|
ابسألك ياذيب عن طير شلوى...الاهداء متبادل ياراعي العليا
اخواني هذا تسأل عن قايد خَلد اسمه في التاريخ بحروف ٍ من ذهب فاستحق بان يبقى خالدا في قلوبنا مدى الدهر وهذه المساجله توضح جزءاً بسيط من مزايا هذا القايد فيا ترى من هو الاجابه تتضح من خلال هذه المساجله بيني وبين اخي راعي العليا شاعـــــــــــــــــــــــــــــــــــــــــــــر الـــــــــــــــــــــــــــــــــــــــــــــــد رر أبسألك ياذيب عـن طيـر شلـوى=اللي ارتقى للمجد من عين نيشـان ضرغام لا دارت رحى الوقت يهوى=يوقد من اطرافه على الخصم نيران ياكم حمل روحه على الكف فـدوى=وارخص حياته في حمى عز الاوطان ولامن نذير الحرب بالصـوت دوَى=جال بسما ربـي يسابـق كحيـلان اذا نصيته في مهمه وشكـوى=شارك بهمَك ود ما هو بشمتـان في ساعة الوقفات من جاه يروى=مورد نهر يجري بساحات بستان عز الله إنه مفخرة من تعـزوى=وعز الله إنه طود في شكل انسان ياكم بفنجال المراجـل تقهـوى=حتى اصبحت يمناه للخير ميـدان قايد على حصن المعالـي تعلـوى=حتى احكم القبضة على كل الاركان بقى بصفحة مجد مايـوم تطـوى=له في السما تاريخ مُثبت ببرهـان ما قال هذا صعب من غير جدوى=وإلا تعذر قال مـدري وحيـران من همته اصبح من الصعب اقوى=والكايدة تعلن بمقدمـه خسـران هو عزوة المحتاج لامن تشروى=وهو للاخوة قلب نابض لشريان يسري بدمه ود من به تهقـوى=يرضيه لو كان المنى غالي اثمان يشق دربه وضح ماهو تهِلوى=وينير عتمة جهل من قاع بركان قول وفعل واقدام بالحيل سوَى=من قصته ابداع في ايدين فنان هذي وصايف من له القلب مثوى=وفيه الوفا لو جا بها أي نقصـان وتبقى القصايد رمز والطيب فحوى=ومهمـا كتبنـا ماتوفَيـه قيفـان واظن بعد الحيـن مافيـه مغـوى=واللي نلمح له من القاف قد بـان وماهو بحاجة شرح او زود فتوى=لان المعرَف دوم يبقى بالاذهـان راعـــــــــــــــــــــــــــــــــــــــــــــــ ـــــي العــــــــــــــــــــــــــــــــــــــليا هـذااك حـر(ن) يالسنافـي وبلـوى=مفراص ماص لهامة المجد عنـوان ما هاب لو جت له مثل خيـل علـوى=يزود بأسه لا قسـى الوقـت مـا لان لأعداه ما يوم(ن) يجـي وي تحلـوى=ان اشهد أنه يافتـى الجـود سلطـان من عانده يشرب كدر عقـب سلـوى=يمسي ويصبح كل الأوقـات ذهبـان ارشاه ما عمره قصـر دون دلـوى=من جمْ عذبه يرتـوي كـل عطشـان رام الفخر وإلاّ الردى قـال : يلـوى=مالـه علـى مثلـه مداخـل وبيبـان ما احتاج من يضرب معه درب خلوى=ماكـن قلبـه غيـر بالـود صـوّان الخوف ماله وسط الأضـلاع ملـوى=ترفع له البيضا على مر الأزمان من لا يجي بالطيب يصـلاه صلـوى=حتى تساوى الحمل والذيب سرحـان من البحر الأحمر غرب ؛ لحدود سلوى=ومن الحديثه يـا شـروره لنجـران ما صابته مـن قلـة العـزم عـدوى=اليا نخيتـه شفـت فعلـه بالأعيـان ساق الخطاوي دايم الـدوم سـدْوى=الوجه واحد ما انقلب نـوب وجهـان ما هو بمحدود(ن) على الفعل حـدوى=لا شـك قلبـه للطويـلات شفـقـان هدير سيله ، له علـى الارض نفـوى=من يعترض له يا ابيض الوجه غرقان عقّب حرار(ن) ما تخالف حذوى=الكل منهم غيث وابله هتّان يضفي على كل الآطاريـف ضفـوى=تخضر اسهوله مع صحاري وقيعـان عبدالعزيز الصيرمي طير شلوى=اللي شلع للعز من دون جنحان ما له مثيل(ن) بين حضر(ن) وبـدوى=ذكره على لسن المـلا ذرب الأيمـان ما رافقه في سيرته خطو فلـوى=راع النقيلـي بـارد الوجـه كوبـان الظالـم اللـي للعـرب كـم تبلـوى=لا شاف جمعتهم نفـث سـم ثعبان |
لاهنت ع روعة القصيده والاهداء المتبادل بينكم ..
دائم مميزين .. مودتي |
اقتباس:
لا هنت .. ياصاحبي .. لا هنــت =الحـر مثلك سما ؛ عالــي لا غاب نجم .. بسمايه بنــت=أمشـي بك الدرب ما طالــي المدح يزهاك ... ياهيجنــت=سلـمت ياطيّــب الفالــي لو لان صم .. الصفا ما لنــت=محــزمي كان الدهـر مالــي على النقى واضحٍ ما اذعنــت=موجك لطم ذروة الجالــي آمنت انا بالولي وأيقنــت=ما اوفيك .. لو طال موالــي ‘‘ ‘‘ ودّي ، |
اقتباس:
شكرا لك اختي فزولها وها نحن ذا نفز لك احتراما وتقديرا لشخصك الكريم دمت لنا بووووووود |
اقتباس:
لك البقـا يارفيـق(ن) صنـت=عهـد الـوفـا قــول وافعـالـي كلي شرف صاحبي فيك انت=ياللـي لسانـك شـهـد حـالـي همس القوافـي لهـا اذعنـت=مــادام مـثـلـك لـهــا والـــي هـذا انـا قلـت لـك واعلـنـت=وما زلت اكـرر علـى التالـي انا اشهد انـك معـي عربنـت=فــي كــل مــا يمتـنـي بـالـي ولوماك ياعزوتي ما اتقنـت=ولا رقـــى فـــوق مـنـوالـي ومهمـا بوصفـك انـا دونـت=اعجز عن الوصف باقوالـي واقبـل تحيـه كمـا مــا كـنـت=تنصاك....مُفـرد واجمالـي |
لا زال الثنائي المبدع شاعر الدرر وراعي العليا يبهران المنتدى كافه بهذه القصائد الرائعه والابيات المتقنه والجميله فلهما جزيل الشكر على هذه المشاركات الممتعه وعلى هذا الطرح الجذاب فلكم منا وافر التقدير والاحترام دمتم بود مع تحيات [blink]((<<ابو رداد>>))[/blink]
|
صح لسانك شاعر الدرر ولسان راعي العليا مشكورين ويعطيكم العافيه |
انا اشهد انك شاعر الدرر
صح لسانك وعساك ع القوه |
شااااااااااااعر الدرر
وشاااااااااعر العليا لكم خالص اعجابي وبما انني جديد في المنتدى اتمنى ان اضع لي بصمه في منتداكم الرائع باذن الله تحياتي للجميع |
اقتباس:
شكرا لك اخي ابو رداد والابداع الذي نراه هو تواجد امثالكم العذب في متصفحنا في بداية مشواره تقبل تحياتي وتقديري دمت بوووووووووووووووود |
| الساعة الآن 07:27 PM. |