http://tbn1.google.com/images?q=tbn:...s/cartoon5.gif




















شفتوا الفراغ اللي فوق ... تخيلوه مقدمه خخخخخخخخخخخخخخخخ



الوصفات اللي حبيت اقدمها لكم اليوم .... محفوظه عندي بالديسكتوب و مسويه زحمه

فقررت احطها دفعه وحده :)




دجــــــاج بالمشـــــروم


http://www.upload.al-wed.com/uploade...1232534770.jpg


ادري الصوره باااااااايخه بس العبره بالنتيجه

والله ياعليها ريحه تجنن <<< ليت الريحه تتصور خخخخخخخخخخخخخخخخخخخخخخخ

التتبيله : نص بصله مبشوره + ملعقة بهار مشكل + نص ملعقة صغيره كمون + ملح و فلفل اسود + ملعقة اكل طحين +

ملعقتين اكل خل ( يفضل خل البلسمك ) + نص كوب زيت زيتون + ربع كوب صويا صوص + 3 فصوص ثوم مدقوقه +

شوي زنجبيل اما طازج او بودره <<< استخدمت بودره

( نتأكد من الطعم لحد مانوصل الدرجه اللي ترضينا )

في طاسه نكون حاطين الدجاج و الخضار و نصب التتبيله عليهم و اقل شي نخليها ساعتين

نقصدر الصينيه و ندخلها فرن حار ( 350 ) لحد ماتستوي و بالأخير نخليها بس تتحمر


**********


بـــــروستد الدجـــــــاج مع الثــــــــــــــــــوم


http://www.upload.al-wed.com/uploade...1232534770.jpg

>>> مايصير بروستد من غير رفيق الدرب الثوم :)

نحتاج الى : دجاجه مسلوقه بماي <<< قولي قسم و اكيد هيل

نخليها تبرد ... و بهالوقت نجهز التتبيله ( عصير ليمونه + ملح و فلفل اسود + بابريكا + شطه + بهار مشكل + كمون +

ثوم مدقوق + زيت زيتون + خل + كزبره ناشفه )

ماقلت مقادير معينه لأني افضل اخلطهم و اضبط الطعم على كيفي

لما تتبلون البروستد و صلوا التتبيله للحم نفسه مو بس الجلد و بيطلع رهييييييييب و طري <<< اهم حركه تسوونها

نخليها اقل شي ساعتين و كل مازادت المده طبعا كان الذ

نحطها في بيض و بعدين بقسماط مخلوط معاه شوي نشا و بيكنج بودر و نرجعه الثلاجه اقل شي نص ساعه

على شان تتماسك خلطة الوجه ... و نقليها و نقدمها على طول

http://www.upload.al-wed.com/uploade...1232534770.jpg

الثــــوم .... جربت طرق كثيره و قد حطيت طريقه بس احسها مشوار

و الصراحه هذي الذ و اسهل و اسرع ... و هي عباره عن :

3 ملاعق اكل نشا ... نذوبها في ثلاث ارباع كاس مويه و نخلطها على النار لحد ماتثقل و نخليها تبرد

نحطها في الخلاط مع 5 فصوص ثوم + 4 ملاعق اكل زيت زيتون + عصرة ليمون + ملح

و نخلطهم لحد ماينفش المزيج و نحطه بالثلاجه .... يفضل نسويه قبل التقديم بساعه اقل شي


**********


لحــــــــم بالبازيــــــــلا


http://www.upload.al-wed.com/uploade...1232536186.jpg


حالي كحال اي شخص طبيعي ... اكره البازيلا و دايم انقشها و اشيلها من الصحن

بس طلعت مع هالأكله غــــــــــــــــــــــــــــــير ...

بنحتاج الى كميه من اللحم ( استخدمت لحم بقر ) نقطعه شرايح و نتبله في ملح و فلفل و خل و زيت زيتون و ليمون

في طاوه ... نكرمل بصله مقطعه الى شرائح و نضيف لها 4 فصوص ثوم مهروسه و اللحم و مكعب ماجي و شوي كمون و كزبره

ناشفه و نحركه على نار هاديه

قبل مايخلص بشوي نضيف له جزره مبشوره و بازيلا و حبة بصل مقطعه الى شرايح

و اهم شي ملعقتين صويا صوص و 3 ملاعق ورشستر صوص <<< سر الطعم

نغطي عليه مع التحريك كل شوي .... و يقدم


**********


دجـــــاج على الطريقه الصيـــــنيه


http://www.upload.al-wed.com/uploade...1232536186.jpg


خوووووووووووورافيه ... لا تفوتكم :)


صدور دجاج مقطعه الى مكعبات و نتبلها في ( ملح و فلفل و زيت زيتون و خل و صويا صوص )

و نحطها في بيض و طحين و نقليها ... و نتركها على جنب

في طاسه نخلط ( 2_3 ملاعق نشاء الذرة _ ملعقه كبيرة كاتشب _ ملعقه كبيرة صلصة الصويا _ 2ماجي مذوبه في

نص كأس ماء_2 كأس ماء) هالمقادير التزمت فيها بالبدايه و بعدين ضبطت الطعم على كيفي

و استخدمت الصويا الحلوه و العاديه و ملعقتين خل..

نحطها على النار و نخلط لحد ماتثقل ... و نجنبها

في طاوه ... نقطع بصلتين الى مكعبات و نشوحها شوي و نضيف جزر و بروكلي و زهره و فطر و فلفل بارد و حار

و فاصوليا و ثوم و بصل اخضر ... نخليهم يذبلون شوي بس و نحط عليها الدجاج و نقلبهم سوى و نضيف الصوص

و ايضا نقلبهم ... و نتركهم مع بعض تقريبا من 10 الى 15 دقيقه و تقدم سااااااخنه ...


**********


اخــــيرا ..... حلو بؤكو مع خلية النحل

http://www.upload.al-wed.com/uploade...1232536186.jpg

العجينه اللي انا استخدمتها ... عباره عن : ملعقتين جبن سايل + كاس حليب + 3 بيضات و نص ملعقه صغيره فانيلا +

3 كاسات طحين + ظرف خميره + نص كاسة زيت

نعجنها و نتركها تتخمر .... و نحشيها بجبن كيري او مثلثات و نرصها بصينيه مدهونه بشوي زيت

ندخلها فرن حار ( 350 ) لحد ماتنفش و تتحمر ( ماتطول غالبا تاخذ ربع ساعه ) نطلعها و نسقيها

على طوووووووول بالشيره او العسل و نقصدرها بسرعه و نتركها شوي على شان تلين

و تقدم بالعــــــافيه...



تحـــــياتي,,,,,