|
مملكتي الخاصه هلابكم الجميع
السلام عليكم ورحمة الله وبركاته
اسعد الله اوقاتكم بكل خير هنا سوف يكون بوحي وقلمي تحت امر الجميع هلابكم في مملكتي الخاصه اتمنى اقدم مايرضي اعجابكم وذوقكم الرفيع لو أن درب الهواء يجدي =ماكان درب الهواء غلاب تجرحنا الايام وتعدي= والجرح لو ننبشه ماطاب انتظروني هنااا اخوووكم شا ا ا عر بعه |
ياهيه ياللي شوفتك تبري الروح=ياجعل مالي فالبشر غيرك انسان انا معك فالعشق والباب مفتوح =واشره علي ان رحت يازين زعلان ابو حمد ياسهر ويسهر بي النوح =فالفكر زولك وانت للفكر عنوان والقلب في فرقاك ياهيه مجروح =وان جيتني قلبي من الود شفقان السر لا يبدي ولن سار مفضوح=سر الهواء مابين ربعن وعدوان مالي ورا طرد الغرابيل مصلوح =ولا للي مع اهل الغش بسطه ودكان تب الحقيقه واللذي فيك بوضوح=انته عيوني وانت شوقي والاوجان انت الحبيب اللي من الزين مملوح =بيتك وطن وان غبت ياوين الاوطان اخووووكم شا ا ا عر ربعه |
أقلهم مقدر يقولون حاول =الله عليم(ن) بالخفا كم حاولت حاولت اعاند شوقها واتطاول =عديت في عال المراقب وحولت ماهي برغبة حب رغبة تداول =رغبه ليا فكرت فيها تهولت تثير في كل القلوب التسأول =قمة سؤال اموت به ماتقولت ابيع واشري فالحساير وازاول =ياكثر مافي جوها هي تجولت انا اتناول سقم قلبي تناول =فتحت له باب التنمل وخولت اخوله للجرح وارجع واحاول =ياكم خولته وياكم حاولت اخووووكم شا ا ا عر ربعه |
بيني وبين الهـم ميثـاق وعهـود=وبيني وبين البعد قصـة مريـره الهم خلاني مع الوقـت مقـرود=والبعد كاوينـي ونـاره سعيـره درب السعادة اصبح اليوم مفقـود=في وقت خلاني ابيـح السريـره اسباب منهو غاب ماعنه منشـود=خلا حياتي يابـن عمـي مريـره الحال من فرقاه اصبح كما العـود=وانا على الفرقى عيوني سهيـره ان كان سافر جعله يروح ويعـود=وينعش ورود الحب في كل ديـره شرحت لك عن حالي المر ياسعود=ابغى الأفـاده فالهمـوم الكثيـره |
لو كان نعلم عن المكتوب = ماكان نسعى ورا حاجه لكن قدرنا كذا محسوب = مثل البحر تلعب امواجه اخووووكم شا ا ا عر ربعه |
الله اكبر ذكريات الآدمي شـي(ن) عجيـب=الله اكبر ذكريـات الآدمـي ياهـي مثيـره الله اكبر كم تشرق شمس يوم وكـم تغيـب=الله اكبر كم هالدنيـا ولـو تكبـر صغيـره الله اكبر كم جرحنا الوقت جرح(ن) مايطيب=لله اكبر كم جروحه في ضمايرنـا خطيـره الله اكبر ويـن ودانـا المقـدر والنصيـب=لله اكبر والله اكبـر ماعلـى ربـي كبيـره الله اكبر كل مايبعـد علـى ربـي قريـب=الله اكبر ربنا اللـي مايجينـا غيـر خيـره الله اكبـر يامجيـب ويارقيـب وياحسيـب=لله اكبر كل شي (ن) للانسـان فيـه خيـره الله اكبر جرحي امس اشكي ودور له طبيب=الله اكبر طبت من جرح الزمن بأهون بصيره اخووووكم شا ا ا عر ربعه |
أخذنا موج بحر الحب وابعدنا عـن المينـا=وهبت عاصفه وتنكست من هولها الاعـلام اخووووكم شا ا ا عر ربعهركبنـا الفلـك والامـواج تبعدنـا وتدنينـا=وفي وحشة متاهتنا نتحضن بعضنـا وانـام واذا اصبح صبحنا قمنـا وجدفنـا وغنينـا=وضحكنا للبحر ضحكت قهر من حرقة اللام واضنـا ياحبيـب الـروح كفينـا ووفينـا=بعد حب ولقاء وابعاد ومفارق ثلاث اعـوام لعـل الله يجبـر فـي خواطرنـا وينجينـا=عبـاده ماستطعنـا نتقيـه وديننـا الاسـلام عسا موج البحـر يهـدا ولاتذبـل امانينـا=ونعيش العمر كله مع بعض ونحقق الاحلام ونرجع بعد مابعدنا قدرنـا عـن مراسينـا=حبايب جوانا هادي بلا حيـره ولا اوهـام يهتفون اهل الهواء بحروف اسامينـا=ويدوم الحب يعقد الغـلا مادامـت الايـام حبايب |
خذ من عيوني سهر ليله =وعطني دقايق اذوق النوم وان كان لك بالصبر حيله = خذ من فؤادي عذابه يوم اخوووكم شا ا ا عر ربعه |
تاهت خطاي وطـال فالليـل مسـراي=وشموع حلـم الليـل فالصبـح ذابـت لكن هذا ما أدخـل الرعـب فحشـاي=ماهابـت اركابـي ولا الرجـل هابـت طبعي صليب الراي لو تاهت اخطـاي=مثل الجبـل لـو هـزه الريـح ثابـت ياماجرالـي مـن تهـاويـل دنـيـاي=لو هي صفت لي يـوم يوميـن عابـت شوقتنـي ياعـازف الـعـود للـنـاي=ذكرتنـي يـد(ن) عـن النـاي تابـت وأنا مـن اول طـاوي اوراق ذكـراي=ناسي تجاريب(ن) مع الوقـت خابـت صابـر لان الصبـر فالضيـق مبـداي=وحيـث(ن) نفسـي عاندتنـي وأنابـت وعلمت ليل الصمت بأسـرار نجـواي=ولازال سـري بيـن الاضـلاع نابـت بصبر وجامل والفـرج عنـد مـولاي=عله يجي لـو لحيـة الـورع شابـت مشكـي لغيـر الله علـى الله شكـواي=ياعنـك خلقـه منهـم النفـس طابـت مابي لهـم فزعـه ولاابـي لهـم راي=آمـنـت بالله قــدرت الله وصـابـت امشي على ممشى ويمشـى بممشـاي=ياكـثـر مادنـيـاي ودت وجـابــت المرتحل لامن قضـى المنتظـر جـاي=وياما اشرقت شمس(ن) بعد شمس غابت اخوووووكم شا ا ا عر ربعه |
لاشفت عيب البشر بالعين =اصحا لسانك بها ينطق عيبك بيظهر لهم بعدين=المسأله مسألة منطق اخووووكم شا ا ا عر ربعه |
العين تدمع اذا شافتك = والقلب يشكي آلم فرقاك والنفس للحين ماعافتك=عايش حياتي على ذكراك ماتشوفها طولت غيبتك=طال انتظاري ابي لقياك ان كان غيري سكن دنيتك=ربي يهنيك في دنياك وان جيتني افرح بجيتك=صابر عشانك ولجل ارضاك اسألك بالله وبذمتك =مأحن قلبك لمن يهواك ؟ اخوووووكم شا اا ا عر ربعه |
اغراب الايام لمتنا =حتى هوينا وصرنا احباب ونفس البدايه نهايتنا=اغراب جينا ورحنا اغراب اخووووكم شا ا ا عر ربعه |
الا آه من وين مصدرها = من القلب والا انين الروح يأهل الفكر من يقررها = قدام روحي علي تروح اخووووكم شا ا ا عر ربعه |
اخر درسات هذا الكون =ان البحر فيه ثلثينه مغرقني البحر لو تدرون = ماغرقني الا بحر عينه اخووووكم شا ا ا عر ربعه |
اسألك ؟ بالله كم لي عام=مايوم عمري عليك زليت سعيت لجلك كثير اعوام =والا انت هو انت وش سويت؟ اخووووكم شا ا ا ا عر ربعه |
كيف اهتني والحقيقه زيف =واكثر همومي من الواقع حتى السعاده مجرد طيف =يحلم بها قلبـي الضايـع |
آه الجفا ليه جانـي منـك =ليه الجفـا منـك بالعانـي لا وجزايه بعد مـا منـك= خليت دمعي على اوجاني لفح الهواء كنت اصده عنك=اخاف يصفقـك وتعانـي جار الزمن واخربو معدنك =وانته على نفسك الجانـي |
يلي بصدك عليه اخطيـت=غلطان بالصـد تجزانـي من صدكم كم وكم عانيت =ولازلت مجروح معانـي آسف على كل ماسويـت =ومسموح في كل ماجانـي وان كان بعد العتب صديت =بحاول انسـاك وانسانـي |
ماهو بيدي اهل دمـوع=وانوح واشكي بما جاني اللي هويته سنه واسبوع=اليـوم قفـى وخلانـي |
لا وين خلي معي جافي=يقسى عليه نهار وليـل صابر ولا قلت له كافي=مهما سقاني عذاب ويل |
اليوم بشكي بدون قيـود=ماكنت خايف منه باني باب القضيه طلع مسدود=شوف الهواء وين وداني |
الله من عيـن(ن) تهـل العبـاري=هيض شعوري دمعهـا يـوم قـرا وقلب(ن) يفوح اليوم بسباب طاري=قلبـي حزيـن وحالتـي ماتسـرا واحسرتي ماحد(ن) عن الحال داري=ياكـود رب(ن) فـي ذراه اتــذرا عامين وانا اخفـي همومـي وداري=عاميـن همـي فالحشـا مستمـرا طولت مجروح(ن) وطال انتظاري=انا انتظر وسنيـن عمـري تمـرا صابر وقـل الوجـد قلـل وقـاري=والوجد قله شيـن والصبـر مـرا ياعزوتي حالي مـن الهـم بـاري=مدري من الهاجوس ويـن المفـرا متى علـى الله يانجـوم السـواري=تسرين ماشوفك ولـو كـان مـرا متى الزمن يصفـى ورد اعتبـاري=اليا متـى وانـا انتظـر واتحـرا |
ياحظ من هو عايش ابوه وامه=ماهو بنا اللي ماتو ابوي وامي يشكي عليهم كل مازاد همـه=وانا على من اشكي اليوم همي يتيم ماواحد من النـاس يمـه=ان كان مارب الملا لد يمـي |
لو كـان لدمعـه معـزه ومقـدار=ماكان تفرح يوم هلـت دموعـي لكن مال الدمـع حشمـه ومعبـار=عندك ولا انته في دموعي جزوعي |
عـذاب فالـروح متـابـع=ونيران تكوي فـؤادي كـي صحيح فينـا الالـم نابـع=واسباب مافالهـواء ياخـي والفكـر مـن بعدهـم لاذع=والشمس الغضي ماوراها في شي اتضح لي مـن الواقـع=دمعاتنـا ماتسـاوي شــي |
اطمن القلب فـي غيابـك=وقول يمكن حصله ظرف صبرت لين القدر جابـك=والخد فارق دموع الطرف |
الشوق لحظه يجي ويروح=نرتاح لـه وقـت جياتـه وانته غرامك سكن فالروح=كيف انتهي مـن معاناتـه |
ياصبـح قلبـي واشـراقـه=بنور وجهك كسيت الشمـس ومنك القمر ضاقت اخلاقـه=والطير غاير لطيف الهمس ياجنـة الـروح واشواقـه=يسعد صباحك رقيق اللمـس لجلك تـرا القلـب خفاقـه=عذب ضلوعي بمغيب الامس |
جرح المحبه كيف اخفيه=للي جرحني بكلمـة لا تكفى ياباشه وتكفى يابيه=قلبي تقطع وصار اشلا |
دكتور وش هو علاج الحب=الهـم فالقلـب يبـرانـي افيدني جعل عنـدك طـب=النـوم ماعـاد يهنـانـي |
بسأل هل الـود واربابـه=عن قلبي اللي غدا مجروح من يوم مافـارق احبابـه=ماعاد له فالهواء مصلوح |
الى من ؟ من ؟ من يسألني ؟ كأنني اسمع اسئله . ولكن من السائل ؟
لايهم من هو السائل المهم انني اجيبه ماذا تريد ايها السائل ؟ تريد ان تعرف من انا ؟ حسنآ انا ^^ ولكن اجابتي سترتبط بفعل من الافعال سترتبط (( بكان)) نعم انا كنت ......؟؟؟ بحر(ن) فكيف ينضب البحر؟ انا كنت......؟؟؟ جبل(ن) فكيف يهدم الجبل؟ انا كنت......؟؟؟؟ نجم(ن) فماذا يسقط النجم ؟ الأ يتطلب نضوب البحر الشي الكثير؟؟؟ الأ يتطلب هدم الجبل الشي الكثير؟؟؟ الأ يتطلب اسقاط النجم الشي الكثير ؟؟؟ اذآ بعد الاجابه استطيع ان اقول........................................... لا ملامه على بحر(ن) واجه من هو كفيل(ن) بجفافه ولا على جبل(ن) جاء من هو قادر على هدمه ولا على نجم(ن) اصابه من يستطيع اسقاطه ولا ملامه على رجل عزيز(ن) وجد من يذله |
سموكم حظـي ومينـاي مرسـاك =قلبي سكنك وجـوف قلبـك سكنـا مسك الضحى حبيت عطرك وممشاك =يازين صـوت مغانجـك لا وصلنـا أمشي على نورك وأتابعك بخطـاك =وأعزف بهمساتـك سـلام لوطنـا مشتاق حيل لشوف زينك وحليـاك =مشتاق لمقابلـك هالحيـن (عنّـا ) ان كان مـا تقـدر تجينـا لفينـاك =لو دونك المـوت الحمـر منتظرنـا إنسى تفكر يالحبيب إنـي أنسـاك =لا يدخلـك وسـواس منـا ومنـا أقسم برب البيـت ياحبـي أهـواك =وأنتـه قسـم لتحبنـي حـب جنـا |
تعبت اجامل والزمن مايجامل =جاملت وقتي لين مليت وازريت وقت(ن)عسير دروب صعب التعامل =ياكثر ما اشقاني ولكن تغاضيت وقت(ن)يخلي قاسي الراس نامل =ويرد ضحكات البنادم تناهيت صملت مير اليوم ماني بصامل =الظاهر اني بعد ماشفت ذليت ازج نفسي واجتهد واتحامل =لو كان ماسويت شي قلت سويت |
الا يالله طلبتك ياللهي =تغفر ذنوب عبد(ن) عنك لاهي وسلموفي هذا الزمان الشين ساهي =صلى الله على الهادي وسلم انا طالبك غيرك ماطلبته=وكم مسلم طلبك ولاتركته ومن هو يطلبك رحمه رحمته=و صلى الله على الهادي وسلم الا يالله تغفر لي ذنوبي =ومن نورك تنور لي دروبي وتستر عن عباد الله عيوبي =صلى الله على الهادي وسلم صحيح الموت حق وكلنا له=طريق(ن) سالكينه لا محاله ولايبقى سوا راع الجلاله =صلى الله على الهادي وسلم الا يأهل الحكا وأهل النميمه =ولا يأهل النفاق مع الظليمه وش اللي كاسبينه من غنيمه=صلى الله على الهادي وسلم ولا يأهل الرياء والكبر والزور =ولا ياللي بمالك صرت مغرور تخيل وانته وسط القبر مقبور =صلى الله على الهادي وسلم ترا الانسان مهما طال عمره =يبا يرحل ويوضع جوف قبره وتطوى صفحته ويسلم امره=صلى الله على الهادي وسلم بعدها محاسبين يحاسبونه=وعن سيرة حياته يسألونه ولو تعتع ترا مايرحمونه =صلى الله على الهادي وسلم انا ميزة فالدنيا ولها =قليلن خيرها مكثر بلاها ولايرتاح من يطرد وراها =صلى الله على الهادي |
اللي تبيه تموت ماتلقاه جعلك للرحام =اسرار قلبي غامضه فحروفها وارقامها اقدامنا لدروبنا تمشي وتعرف له نظام=وافواهنا مربوطة بعقل يدير نظامها وارواحنا تسمع قريع قلوبكم خلف العظام=اللي تكنه نفهمه في ليلها وايامها وانظارنا تقرى العيون وينكشف سر الكلام =وعيونكم صارت صحايف والرموش اقلامها خطواتنا فوق الثرى واهدافنا فوق الغمام=قل للنفوس الجايعه يبا يطول صيامها |
انا ادري ان الموت ما منه مهروب=أن حان حينه سارت الروح صوبه جيت القبور وقربت روحي تذوب=وحسيت بنفاسـي تمـر بصعوبـه ورفعت كفيني وانا كلـي ذنـوب=اطلب من الرحمان رحمه وتوبـه يارب عبد(ن) من معاصيه مكروب=وابليس قاعد لـه مثانـي دروبـه وده يغلبـه لكـن اليـوم مغلـوب=من عيب وأبن ادم كثيـره عيوبـه مادام فيه احساب والعمر محسوب=خسران ياقلبـي وامنـت العقوبـه وجميع ماقدمت فاللـوح مكتـوب=وجوارح المخلوق تشكـي ذنوبـه يالله يا مـن رد يوسـف ليعقـوب=ويا من نصر يوسف بعد قد ثوبـه ادخل عليك اموت من قبل لاتـوب=سألك تغفر كـل حوبـه وحوبـه ادخل عليك اونس من النار لاهوب=وأسألـك الجنـه وبـارد هبوبـه وسألك سترك لنكشف كل عذروب=على اللي اذنب والبشر مادروبـه |
يامن لقلب (ن)كـل ليـل(ن) ويومـي=كـن بمعاليقـه تـحـز الصقـيـلات ويامـن لعيـن(ن) ساهـره ماتنومـي=تسهج وتسهرهـا جـروح المعانـات تسهـر وترقـب عاليـات النجومـي=وان عارضت برق(ن) شلع بالثقيـلات عزي لحـال(ن) طاولتـه الهمومـي=تصلاه نار الهم فـي كـل الاوقـات الجوف كـن تهـب فيـه السمومـي=لاطرى علي من حالي الوقت مافـات قمت اصفق الكفين واقعـد واقومـي=واقلب افكاري علـى كـل وجهـات واصبحت في بر(ن) من الوجد اعومي=واضن بيدي لي من الموت سكـرات والله يالوما خـوف بعـض العلومـي=اسـرار مابيـن النحايـف خفـيـات لاهج مـن داري وانحـي واشومـي=عسانـي اسلـى بالديـار البعـيـدات لـو سلـم اهلهـا مايوافـق سلومـي=لكن لهـا لمعـذب الـروح سجـات للي همومه مثـل حـدب الرجومـي=لابد ماتغـدي مـن السجـه اشتـات لو قالـو انـي ناسيـن سلـم قومـي=ماهمنـي لـو يشتمـت كـل شمـات والله مـا اقـول للايمـي لاتلـومـي=ولاضقت من راع العلـوم الهزيـلات اسـج ساعـه كنـي اسـج دومــي=وانسى القديم بسجه الخمس ساعـات اصوم في يومي عن الهـم صومـي=والعين لا امسى الليل من طوعها تبات لا واهنـي الباشـق اللـي يحومـي=مايمنعـه عنهـا جنـود الـجـوزات لا اسدل جناحـه واختلـط بالغيومـي=كنه لها من سرعتـه شـوت ينشـات ماهو بالانسان الضعيـف الزعومـي=اليا زعم لـه مـرة(ن) جـظ مـرات لو فتل عضـوده ضعيـف العزومـي=جـداه فـي ضيقـه عبايـر وونـات وللـي حياتـه كـل ابوهـا همومي ـ=اغلى هديه هـي وفاتـه لـي مـات |
يابحر جده جيت لك دون ميعاد =جيتك بشوفك ثم ارد السلامي في غيبتك عني ترا ظلم وابعاد =وفي غيبتي عنك ترا حيل ظامي يابحر انا وانته مع الوقت فجهاد=يابحر ميسم ذا الزمن حيل حامي يابحر هد الموج انا جيت صياد =يابحر هده خل عنك الملامي انا ادري انه من هموم البشر زاد =يالموج ماينفعك كثر التحامي دام الصبر فالوقت يابحر مافاد =أخذ العذر مني وزود احترامي وآسف لاني جيت لك دون ميعاد =ومدام ضقت اللحين ارد السلامي بصوتي واتمنى ينال اعجابكم http://www.azyan.net/voices.php?action=show&id=90 |
مجبور اجاريك واستحملك =كل مابدر منك يرضيني ماقدر اعاندك وازعلك=لنك تساوي نظر عيني |
| الساعة الآن 11:22 AM. |