|
سياحه داخليه او سياحه خارجيه
السلام عليكم ورحمة الله وبركاته
كلها أيام وتبداء الاجازه الصيفيه للطلاب والمعلمين وبعض الموظفين واحيانا يحتار الشخص وين يروح بهالاجازه بالتاكيد خصوصا اذا تعامدت اشعة الشمس في كبد السماء وطلع العرق مع العيون . ومع وفرة المادة ووجود المرافقين بالسفر تحلا الاجازه بالتاكيد والي مايحصل احد يسافر معه يقضب ارضه احسن له. العقل محتار شوي هل اشجع السياحه الداخليه ببلدي او اشوف العالم الخارجي واشوف اللي ماشفته بحياتي الا بالصور والتلفزيون؟؟؟ ولكن بقولكم قصتي مع السياحه الداخليه والحكم لكم؟ سافرت قبل اسبوع من بدء الموسم الصيفي الى رحله بسيطه انطلقت من الرياض الى( الطائف ومكه وجده) ولمدة اسبوع فأخذت انطباع كامل وحبيت اوصل لكم وجهة نظري مع الاعتذار لكم على طول الرحله اقصد طول القصه..... ... حزمت الامتعه وتوكلت على الله وذهبت بالسياره انا وزوجتي وطفلتي بقصد التمشي واخذ العمره ... في منتصف الطريق حبيت اريح شوي في احد المحطات بعد مااستأجرت ساعه من احد الشقق المفروشه بالنمل الاليف والاتربه المنعشه وكان سعر الساعه ب 15 ريال . .. وصلت للطائف وعلى طول طلعت للشفا واستأجرت شاليه وكان سعر الشاليه ب 150 ريال بصراحه سعر مناسب اخذت نفس وانا مبسوط شافني حارس الشاليه قال بابا لاتفرح ترى سعره بيزيد بعد اسبوع بيكون ب 750 ريال عطست بوجهه بصراحه ليش الاستغلال هذا الجو حلو كانت درجه الحراره 20 والسماء غيوم ومطر ولكن مع شجع التجار صار براسي غيوم سوداء الى هذه الدرجه الاستغلال ...جلست يومين وبعدها قلت اروح لمكه المكرمه واخذ عمرتي وصلت لمكه وجلست اطوف بالسياره على المسجد الحرام ... ساعه ادور موقف لسيارتي المسكينه ماحصلت حتى موقف سيكل؟؟ قلت ياولد مايعزك الا قرشك رحت للي يأجرون مواقف السياره ؟ كم الساعه يالاخو؟ قال 15 ريال يالله وش سالفه هالخمسطعش؟ يعني بتطلع باليوم 360 ريال ايش الاستغلال هذا ووين وزارة النوم والتجاره عنهم؟ قلت الله يخارجنا بس المهم خلصت العمره واتجهت الى جده غير وكان فيه استنفار بالكامل جميع الفنادق والشقق المفروشه مشغلين اغنيه ( طاير من الفرحه طاير عيني على جيب سايح)) وجع وش السالفه ياالاستقبال قال اخونا يالغالي نغير التسعيره القديمه قلت طيب وانا على اي تسعيره قال انت بالقديمه ويوم الاربعاء 5-6 الجديده بكم طيب؟ قال ب200 ريال لك قلت والتسعيره الجديده قال ب500 ريال قلت عندك منديل قال ايوه بس بريالين قلت اجل خذ اتسوووووووو وعطست عليه... المهم وفي المرسى شوف العجب العجاب لعب على الذقون ووعيني عينك ياسايح استنفار بالكامل عشان السياحه الداخليه السؤال وين وزارة التجاره عنهم؟ اللي اعرفه ان فيه تحديد نسبه في رفع الايجارات في المواسم والاعياد ب 40 بالميه مو الف بالميه؟ الغرفه التجاريه نايمه .... لكن مالنا الا السياحه الخارجيه الغير عربيه يمكن تكون احسن ؟ |
موضوع رائع اخي وفي محله
يعني الي بيخسر في الخارج راح يخسر في بلده بس مضاعف وعلى شي فاضي مو مثل برا طبيعه وراحه انا عنيت نفسك وجربت السفر الخارجي الخارجي احسن بكثيرر هاذا راي وشكرا لك لا تحرمنا من جديدك |
هلا وغلا مدمر نفسه,, مشكلة كبيره يواجهها الناس في السياحة الداخلية وما ذكرته ماهو الا القليل من المشاكل الكبيرة التي اجبرت الناس على السياحة الخارجية,, لأول مرة اسمع ان وزارة التجارة حددت النسبة ولا اعتقد ذلك والا اين هم منهم واين المسئولين عن ارتفاع العقارات ايضا رغم ان هذا ليس موضوعنا,, قصتك بصراحة تخوف الكثير ممن هم سيذهبون للمنطقة الغربية بالتحديد,, |
(تذكرني ونور الهدى) شكرا من اعماق قلبي لمروركم على المشاركه البيسيطه...
نعم وزارة التجارة حددت نسبه للارتفاع الشقق والفنادق بنسبه 40 بالميه وفق شروط معينه حتى التسعيره للشقق والفنادق وزارة التجاره اطلاع كامل ولكن تم توكيل امانات البلديات للمدن لمتابعه تلك الشقق والفنادق والظاهر نامت هالامانات واحنا المتضررين.... |
شكرا ونتمنى منك الجديد..!!
|
،؛، ،؛، |
صحيح كلامك وواقعي ! رووبـــــي |
| الساعة الآن 10:09 AM. |