|
عريس نسي عروسته بالمحطه!!
هذا واحد توه معرس وخلصت الزفه والامور اللي في القصر.. اخينا في الله شغل ( يعني اخذ ) حرمته وركبوا في السياره .. ودعس للقصيم يعني اهل العروسه في الرياض وهو ساكن بالقصيم والبنيه تستحي ومبرطمه طول الطريق .. والرجال ماغير يسولف ويهذر والبنيه سااااكته .. مااااا حولك احد الرجال يأس من البنت انها تتكلم .. وقال يا ولد ما وراها هذرره اشغل المسجل وامسك الخط عاد هي طمرت على المرتبه الي ورا عشان تنسدح عشان يخف عليها الوجع .. الين يوصلون محطه المهم الرجال ما وعى الا هذيك محطه ويصفط عندها وينزل عند البقاله وياخذ له كيس فصفص وكم ببسي حق الطريق هو كان وده يخذ له شريط لمحمد السليم عشان يسليه في الطريق بس خبركم توه معرس وبايخه مشغل محمد السليم الناس تشغل عبد الحليم ولا ام كلثوم خذلك البنت على نزلت زوجها الا نزلت لدورات المياه حقت الحريم الي عند المسجد الي جنب البقاله قالت يابنت بيمديني اطمر واخلص وارجع قبل لا يرجع هو من البقاله المهم المسكينه راحت واخذت وقتها اخينا في هالوقت قد رجع للسياره وعلى باله مرته في المرتبه الي ورا وخبركم عبايه سودا واخر الليل ما انتبه انها مهيب في السيارة وهوشغل ودعسسسس البنيه المسيكينه طلعت وتناظر يا بنت وين السياره ... وتتلفت ما تشوف غير الهنود حق المحطه وابو يمن حق البقاله عاد تخيلو الصدمه يوم عرفت ان زوجها دق سلف ومشى والبنت المسكينه حتى في نفسها مهيب راضيه تصدق انه مشى .. جالسه تتأمل انه يمكن راح منا ولا منا وبيرجع شوي ما وعت الا ذ1ك الجمس اللي مقبل يوم وقفوا عند البقاله الي جنبها وتقز الحريم اللي في الجمس ... قالت زين عائله وتروح وترمي روحها على الحرمه الي قدام .. وهي ام العيله وتقول لها خالتي انا داخله على الله ثم علييك .. وهذي قصتي والعجوز مسكت راسها وقالت .. يابنيتي انتي تعرفين سيارت زوجك .. قالت ايه اعرفها قالت قومي اطمري نلحق على زوجك ويعبون بنزين ويدعسون وراه نعود الآن لصاحب الفصفص اخينا في الله مريح وماشي .. بعد ما لقوه في الخط على بعد نص ساعة عاد تخيل حبيب القارئ انك على طريق القصيم و فجأة وراك جمس يكبس بالنور بشكل مخيف يبيك توقف وش رده فعلك اكيد الرجال دعسسسس قال ياولد هذولا مهابيل بيضروني ومعي عروستي .. ويااافشيلة اذا انطقينا والجمس وراه داعس يحاول معه انه يوقف .. المهم الذهين اللي يسوق الجمس عرف وش يسوي .. فقام يولع نورا لجمس اللي في الداخل عشان العريس يشوف ان اللي في الجمس عائله وأخيراااااا انتبه و يوقف ... قال وش عنده ذا ونزل وهو معصب عاد من اللي متوهق في هالموقف .. اكيد هو راعي الجمس يقول في نفسه وشلون اقوله ان مرته معنا يبي يجيبها بأسلوب تدريجي عشان العريس ما ينصدم .. خبركم مثل هالموقف وش بيقولون عنك اهل العروسه ... اخذت بنتنا وضيعتها ولله ان تلزق فيك السالفه طول عمرك و العالم يتمشووون ولا عندهم سالفة غيرك .. تصير علك دائم الحلى .. ولا تصف يم علك ابو سهم .. يتشمتون فيك المهم راعي الجمس سلم وقال له اخوي ما كأنك مضيع لك شي قال له العريس ... لا ولله ما ضيعت شي قال له تأكد قال العريس ... وشلون قال راعي الجمس .. رح طل في سيارتك شف في شي ناقص لك العريس قام يوسوس حتى المشكله مرته ما جت على باله المهم راح ودخل خشته داخل السيارة وقال يا مره في شي طاح مننا وحنى في المحطه محد رد عليه ويوم لون وجهه بدا يميل للكرت الاحمر.. ووووووووين راحت المره ورجع لراعي الجمس وقال هات السالفه 00 قال يا ولد مرتك لقيناها عند المحطه انا واهلي 00 عاد العريس كل انواع النفاضات نزلت عليه تلعثم ولا قدر يتكلم المهم راعي الجمس راح وقال للعروسه يلااا طسي عند زوجك شوفيه متصرمع عليك المهم العروسه ركبت مع زوجها في السياره وانطلق لسانها اللي كان مربوط وقامت تتعذر له . وتقول لا تزعل مني.. هههههه يا شين التميلح .. توها تتميلح .. عاد انقلب الوضع صار العريس هو اللي مبرطم طول الطريق والعروسه الي قاعده تبربر ما بقى الا انها هي اللي تسوووق.. ههههههههههههههههههههههههه م ن ق و ل |
هههههههههههههههههههه
ياحليله العريس ناسي زوجته بالمحطه بليلة زواجها خخخخخخخخخخخخخخخخخخخخخخخ هذي بدااااية موفقه في حيااتها تسلميين ياليووول على طرحك الرااائع لاهنتي يالغلا تقبلي خااالص تحيااتي |
ههههههههههههههههههههههههههههه
الله يرج العدو والله استمتعت بالقصه ياليالي ههههههههههههههههههههههه هي مبرطمه وبعد المحطه انطلق لسانها ههههههههههههههههههه ليالي تلقين العريس بعد ما جا من المحطه وجاب معاه الشريط الزين < امحق مبسووط ورافع فيه يقول الحين المره تقول ذووق مادرى انها في الجمس خخخخخخخخخخخخخخخخخخخخخخخخخخخـ الله يعطيك العافيه ودي وتقديري |
ههههههههههههههههههههههههههههههههه هذا ناسي عمره هههه زين ما نسى عمره بصراحه شي عجيب حرام عليه زين لقت البنيه هذى العايله الله ما يقصر كع كع كع كع كع ههههههههههههههههههههههه يعني علشان ما يقول مبرطمه لا واي ضحكت من قلب يسلـــــــــــــــــــــــــــــــــــــمووووووووو ووووووووووووووووا |
هههههههههههههههه
ياحلوووه يوم مانسي عمره بعد الله يعطس العافيه اختي |
ههههههههههههههههههههههههههههههه ،،
الله يرجك بس ،،، وبعدين هذا شكله دلـــخ وآهبل >>خخخخخخ ولااحد ينسى زوجته بالمحطه ،، ههههههههههههههههههههه تحيآآآتي لكـ،، |
ههههههههههههههههههههههه
والله قصه حلووووووووه يعطيكٍِ الف الف عفيه على القصه |
هذا شكلله دلخ ولافيه احد ينسااحل مايمللك والله خساااااااااراه عليه المراه هههههههههههههههه
|
الا والله من الدلاخه اللي براســه والله انه فاغر على قولتك ..ههههههههههه احد ينسى زوجته المفروض المفهي هذا يتأكد قبل مايمشي والله بعض الرجال مايعتمد عليه .. الحمدالله انه لقاها هالغبي ههههههههه تحياتي وودي
|
باقي بزر ما تعود على المسئوليه
|
| الساعة الآن 06:46 PM. |