|
ــــــــــــــــــ تجربه 3 ____________ لقرّائي فقط ..
.. .. ليس عيباً أن لايُرَدْ على ثرثرتك العيب أن تثرثر ولايسمعُك أحـدْ هي هكذا إلاّ بمـــا قلّ قد أكـون من القلّة الذين يكتبون بمدوّناتهم من بوحهم ولكن من يعلــــمْ ذلك .. !! ومن يهتمْ ...................!! هل هو إجبار .. / ليس كذلك مرّرْت سابقاً رسائل بالهَبَلْ تبيّن إن كان من يدخل هنا قارئ أو لا تفاجأت بقلّة العدد عائلة السي تي آر إل عائلة خدم وحشم ونحن للأسف من أثرياءهــــــا تقرأ عن الناس بكل سهولة فقط إدمجهــــا بأحد أولادها الذي هو (( سي )) هو الابن البكر طبعا هو ذو عقل نضيف فيدعك تضع مالم تقراه وكانك قراته اما الابن (( في )) بثلاث نقاط على الفاء هذا مصيبة .. تقرا مرة واحدة ويجعلك تكتب مليون مرة بدقيقة واحده (( عجب )) أما الابن الاصغر (( اس )) هذا يعبئ عقلك وهو فارغ بمعنى تخيّل يعبئ ولايشغل حيّز أي أنه مُعجزه ع ـمومـــاً إلى كل من يقرأ هُنا يقرأ شعر , نثر , رأي هنا أنا و أنا هنا رائد النايف الجليد (تجربة 3 ) |
\ / \ مادامني محروم انا أكيد مشتاق وإن قلت لك مشتاق يعني كد حرمت الشوق يكوي وأصدق الشوق حرّاق ومحروم يعني كل الأشواق في صمت عرفت ياقنّاص أنا شلون مشتاقْ إشتقت لين إنّي من الشوقْ حرّمتْ إشتقت لين إحرقت ولازلت توّاقْ ولا ../ أقابل شوقي إلا إذا نمتْ أهيم في حلمي على فرحْ وعناقْ والله وكيلك ضحكتي بس لاهِمْتْ واليا فرحت شوي والصدر بي رآآقْ حتى فرح حلمي تبدّد اليا قِمتْ رائد النايف |
.. .. أقعد معاك العمر كلة واذا جيت أصد قال القلب للعين بدري رائد النايف .. .. |
.. .. ريشِ نبت للورق ثم طار مالد يومي بــــمخلابي أضمّه لصدري مغليه والله يافهد مزح وجَدْ وبحلمي وعلمي وتفاصيل عمري عذري سبقني له وأنا مجزل المد ومامد لي شي ويبي دوم عذري بنيت بيت الحلم والأرض مرقد بهندسة صدقي / وحبي وطهري ورصعته بياقوت غالي وعسجد وقمت اتامل به على وين .. مدري وشغل السنين اللي تعنيته يهد منها وهي ../ من القويات أدري وعلى البحر عقب الجزر راحت بمد وماظن بعد المد بيعود جزري والريح وافي غصب بيردها رد أبطى يسايرها وتّرجاه يسري تبعد ويدنيها ويدني وتبـــ ع ـد ولاّ انا ../ ماإهتز فيني مقري حبل الوصل مشدود وهوباعه بشد لين انقطع وواجد عذارى بتشري بس ماني ببياع وصلي معا حد الشاهد الله كنت معطية عمري وإسترخصهـ .. وأستغربه كيف يجحد جحد وجودي معه جهرن وسري جحد عطاي وذكر خطاي بترصّد والظاهر إني كنت عشّاق صخري مديت يدي عون وإنقطعت اليد أجيب له سرّة وهو جاب ضري والحين فيي (كان ياماكان) ينعد قصص تسلي ولفاطن العقل تثري عطيت سرك عبد عليك يتسيّد عطيت قلبك بنت بيموت حري تحب لك طامن ينزلك بالغد لو مارفعته يبينزلك حدري هذي هي القصة من الإي للزد على وزن قافك بقاف وبحري من رائد النايف لسبع الخلا فهد برد وسلام واليانقص قاف عذري رائد النايف |
\ فقير فكر ../ وكسوة العقل رثّه قام يتحدّاني وأظنه له طموحْ ..! . . يحلم ../ ومابي عرق حلمة أجثّه سفيهـ .. لكن السفاها لهم روحْ . . وبالبلبله من غثّك .. بصمتْ غِثّهـ ! والسفه للعقّال .. يبينبت جروحْ . . إنشد عن الريحان واللي يبثّه .. ؟ اليا تحرك بالعصا داخل ( الدوح ) . . وان كنت حركت بعصا يدك .. جثّه لاتنزعج من ريحة الجيف .. بتفوح . . حث الفهيم لعالي الفكر .. حثّه واللوح لو ترقى به بيستمر .. ! لوحْ رائد النايف |
/ / دجت الحزن وأبشّرك بِهْ مخرج مخرج من الحزن الكئيب الجايـــــر جـورٍ منٍهْ ../ صم الحجاره تهرجْ كل لحظةٍ يبكي عشـاني عايـــر أحلامي وصبري لفوقي تعرجْ الاثقيل الحزن ماهو بطايـــــر أركض ولاني مصدّق تبتفرج اركض مكاني والفرح يتطـــاير ويومن وصلته عاد صدري حشرجْ قريت له شرط ودمّــــــــي فاير مكتوب بالبند العريض المدرجْ باللون الاحمر إنتبه..! يازاير ضع الثمن بالحاويه ثم اخرج والباب غالي فتحته ياثايــــــــــر حط العقل يامنسجن ثم اسرج خيول الخبال وعيش وانت مغاير وللحين أردّدْ أخرج أو ماأخرج وللحين أنا في تمتماتي حاير رائد النايف |
,/ طبطبت كتفه مواسين وقال لي أي مدري البلا بيدي او هي بكتوفه .. | بعض اللحنْ يِبكٍي وتدرون وشلونْ ...! إذا إبتدى بخنقهـ .. ثمّ إنتهى بآآآآهـْ | رائد النايف |
و ياعازفه جرحي مع العزف غنّا ودقّت طبول الألم تقل بركان قامت تراود بي .. (منا ومنا) ظلم وبعاد وغربة الروح عنوان الغرب تظلم والقريب يتجنّا صدقي مخليهم نسوا (اني انسان) وانا ومن مثلي وهمٍ سكنّا هو يجتمع فرحٍ معا همْ بإسكان ..؟ لاوالله حتى احلامنا تصد عنّا الحلم ودّة يتحقق أو يبان وحنا منين نحقق الحلم حنّا حنا وقبر الحلم والله سيّان فينا طموح نكابره لو طحنّا نصارعه وكنا نتسلق لنا أغصان غنيت ولاجا ببالي اني اونا علّ الونين يجفف دموع الاجفان الجرح لاح وراعد الونّ دنّا وببكّي الاذن قبل العين احيان من ونّي اللي له جبالٍ تحنّا على وتر عزفك وأنغام الالحان رائد النايف |
. . . خفّى باح الصدر باللي من العامْ خَفّى وحاول يحط التاج بالغصب خُفّى ثقّلتْ ميزانه ومن يدهْ خَفّــــــى وأثر الصدور قبور والناس تكذٍبْ سٍرْ خل النباح ياسايق القافله وسٍرْ فهمت ليه الحب بين العرب سر وليه الصدوق بفرحة الحب ماسٍرْ لأن الصدور قبور والناس تكذب شَابْ حبيت وقالو هذي مراهقة شابّ ناديتهم والجمر بي واقدْ وشابّ صيّحت لين الشابّ من صيحته شابْ وأثر الصدور قبور والناس تكذب رائد |
\ / / قالواْ لي عيد الأم جيت أبـ عايِدْ قبّلت جنه تحت رجلك مع الإيد ودي أسوّي ماعلى الناسْ زايدْ لو كنت أنا الزايد بعد ودّي أزيدْ خوفي تشوفين أمهات تعايَدْ ويحز في خاطرك إني لك وليد لاكثرو الجهّالْ والجهل سايد واللي كثرو مفتين وكل له بحيد والله وحطو عيد لك ياام رايد ورايد ولدكي شوفتك عنده العيد مشاعرٌ تفوحْ فقطْ |
(((وعريت الحقايق له وصد وقال لي وش فيكـ يقول إستر حقوقكـ مانبيها لأنها عوره))) . . تجرّع (مرْ) ومامرّك يقولون العرب يشفيك وذق مره وبيمرك حلاه إن كمّل الدوره هلا يامرحبا فهدٍ تربّع في صدر مغليك وخل البحر مايخلا سقا غدره فمي حوره ولاعدت ارتجي للحور وماولله ودي تجيك ترى رقّتهن أكذوبه وصارت حيل مشهوره تخيّل كان لي قصة محبة الله لايوريكـ تخيّل كنت أشوف الحب أطهر شي بالكوره تخيّل والخيالْ إبليس الى دقيته يوديك بعيد بحلم وفرحهـ وتفيق بنفس مكسوره تخيّل كيف هي تظلم وتلطم خدها تشكيك ولأنّي .. مثلها مااعْرِف أكذّب هي منصورة وعريت الحقايق له وصد وقال لي وش فيكـ يقول إستر حقوقكـ مانبيها لأنها عوره لبست ضيمٍ على قدي وجاوبت الحزن لبيك أنا صدقتها كذبهـ وسوادك صرت له صورة ولاني زايدٍ خيبة بعِرْفي انه لقا له ديك (أسد وآكل سمينٍ والكلاب تعيش من سوره) رائد النايف |
.. .. وعقلي نها والقلب آمر وتوّاق وإحترت أنا من بين آمر وناهي قدمت له ساق ورجعت لي ساق لوحت لكن داعج العين ساهي واقلبي اللي فرحة العيد ماذاق واعقلي اللي منه ضايع وتاهي اشب وهو يدفى واذا حس بحراق راح يتبرد من هباهيب آآآآهي رائد النايف |
على شاطئ الشَجَنْ ../ كل معا حزنة يغني لليلآآآآهـْ والكل في حلمه سكن وسط قصري الحزن عمق ومابه لعمقه أشباهْ وكل يشوف الحزن له هو حصري أحدٍ سبح بالحزن لين إمتلاْ (آآهْـ) وبشر تشوفه يمول لبنت نصري إن قلت إنسى الحزن جاوبك ماانساه لاالفرح هذا لي ولا العصر عصري يِفجع إلى منّهـ سمع طاري الآآهـ لو هي بمعنى ((إيه)) بلسان مصري |
.. .. أكبر وأكبر وكل حي بيكبر إلا ثلاث أشياءْ تصغر بكبري حلمي وأمانيي انا ليه تصغر ..؟ يمكن عشان الكبر يقتص عمري .. .. |
على رصيفْ التضحيه فقط للعميقين لـ / تُفهم .. .. تَحْتْ أَمْرِكـْ ,/ أبتجرّعْ جَ ـمْرِكـْ ,/ وأبحترق وأصبح رمادْ علّ السوادْ يثيركـْ وتحْضنّي وأصبحْ فتات (شكلك تعشق الذكرياتْ) وحبّك حيا يوم من تعشقْهْ مات وحبّك حيا يوم من تعشقْهْ مات وحبّك حيا يوم من تعشقْهْ مات وحبّك حيا يوم من تعشقْهْ مات |
.. .. ردّاً على قصيدة الشاعر القدير / فهد الفريدي كتبت وعلى بحور الشوقْ وملاطم الآهـْ يامرحبا بك وإنته من القمر .. هُوْ يامرحبا بك وأنت للطيب شرواهْ جفت عروق القاف ولا أنت له نَوْ مزنك حياه ./ وكيف حيٍ بيرواهْ كاد الممات يزورني وانشلع توْ والشوق نار / وويل من شوق يصلاهـْ وين الشموخ بنخلة بجذعها ضوْ كني أخونه يومني شوقي أقواهـْ ويامِرْ على شوقي .. بقوّ الحمل قوّْ لِمَسْت جرحٍ مختفي وسط ضلماهـْ شمعة (سنة حبٍ) مَلَتْ داخلي ضوْ وكانه على حقٍّ بصده ومقفاهـْ يابليس سو معروف رح له وله غوْ جيت أتقوّى شفتني مقوّي الآهـْ مافيه قوّه فوقْ حقّي بتعلــــــــــــوْ فتحت لي صفحة جديدة أبنساهْ قالو لي العقّالْ صفحاتها طَوْ وغلاف عمري بعدها وخفت منهاهْ ياشوق سَوْ اللي تبي بـ / رائدكـ سَوْ رائد النايف |
إبتدي والا أنا اللي بابتدي=ياأباسلم أو ارد السلامـْ يامدى .. والعمر أيام تعدي=والسنين أشباه خفّاق الحمام مستوي عندي مماتي بمولدي=وعشت وأهدافي على يدهم حطام أمس مثل اليوم وأشوفه غدي=مثل أمسي بكل عام تلو عام أتوجّدْ والحزن صار ولدي=وكثرو عيالي بصدري وبه زحامْ واصلتني وماني وربي ردي=وقطعت حبال الوصل عقب الخصام ونصها طايح ونصي في يدي=أتوجد وأفركة وأصبح رمام عقبها خاويت ليل سرمدي=كنه موقع على قلبي عَدامْ رائد النايف |
.. .. خلّود الأسمر بسألك كيف حضنه يومكـْ ركضت وجاوب الركض بالركض ضمّك عن هموم الطفولة بحسنه يومك بقلب الـ/(سيم) كنك تمضمض من كثر ماتنطِقْة ولاأبعدت عنّهـ بعيونه يشوفك من البعد تمرض وإن ساحْ صوتك وسط صيوان إذنهـْ دوّرك وعينه عن جميع البشر غَضْ وانا جرعت الشوق نارٍه وغبنهـ صوته وأنفاسه وفي عوده الغَضْ مِيْنَايْ فارغ يحتري اسطول سفنه فضّيتلهـ ميناي بالطول والعرْضْ أبحتويهـ وقلت أنا أرضك يافتنهـ ويحتقرني بصمت ثم قال (( يالأرضْ)) خلّود قلّي والحسن في ظنّهـ ماجيت سالب فرح او فارضٍ فرض خلّود تدري كان بالقلب سجنه يدق داخل قلبي ودقته نَبْضْ قالو اطلقه وإن عاد كيفه ومنه إن عاد من نفسه ملكته ولِهـْ رَضّ وأطلقته وروّح ولاشفت ثُمنِهـ وعلى أصابيع الندم رائدك عَضْ وخلّود الأسمر ( 10 اعوامْ سنِّهـْ) هو ملْ وأنا ماذِقْتْ بالله مو حَظْ ...؟ لـ / رائد النايف |
.. .. ودّي أكتبت شي ماعمري كتبته مابغى يطلع من أفواه الحناجر آه ياغيم تكتّل ../ ماذرفتهـ جامعه عزّه بأحداق المحاجرْ والله إنّي ماقويتْ الجرح .. بِحْتِهـ أغلب ضلوع البشر صارت خناجر ماتدلّون الفرح والدرب تهتِهـْ بهجر جِراحِيْ ومدري وين أهاجرْ كلّ مالقّيت ظهري لجِرْحْْ شِفتِهـْ قاعد قبالي بظلماتٍ دياجـــرْ يحتريني بيرتديني مالِبَسْته وأٌقسم بربّ الفلق هالجِرْحْ فاجِرْ أقسم بربّ الفلق هالجرح فاجـر لـ / رائد النايف |
/ / ردا على الشاعره القديرة ../ مدى
ناج الضمير اللي سكن فيك ناجه=اعصار وعقبة فيه ميت وبه ناج ان كنت ناجي لاتبي اليوم حاجه=إلا لمن لبّاله بمكــه الحاج ترى الصويب اللي بوقت المواجه=سمع دوي المدفع وعنه ماماج وانا الذي همّه ركبّه حجاجهـ=واللي خلقكي ماإنثنى منّه حجاج لازاد ضيم الهم زاد إنفراجه=معتوق من خلا الصبر دوم له تاج الود بين الناس مثل الزجاجه=وأنا ودادي كنه النبع ثجّاجْ كلٍ يذري في يده عن سراجه=وأنا حرقت الروح للعالم سراج وأحيان أصير اللي نقلها بخراجة=ماقال فيه ابن السديري كما الصاج بحر الهموم العام ذالقلب داجه=شربتهن شربت قراطيع هدّاجْ أضيع لاقامت تلاطم أمواجه=ويبقى شموخي لاركد طول الامواج ماهمني صفو الهموم وعجاجه=ولاهمني بحــرة ولو كان بي هاج ثم إعذري شاعرٍ وسيعه فجاجه=يوم الهدف ضايع وأنا فيه نهّاجْ رائد النايف |
.. ..
أرسلت له من حبر الأشواق دَفتَرْ=وشفته قبل يقرى شعوري قطعني بحروف من قلب ومن الماء أطهر = وكلٍ على فعلٍ يسوّيهـ ../ ظنّيْ مكانته عندي عظيمة وأبعذرْ = حطيت لهْ مليون عذر و قهرني مارد لانه شافني شخص يحقرْ = جيته أبسأل عنه وردّه حقَرني ماني بشاعر لكن أحس وأشعر = وألعب على نبرة صياحي وأغني رائد النايف |
كتب احد الاعضاء هذا البيت ليت ..آلعمٍر..!! شريط تسجيل وٍينعآد ....................وٍأعيد { .. أجمل مآمضى من حياتي ... فكتبت وإن كان هي cd والعالم أسياد ..؟ أو كانت تذّكـــــرني بكره ذاتي ترى حياتي كلها قدام وجــــــداد حزنِ أعيشة وموطـــــــنه ذكرياتي والعمـر ماله قيمه إلا إنْهْ عدّادْ يحسب لحزن راح وكم حزن يآآتي |
كتب الشاعر / فهد الفريدي الوله والشـوق وايديـن الزمـان الغابـره وكثرة التفكيـر وظـروف ٍ حدتنـي عنـك والخفوق اللي جرحته ضاااااع وانته خابـره من طعونه كل مايصبح ويمسي صـاح منـك والسهر والليـل وطيـوفٍ خذتنـي عابـره وآهات المواجع في زمان ٍ يضطهدك ويمتحنك فكتبت يافرج سديت قفلك عن قلوبٍ صابره في رحا الايام وهموم تعيّشهم بضنكـْ وإعتلى للظلم صوتٍ بمنبرة ونكابره لو معاك فرنكـ ياصاحب بتسوى لك فرنكـ إنكسرنا ولاهي بكل الكسورْ بجابره القزاز إليا كسرته تلمسه بيدك طعنْكـْ |
// // تدري متى للوجَعْ لـذّه وخَرمَهـْ لاصرت واطي الجمْر لـ / عيون خِلّكْ تتألم وكل البشر تطلب الرحمه وانت تتمنى الموت بالسرعه يدلّكـ ثم جاك يركض لك من بين هالزحمه يركض ومتلهّف يبي شوقه يبلّكـْ وإستخرجك وانت ميت مانطق كلمة يبي يتطمّن عليك يجمعك ويفلّكـ ويومك فتحت العين وبانت به البسمه ويوم ابتسم لك بس تشافيتله كلكـ على عجل تداركاً لتكرار المُشاركة لـ / رائد النايف |
كتبت / الشاعره ثرثرة طَلَبْت ( الله ) يِنَسِّينِي :: مَلآمِحْ وَجهِك .. بـ / ثآنِي ,, وَ كِلّ وَجْهٍ لِفَى عُقْبَك !تِفآصِيْلَه ,,,, تِفَآصِيْلَـك !! فـ / كتبت رميت الصبح في وجة الظلام اللي تحدّاني على ضوٍ يغطي كل ظلمى من قناديلكـْ عطاني الليل وخذ مني واخذ واجد وبكاني وينبوع الدموع اللي بعيني (بلْ) منديلكـْ !! يجف الدمع مايِبْري جروحي اللي تعرّاني وطلة منك وقف نزف جرحي وأصبح يسيلكـ |
كتبت رأياً لي فذهب لغير ماكنت انوي فتداركته لأجل .... بـ / .... أبلبس الصمت حلّة دامهـــــا ترضي وأبرتمي بالرحيل اللي يغطيني شايل بخرجي صبر والصبر لو يقضي ينبوع قل الحيل بالإكراه يسقيني الذم لي واضح ومجبورٍ علي أغضي ياحيف بس وشلون بالشين يعنيني |
اقتباس:
الله الله عليييييك يارايد صح السانك شعر ومشاعر تتغلغل داخل الاورده دمت كما تحب |
عند زيارتي لهذا المتصفح احس وللوهة الاولى انني في متصفح راقي ورائع يجبرك على ان تضع بصمتك متواضعه بسيطه اردت ان اضعها في تجربة / الشاعر رايد النايف ,,,, مع فائق الاحترام
ياليت بعض الناس للقلب ما خج=او ليته ترك قلب العنا يوم خجـه العام ما كنه على داركـم سـج=ولكنه اخذ وياك بالحـب سجـه يام العيون السود ياباهي الغنـج=ياللي حلاها زاهيٍ فيـه غنجـه ماتدري ان القلب من عقبكم دج=غادن لك الله كل الاوقات دجـه باسبابك (البي ام) بدلتها رنج=وش حيلة اللي راتبه قسط رنجه رجيتني يـا زيـن بغيابكـم رج=من هجركم عقلي (بدت) فيه رجه آخر لقانا العام اول هلال الحـج=واليوم هجرك كمل هـلال حجـه قلبي صبر عامين والثالث احتـج=برفع لكم يا قاضي العشق حجًـه |
جليددددددددووووووووووووووووه
شكرا لك عالـــ3ـــ دمت طيبا |
هو قلمي يكتب ما يريد وويعبر عن رأييـــ... وضعت له خطوطا حمراااء لا يتجاوزها... ليس لاي سلطهــ عليه... ليس الهم أن يرضى الناس الاهم..أن يرضى اخوي الجليــد.. بالتوفيق لكـ .. |
يسعد صباحك اخوي رائد وصباح كل من مر على هالمدونه الرائعه
حلو ان تبدأ صباحك بمرورك على هالابداعات تسلم يمينك على هالتجربه والتجارب اللي قبلها يعطيك العافيه تقبل مروري |
http://imagecache.te3p.com/imgcache/...41088737b2.jpg عَلمٌّـوه ,! إني ضَآيقه ! والأغَاني بٌد و و ن صُوتَه .................... | جَوّها خاَنِق كَئييب ! .......... وإن سِكَت يَسسمَع بِحَالي , خُبر و و ه ,! .......... قُولوا إني مِن مِسسك خَطّ الغِيآ آ ا ب ! .......... صِرت أنَا .. [ آحتِريهْ ] والَحنين الِلي فِ ضُلو و عي مَابكّى إلا عَليِه ! رُوحُوا يَمّه ,! إنزِعُوا صَمته بِـ كمّه حَاولُوا تِجيُبون طِيفه عَ الأقل أَشرّه عَليه يِسمّع عِتَابي شُوي .......... يَدرِي إنِي بَسس أَبيِييِيه! |
http://www.al-wed.com/vb/showthread....=1#post4328433 هلا والله رااائد كيفك اخبارك تعال الرابط تراه احتمال اخر ضيف نبغي نرجع للموضوع حمااسه وضيفنا انتر |
يسعد مساءك
الجليد
لاعدمنا سمو قلمك |
اقتباس:
ابداع................ |
اقتباس:
|
اقتباس:
|
اقتباس:
|
عذرا انا لست منتقده ولا افهم في وزن وقافيه
بس استلذ بروائع الكلمات فهل تعقيبي عليها يزعجك ؟!!! |
اقتباس:
منتهى الابداع راقت لي بشده!!! |
| الساعة الآن 11:38 AM. |