حل الهجر..!!
 

نحب ونحب ونحب ونحب ونحب

ولكن لانجد من يقدّر هذا الحب؟؟!!
في لحظة بوووحٍ غاضبه صادقه خرجت هذه المتواضعه ،، فأقبلووووها

جمّد غرام القلب وقلّل دعاويك=وأقصر خطا رجلك حذاري تجيني

أبشتري رااحة خفووقي وأبمحيك=من عالمي حتى لو إنّك تبيني

وإذا سألت شلوون بقدر أخليك=بقووول إسمع مايلي ياظنيني

قد قلت لك إني أحبّك ومغليك=وإن الحشا بيتك وقدرك بعيني

وإنك ليا من غبت عنّي أحاتيك=وأنطر تردّ الوصل بينك وبيني

وليا رجعت بهمّ وقتك أواسيك=وأعين لك وأنا بحاجة عويني

تخطي وحبك في خفووقي يزكّيك=وتبعد وشوقي في عيوني يبيني

وتزعل بليّا أسباب وأرجع وأراضيك=ماهي مذله .. بس ماهو بايديني

شيٍ بقلبي يجبره مايجافيك=لو إن قلبك بالجفا منتويني

أسرجت لك خيل المشاعر بأياديك=وأطلقت لك شووق الخفووق السجيني

وأشعلت أصابع راحتيني تضوّيك=في ظلمة الليل العبووس الحزيني

أعميتني عن شوف زينٍ يحاليك=طبع الهوى يعمي عيون الخديني

واسرفت في جرحي وقلبي يداريك=يقول بكره كل قاسي يليني

ياما نصحتك لاتزيد بتماديك=لاتجحد النعمه .. وترخص حنيني

لكنّك أعوج مايفيد العدل فيك=تعبت أعدّل ماأعوجته السنيني

واليوم حلّ الهجر والله يجازيك=على الذي يازين سويت فيني

سمّه عتب .. سمّه غضب .. حتى يمديك=إنّك تسميه الغدر ياظنيني

أهمّ حاجه لاتكثّر دعاااويك=وإرحل لك الله وإبتعد لاتجيني

سر الاعجاب اسمحلي اهنيك على هالابيات الرائعه بس انا محتاره :Rolleyes: ليش كله غدر وخيانه خلينا نسوي شويه مكسسسسسسسسس كلام حلو وحب وكلام قاسي عاد لا تصير كئيب يالله

لأن كلام الغدر و الجروح
ما جاء الا بعد
كلام الحب و العاطفه :love:

كلام روعه


ابيات حلووووووووه


صح لسانك يا مميز

كلمات في غاية الروعة ..

وحروف في غاية الشفافية

مالنا دائما نحزن ..

اما اّن الاّوان أن ننتصر على جروحنا

اما اّن للحزن أن يبتعد ..

اما اّن لنا أن نعيش بسعادة ..


سر الإعجاب

اما اّن لقلبك أن يستعيد قواه


قليلة هي السعادة في الدنيا

وجميلة هي عبارتك وفريدة هي خاطرتك


مع وافر التحـــــــــايا

مشكور يا مثير على هذا الرد الرائع
ننتضر ردودك الجميله
على المواضيع القادمه
لأجل ان تزيدها حلاوه

صح لسانك اخوي



ابيات في غاااية الجمال


وقصيدة غارقة في العذوبة



دمت مبدعاً اخوي الغالي


تقبل خااااااااااااااالص



تــــــــــــحــــــــيــــــــــاتـــــــــــــي



جروووح )))فـــهــــد((( روووحss

تسلم اخوي على هذا الرد الرائع
النابع من عضو مبدع في جميع المجالات
ننتضر ردودك الجميله في المواضيع القادمه لا تحرمنا منها

صح لسانك



ابداع شعري

مميز


تحياتي لك


وننتظر منك المزيد من الابداع