامي مانوصيكي أي شئ تحتاجونه مايردكم إلا لسانكم أبو ماجد: إيوا ترى احنا في الخدمة والله يشفي أبو سامي أم سامي بدون تعاطف: إن شالله << كأنها تقولها بدون نفس أبو ماجد وأبو فارس راحوا للدكتور يبغوا يسألوه كم سؤال لقوه في مكتبه دخلوا عليه وبعد السلام أبو فارس: والله احنا يادكتور نبغا نسألك الخبيث منتشر ولالا أبو ماجد: يعني في إمكانيه لعلاجه؟ الدكتور: الحمدالله اطمنوا إحنا حنعمل له عمليه جراحيه ونستأصل له الورم لأنه موضعي والعمليه بإذن الله حتكون سهله لأن الورم جمب عضو غير حيوي أو هام .. أبو فارس: الله يطمنك يا دكتور.. ومتى موعد العملية؟ الدكتور: الموعد المناسب له بكـره بإذن الله بعد صلاة المغرب أبو ماجد وأبو فارس وقفواـ أبو ماجد: مشكور يادكتور الدكتور: العفو .. الله معاكم خرجوا أبو ماجد وأبو فارس من عند الدكتوور أبو فارس: بس الخبر مانبغاه يوصل لفارس تعرف الغربه وقول لمهند إذا كلمه فارس مايجيب له سيرة أبو ماجد: أبشرر إن شالله[/color] ’.’.’.’.’.’.’.’.’.’.’.’.’.’.’.’ دخلت شهد لغرفتها بعد مارجعت من بيت سمر وكلها حزن على حالة أبو سامي و سامي..مسكت مفتاح صفير وفتحت فيه درج أخذت من الدرج مفكرتها أو دفترها الخاص وبدأت تكتب فيه بقلم لونه أسود قبل قليل كنت في منزل أبو سامي شفاه الله.. لقد أصابه المرض فجأه :/ سأدعوا الله أن يربط على قلوبهم .. أعرف أن عقد قراني من سامي سيتأخر ،، ولكن ليس هذا هو مايهمني ـ إن الذي يهمني الآن هو سامي وحالته مع أبوه وأتمنى أن أكون بجانبه أصبره وأساعده.. ’.’.’.’.’.’.’.’.’.’.’.’.’.’.’.’ نروح لمـــكان بعيــــد عن جده وبعيد عن جوها وأجوائها وطبيعتها وبعيد عن الحزن الي فيهاا .. نروح لفرنسا وبالتحديـــد عند فارس كان جالس في الشقه حقه الي موجوده داخل عماره أغلبها عربيين .. في الشقه الي قباله ساكن واحد اتعرف عليه اسمه حسن من جده وهوا أكثر واحد اندمج معاه وفي الشقه الي تحته ساكن واحد لبناني، غالبا مشغول اسمه فادي مقابل شقة فادي ساكنه وحده اسمها روزا من الأردن بس أغلب حياتها عايشه في لبنان عشان كدا لهجتها لبنانيه جلس فارس وقدامه صاحبه حسن// حسن: شخصية مرحه وملامحه رجوليه مافيها نعومه اتعرف على فارس وسار يحبه مره وكأنه يعرفه من زمان حسن يتمدد على الصوفا: آآه اخيرا بنرتاح لمدة 24 ساعه فارس جالس وفي يده الريموت يغير بين القنوات: من جد ها اليوم اش جدولنا حسن عقد حواجبه: ماقلت لك أنا؟ فارس: لا ايش؟ حسن: اليوم عازمنا فادي اللبناني على العشا في حديقه رووعه بس في شئ امم يمكن ما ترتاح فارس: الي هوا حسن: انت عارف انو في العماره مافي غير 3 شباب انا وانت وفادي وبنت وحده الي هيا روزا فارس: طيب حسن: هذا الأخ الحبيب فادي عازم كل الي في العماره يعني انا وانت وروزا اليوم على العشا فارس: مممممم (يستهبل قال) والمشكله؟ حسن رماه بالمخده: ههههههههههههههههه عادي ها شكلو الوضع عجبك فارس يكمل هبالته سوى نفسه مستغرب: أي وضع؟! حسن: ههههههههههههههه فرووس وربي ما تبطل حركاتك فارس: ههههههههههههههه طيب اعصابك بس حسن: المهم رايك؟ فارس: تبغا الصراحه حسن: أكيد ولا شئ غير الصراحه لأن في الصراحة راحة وفي الصراحة قاطعه فارس: فهمنا فهمنا( تثاءب) .. أنا رأيي الصريح نروح لأنو الأخ عازمنا ومكلف ولا تنسى اننا في فرنسا مو في السعوديه حسن: تهء تهء (ضحكه << بس عجييبه) خلاص رأيي من رايك إن شالله اليوم بعد المغرب نكون في السياره فارس: تعرف الطريق؟ حسن ضرب صدره: أفا عليك انا ليا سنه ونص هنا فارس: المهم قبل لاتبدأ لي بسيرتك الذاتيه أنا رايح انام حسن: خخخخخ ياخي اسمح لي اقول لك انو ماعندك أصول الضيافه جاي لشقتك تروح تنام وتخليني فارس وقف: عاد هذا أنا رضيت ولا الباب يوسع فيل حسن: هع هع فيل مره وحده هاذي واسعه راح فارس لسريره ماكان فيه حيل يرد عليه وعلى طول نااام ’.’.’.’.’.’.’.’.’.’.’.’.’.’.’.’ |
مـع غروب الشمس لا يغرب الحب * أحلى رواية حب رومانسية كاملة فيـ بيت من بيوت العوائل الأربعه يعتبر بعيد من الإنسانية // كانت أم خالد تكلم أم سامي في التلفون أم سامي: أفف أستغفر الله يا أم خالد مدري من وين طلع له المرض لا والأدهى الضيوف مايهجدون أم خالد: ههههههههههه عاد انتي لمحي لهم يخفون زياراتهم .. وترى انا ماني جايه ازورك أم سامي: لييه أنا ابغاكي انتي أم خالد: يااشيخه فكينا تبغين انتي تجي عندنا الله يحييكي.. إلا وين ولدي خالد عندكم؟ أم سامي: إيوا خالد ومعاه مرام أحسن يفكوني من الشغل والضيافه أم خالد: إيوا أجل ايش فايدتهم الله يخلي لي رغوده جالسه عندي هنا رغد: هههههه آمين أم خالد: يلا أم سامي مع السلاامه أم سامي بطفش: مع السلامة رغد: إيش تقول أم سامي؟ أم خالد: هههههههه أم سامي هاا من رجلها بدون خاله رغد بغرور: تحمد ربها أقول اسمها على لساني أم خالد: هههههههههه لا حرام أم سامي تستاهل رغد: المهم ايش تقول عندها هرجه ولا بس كدا أم خالد: لا بس تقول إنها طفشانة من مرض أبو سامي و الضيوف رغد: هههههه من جد الله يعينهاا .. طيب ليش ماتجي عندنا؟؟ أم خالد: مدري قلت لهاا هنا رن جوال رغد أول ماشافت الاسم وقفت بسرعه أم خالد: مين يدق عليكي؟ رغد وهيا تطلع الدرج: نهى يعني مين دخلت غرفتها وقفلت الباب وضغطت ع الزر الأخضر رغد بصوت ناعم: ألوو فهد: يا هلا والله براعية الألوو.. كيفك حياتي؟ رغد بحياء مصطنع: هلا فيك.. بخير وإنت؟ فهد: أكيد بخيير لما سمعت صوتك رغد: تسلم فهد: الله يسلمك.. وكيف حال صحبتك؟؟ رغد استغربت: صحبتي! فهد: صحبتك الي عرفتنا على بعض رغد: آآ نهى ليش تسأل عنهاا فهد: أكيد أسأل عنها مين عرفني على القمر غيرهاا رغد: هههههه الحمدالله بخير فهد: رغووده رغد: هلا فهد: ما ودك تشوفيني ونتعرف على بعض أكثر؟ رغد سكـتت فهد: رغوده حبيبتي أعرف مطعم مره حلوو ومناسب نتقابل فيه رغد: مدري أنا بنت ناس وأخاف إذا أهلي عرفوا يسير شئ فهد بسرعه: لالا لاتخافي صدقيني ماحد حيعرف أنا أوقف بعيد عن بيتكم رغد: لا أصلا حتى لو قلت أوكي ماحركب معاك نتقابل في المطعم فهد بقهر: لييش؟ خلينا نركب مع بعض السيارة ونستغل الوقت قد مانقدر نكون مع بعض رغد: لالا مستحيل أركب سيارتك خلاص نتقابل في المطعم فهد: أووكي براحتك مع إني كنت أتمنى تشوفي سيارتي وتركبي معايا رغد: بس فهد ما أقدر اقابلك الا بشرط فهد: آمري تدللي كلي تحت أمرك رغد: إنو نهى صحبتي تجي معايا فهد: لااا رغد مافي ثقه لدي الدرجه رغد: لا لاتفهمني غلط مالها دخل بالثقه أنا الي طلبت منها تجي صدقني أحسن فهد: ماأقول غير طيب كل هذا لأجل أشوفك ياقمر رغد: أووكي وين حاب نشوف بعض ومتى؟؟ ’.’.’.’.’.’.’.’.’.’.’.’.’.’.’.’ |
| الساعة الآن 04:21 PM. |