بسم الله الرحمن الرحيم



قصيدة ( الهوى غالي )



أنا لامن عشقت اعشق بقلبي ـوْ كامل اِحـْساسي
ولا منـّي عطيت الشــي !! تحـرّم نفسه اِرْجاعه
***
ولو فقـدانـــه اِيـْـسـبب زوالي أو قطع راسي
فداه الموت دام المـوت واحد ابــــوا اِنــْواعه
***
أمـــوت اِبــْحدّ سيف ٍ أو فراقك يقطع انفاسي
معنــــــدي مشــكله مادام روحي فيك طمـّـاعه
***
أنا قدّمت لك قلبي وفي راسي اِنــْضـَرَب فاسي
وحاشا يوم اروم ارجاعه ـُوْ لو زادت اِوْجاعه
***
لأنّ اللــي رَجَع للي عـَطـَى كلب ٍ بن اِنــْجاسي
وانا حتـّـــى قــَبـَل هذا زرعـته وسط اِزْراعه
***
خــلاص القلــب في يــدّك تفنن أنت واِمواسي
وقطــّع كلّ ما فيني حــلال الكـــلّ قـــطــّاعه
***
وسوّي اللي تبي اِتـْسوّي مدام اِنــّك هـَلـَي ـوْ ناسي
ودام اِنّ الهـــوى غالـــي !! أنــــا جُنـْده وأتـباعه
***
تفضـــّل واسـْتحل الروح لنــّي معلن اِفــلاسي
بحـــبّ النفس دام اِنــْها لحبـّك حافظه اِوْداعه
***
وأبنـي في الحشا قصرك وكوني فيه نبراسي
ولــي تـبـغـيـن تدمـيره دماره أتقني اِبـْداعه
***
ولك روحــــي أزعـّلها واخلـّي الحظّ منحاسي
واجمــّع لجلك اِمـْبعثر وأبعـثر لجلك اِجـْماعه
***
وازعـّل نفسيَ لجل اِرْضيك واِمضي لـْشرّ لإطعاسي
وجـــرح ٍ تجـرحيـنـه "بجرحه" صاعين في صاعه
***
رضيت اِبـْمرّ كأسك والعنا ـوْ في طبعك القاسي
رضــيــت اِبـْشي ماِتـْخيـّليت حلم ٍ يقدر اِقـْناعه
***
رضيت اِبـْذا الزمـن جوره وجوره زاد من بأسي
وتحـمـــلت البلا والضيم لين لي اِعـْلنوا الطاعه
***
وصرت اِرْتاح للتعذيب حاشا منـْه أحتاسي
ولــو مثــلــــه يبيعــونه قسم بالله لاِبـْتاعه
***
وكــلّ اللـــي يجـــي منــــّك غلاه اِغلا من الماسي
وغيرك لو يصبّ الطيب في راسي "غدا اِصـْداعه"
***
كــَذا ولآ كـــَذا هـايـــم متيم راسي ـُوْ ساسي
سـِحـَـر في ذاته اِتــْكوّن لمثلي داخل اِضلاعه
***
ولـــو وصـــلك أمل مقتول باِعـْلن للنسى يأسي
وينـْسىَ اِنــّي بيوم انساك لو تتخالف اِوْضاعه
***
ولـــو صــدق الوصال اِمـْحال والأشجار يبـّاسي
ترى في وصـْلي اِبـْغيرك "محال ٍ" مدّ لي اِذْراعه
***
وأسرى اِبـْزورقي اِبـْبحر ٍ قـَتـَـل من فيه وسواسي
ومــن زود الثقه اِبـْنفسي كسرْت اِبـْيدي اِشـْراعه
***
وفي لمح البصر خضته وانا به كالجبل راسي
وشفت اِبـْعينه الدهشه ذهوله أوشك اِضـْياعه
***
عرَف أنّي ابيك ـوْ أنني في الحبّ قرناسي
ولـو باع الهوى قلبك "انا قلبي حشا باعه"
***
يطول العمر أو يقصر مكانك بين أقواسي
هنــــا ولآ هنا قلبي تأشــّر فوق اِصـْباعه
***
أحبّـــك أوّل ـوْ تالي وحبـّك رافع ٍ راسي
وقاهر قلبي اِبـْقهر ٍ يضم القهر واِنـْواعه
***
وراضــي لنني اعشق بقلبي ـوْ كامل أحساسي
ولا منـّي عطيت الشي !! تحـرّم نفسه اِرْجاعه




وسلامتكم


قلمي/ جنون شاعر