طفولة الأعضاء..!!
 

أسعد الله أوقات الجميع



إنّ مرحلة الطفولة هي أجمل مرحلة يمرّ بها الإنسان في سنوات عمره

وتظل محفورة في الذاكرة

مواقف شقيّة ، ومضحكه ، وأخرى تعبّر عن براءة

ولكن يستحيل إعادتها لأنها في وقتها " أجمل "

فما هي أجمل مواقف طفوليه مرّ بها الأعضاء ؟؟!!

في انتظار مواقفكم

هلا وغلاا كريزي طيب ليش ماتكتب انت با الاول؟؟

مشكور اخوي (كريزي) على الموضوع ،،

والله المواقف كثيره خصوصا في في وقت الطفوله فينا شقاوه كثيره ـــــ

بس اتذكر ايام طفولتي كنت ابيع في الزواجات عند الحريم ـــــ والله فله كنت اضحك على البنات


اشتري كيس فش فاش بـ 10 ريال وابيعه بــ 38 ريال ـــ كنت نصاب عليهم .


كنت اعتبرها مرجله واكل عيش وبصراحه كل مااتذكر المواقف اللى صارت لى اموت من

الضحك .

اتذكره وحده تجي شباصتها اكبر من راسها صغيره في السن يمكن 7 سنوات وتقول ابغى

شوكلاته اقول هاتي فلوسك اهيه >>>>>>>>>>>>>>>

مسكينه اعطتني 10 ريال واعطيتها علبة شوكلاته بنصف ريال . واخذتها وراحت ــ

ههههههههههههههههههههههههههههههههههههههههههههه هه

والله ويجون اخواتها كبيرات انا وقتها كان عمر 10 الى 12 سنوات واخواتها يمكن 22 او

25 سنه ويقول هذي البنت اعطتك 10 ريال وين الباقي قلت انا مااعرفها اول مره اشوفها

<<< والله جحتهم ونصب عيني عينك ،،،، عاد هم صدقوني وراح يقولون للبنت انتي غبيه

والله مانعطيك المره الثانيه شي ،، وهي تقول لا انا اعطيت هذا تقصدني ــهههههههههه

الله يسعدهم

والله يغفر ذنبي مع اني ماكنت مكلف لان عمري وقتها 10 سنوات

هذا وقف ماانسها في طفولتي

وتحياتي لكمــــــــــــــــــ

http://www.chirotips.com/images/baby_laugh.jpg

ماجد التركي


و



الزرد



تامرون أمر بس خلوني


أذكر شي



تحياتي

مجموعة أنسان



هههههههههههه


الله يعطيك العافية


كان ودي أعرفك يوم كنت صغير


شكلك وسيع صدر




تحياتي

هههههههههههههه مجموعة انسان وربي روووعة بس كنت مفتري :wed a2:



اذكر موقف ليه أنا وأخواتي اللي أصغر مني كنا نروح التحفيظ في العصر في الحي اللي كنا ساكنين فيه وكان الوالد الله يرحمه ويغفر له جنانه وغضبه الحقيقي إنك تقصرين في دراسة سواء أساسية اللي هي الصباحية أو فرعية اللي هي المسائية ((تحفيظ القران ))

المهم كنت ذاك الوقت أناوأخواتي اللي أصغرمني نروح التحفيظ بعد صلاة العصر مباشرة وذاك اليوم طلعت في روسنا نشوف المغامرة قبل مانروح وجلسنا ثلاثتنا نتفرجها طبعا بعد ماخلصت روحنا التحفيظ حصلنا الباب مسكر ومعناه أرجعي بيتك مافي دخول والله رجعنا في الطريق قابلتني وحدة من زميلاتي وجلست اتكلم معها وأخواتي كملوا رجوعهم للبيت بعد ما خلصت دق حنك معها واشترينا ايسكريم من البقالة كان وقت خروج البنات من التحفيظ المهم رجعت للبيت حصلت الوالد معطي أخواتي علقة ساخنة ومنتظرني لأن أخواتي قالوا له حتى أنا ما رحت وهو ماهو مصدق لأني ما كنت معهم شافني داخلة والمصحف بيدي باسني على راسي ومد يده لجيبه وطلع ليه 10 ريال http://www.makkawi.com/forum/images/smilies/a22.gif
بيني وبينكم مافتحت فمي بكلمة http://www.makkawi.com/forum/images/smilies/a26.gifوهم يبكون ويقولون والله كانت معنا لأني لو تكلمت راح يكون بدل العشرة علقة ساخنة أقوى من علقتهم لأني أكبر منهم :Redface:



أسيرة الود

مجموعه انسان واسيرة الود ههههههههههههههههههههههههههه والله انكم تحفه ..

انا عندي موقفين كل ما تذكرتهم اضحك على نفسي ... بحكم اني البنت الوحيده كنت دائمة التأمل والتفكر ومتابعة التلفزيون ..
أول موقف : تعرفون القناة الاولى زمااااااان والاخبار حقتهم الساعه تسع كذا .. تعرفون فقرة الأحوال الجويه ..اللي للحين يقدم فيها اللي نسيت اسمه ( والله اني خاينه كان الوحيد اللي يسليني ) المهم هذي الاحوال الجويه يوم عمري سبع سنوات كنت اتباعه وكان يقول بنهاية الاخبار (نشكر لكم حسن اصغائكم ) انا اسمعها كذا وافهما كذا (نشكر لكم حسن صغاركم ) ومستااااانسه يشكرنا حنا الصغار ..... وداااااااايم مسنتره عنده<<< وفيه جدا الرجال يشكرنا ..لازم اتجمل عنده
الموقف الثاني :
سنه اولى ابتدائي درسنا كيفية الصلاه والاركان الخمسه للاسلام المهم انا التزمت وقتها وكنا نروح لبنات اخوالي وهن اكبر مني بسنتين وماكانوا يصلون وكنت اسوي فيها وانصحهم ... عاد اسمعهم يقولون : يا الله يعني الحين اول شي لازم نقول الشهادتين وبعدين نتوضا ونصلي ..وبدوا يسردون اركان الاسلام ؟؟...
وانا صفقت جبهتي وقلت الله ياخذني اصلي الصلوات هذي كلها ولا قلت الشهادتين وهي اول ركن يعني صلواتي كلها ما انقبلت .. والين قريب كل ما جيت اصلي قلت الشهادتين ...

وبس ..تحياتي

أسيرة الود


الله يعطيك 1000 عافية



والله انك تحفة تجنن



أشكرك على المرور وردك



تحياتي

حوراء




الله يرجك انسيت التشهد



يعطيك العافية




تحياتي