|
فرقاك عيد
صكيت بيبان الغلا وإرتحت من دقات باب ناس(ن) تصك الباب دون اللي تشرّع بابها ياما عطيت ولا كتبت ولا حسبت الها حساب ولا حسبت حساب وقت(ن) لا خذا ماجابها القصد إني عاشق(ن) مريت من فوق السحاب واكتب قصايد تنقري في صفحة(ن) بكتابها وإن كان ما خط القلم صكيت صفحات الكتاب ولا قريت ولا كتبت ولا قربت أعتابها ماني من اللي لاعشق عشقه يجي هم وعذاب نفسي قويّه وإن ضعف قلبي ترى يقوى بها احب لا شفت الحياه أصل ولا اطرد سراب اعرف دروبي فالحياه وطرقتي ادرى بها مادام غبت فلا يهم ولو يطول إبك الغياب بقضي حياتي دام نفسي تلتهي باحبابها من يوم حل الشيب مافكرت فغياب الشباب سنين عمري روّحت ما ضقت انا بغيابها |
الحمدلله عيشتي خير وسعاده والحمدلله مارجيت اليوم حي والحمد للمعبود ماينسى عباده عايش(ن) دنياي انا ماحتجت شي والصاحب اللي زوِّد الصد وعناده لو درى في نيتي مازاد غي ابطى وهو مانال من نفسي مراده ماطلبته حل انا الحل بيدي |
ياسعود علّم راعي الخصر النحيل لاراح ماني فاقده ومدوره وإن رحت قلّه شايب وطبعه ثقيل هموم وقته ماهي اللي تعوره صابر ولو طال الزمن ماهو يميل إن تاقد النيران منت مفوره ماهمه الفرقا ولا شاقه خليل آظن لامن سج ما يتصوره |
الشي ياللي ياجع القلب الوفي نكران وقفات ألوفا ورجالها مرمي على الظاهر وبأشر للخفي واقصد رجال(ن) من ورى جهّالها |
فرقاك عيد وعادت الدنيا بخير وارتحت من همّي وشفت العافيه أثر الحياه بدون خل و ولف غير أنوار ضوّت عقب كانت طافيه أحس إني طاير(ن) فالجو طير حقوق عمري عوّدت لي وافيه وارتاح بالي من تهاويل(ن) كثير أجواء في ظل وبراد وصافيه ياهاجر العذرى وحذرى تستشير ارحل مدام الشمس برضك دافيه وانحاش لو تاصل ليا حد الاخير ارسم حدودك في مساحه كافيه واسرح مع الهاجوس لا ترقب نذير إرتحت من منهو يثير الخافيه عيش الحياه بحب وأشواق وضمير إعشق رضى اللي ماتصد وجافيه معشوقتك نفسك ولا إلها خشير إلها حقوق(ن) مقبله متقافيه |
ياهلا ومسهلا شلونك يانايف
عساك بخير. أتمنى ان تكون باحسن حال يالله يامنتدى الود كم له ذكرى جميله رغم زحمة السوشيال ميديا. مازال له نكهه جميله أتمنى عودته. لإعادة الذكريات فقط صح لسانك يالجزل حسابي في تويتر ان أردت 34fag@ |
فلسفة شاعر ( مشرف الأقسام الأدبية سابقا)
سجلت بحساب شبيه للسابق لأجل اطلع على هذا المنتدى. الحساب الاول نسيت كلمة المرور |
اقتباس:
وياهلا وغلا أسعدني مرورك يالغالي نعم صحيح منتدى الود له ذكريات لاتنسى والجميل جداً من القائمين عليه انهم محافظين ومجتهدين في استمرار بقائه وارى ان منتدى الود مهما تعددت وسائل التواصل يظل منتدى الود كمخطوطة رائعة لاتندثر مع الوقت أكرر شكري لمرورك وفيما يخص تويتر والله ليس لدي معرف وعندما أقوم بإنشاء حساب حتما ساتواصل معك وانا متشرف بك وممنون |
بكتب معانيّه على شد الرحال لان الرسايل ينقرا عنوانها والحمدلله حالنا في خير حال محنا مثل من ضيَّعت مسكانها ولاني رجل لاقلت قصّرت المقال ما اطرد ورى الكلمة لجل شيطانها العقل له ميزان اهد إبه الجبال والكلمة آزنها على ميزانها أما ردي الطبع في قيل(ن) وقال وسط العرب داير وفي ميدانها عنّه حكي ينقال هو مضرب مثال مثل البضايع عرض في دكانها |
ياسعود انا يابوك في راسي مَرَايَا اشوف من خلفي واعَرف إنه يدور ماهي حكي وأقول أعد إبها مزايا خبرتي باللي قضى عمره شرور جربته اعوام(ن) مضت فيها كفايا شخص(ن) غيابه يستوي معه الحضور لا قابلك يضحك وهو خبث النوايا ظنّه يغطي الاثر طيب العطور والله لو يلبس من الفُلّه عبايا والله لو يلبس مع الفل الزهور اشم خبثه قد ملى كل الزوايا وافقد أعصابي واثور من الشعور وش حاجتي فاللي يسوقن المنايا طعناتهن فالظهر ماهي فالصدور انحش عن اللي في بدايتهن نهايا والحذر لا ياقفن خلف الظهور |
شهر العسل شهر العسل إسمه على وصفه صحيح عقبه يجيك من العنى والملعنا وإن كان ماهزّك من الأرباح ريح إن شفت نفسك قل هو هذا انا ؟ ايه انت ياللي ماكِتب له يستريح إيه إنت ياللي من فعل كفّه جنا إبشر بهم وغم وإبحيل(ن) يطيح وعمر قبل ولادته راح وفنا |
صح لسانك يا نايف ...
ذكرت ابيات قديمة قلتها على طاري فرقاك عيد .. فرقاك عيد ولو يجي بأول العيد اشوفه بعيني مثل عشرة اعياد لكنها راحت مثل كل شيء .. يعطيك العافية . |
صفحات الكتاب ياهلا براحة ضميري عدت انا والقلب طيّب مرحبا بالخاطر اللي يِسعدِه طول الغياب جيتكم بالصدر خالي لا خليل ولا حبيّب جيتكم في عيد فرحه مكتسي طيب الثياب وإن بغيت العلم صامل حزّة الفرقا قريّب أخذ من السعد حزّة مايجي فيها عذاب حاضر(ن) بالي ولاني للعقل جاهل مغيّب عقب عيد الحج ياصل صاحبي نص الخطاب علمي الصامل حكيته لا مُعاب ولا معيّب كافي(ن) عمر(ن) قضيته يوم كنت من الشباب يوم صرت اليوم شايب والشعَر نصّه مشيّب كافيه لي ذكرياتي نص صفحات الكتاب |
اقتباس:
يامرحبا وياهلا وغلا كيفك الحال يالغالي ادعو الله ان تكون بصحة جيدة صح بدنك نورت وعلى طاري قولك (راحت مثل كل شي ) بقول مايروح الشي باقي دام لك فالجسم روح والطريد اللي مروّح غصب عنّه تلحقه وإن كان فالقصه عنا وإن كان في قلبك جروح الدرب لامنه تغيّر دوّر اول مفرقه |
سن الطفوله بنشدك عن شايب يعيش اليوم في سن الطفوله عايش حياته من جديد وخالي من الذكريات كل شي تغيّر في حياته واختلف كل شي حوله للحيا معنى جديد ومعجبه معنى الحياة لنه يعيش العمر حر وماخذه عرضه وطوله ماهمّه اللي راح راح ولا يهمّه مقبلات ودّه على ماقال يلعب قوله وهذا يقوله والسعاده عقب راحت عوّدت للعود جات |
| !! |نايف الشريف| !! |
مأروع قلمك حين يصول ويجول بين الكلمات تختار الحروف بكل أتقان .. تصيغ لنا من الأبداع سطور تُبهر كل من ينظر إليها .. دمت بخير .. شمس القوايل |
اقتباس:
السلام عليكم ورحمة الله وبركاته كل الشكر والتقدير على تشريفك بالزيارة وأكرر الشكر والتقدير على تثبيت الموضوع لكم خالص الود والتقدير |
سلام ياصمت الفؤاد وراحة الصدر الوسيع سلام يابال(ن) تَهَدَى من كثير الثرثره سلام ياقلب(ن) يعاف وبأسرع أوقاته يبيع يبيع من يقسى عليه ولا يحب الجرجره وسلام يانفس(ن) تعز الطيب وزهور الربيع إتحب من ينظر بحب ولا تحب المَنْظَرَه |
قَص الأثر لاتقصين الأثر ضاعت خطاوينا وراح حب(ن) من الماضي رحل وإنزاح ماحوله أثر اصعب ليالينا مضت من عقب مابان الصباح وليلك الماضي قضى من يوم ماطاح وعثر |
اقتباس:
شهر العسل يبدى ليا فارقت فالدنيا خليل أبعدت عن دنياه ترحل وأكثر ايامك سفر عادي تعيش إبعالمك مفرد ولا تنشد بديل أقبلت للعالم نفر وبتترك العالم نفر |
عتاب طليقه حان الرحيل و ودع القلب خلاّن ابعد وساح إبعالمه في طريقه نسيان ياعمر(ن) مضى فيه نكران كنتي رفيقة درب ثماً طليقه حرّه ولالك قيد فالجيد وحصان وارتحتي من حبر الورق والوثيقه واصبحتي مابين المحبين عنوان قصّة غَدر غدّار يذبح رفيقه |
إن كان في عمري بقيّة والله ورب البيت مافكرت فالحب وهواك وإن بغيت الصدق ودّي امسح الماضي بِديّه بستريح من الهموم ومن عنا العيشه معاك ارتاح في عمري واعيش ان كان في عمري بقيّه كم عطيتك من حياتي لجل انا بكسب رضاك ولا رضيت ولا هديت وكم تجنيتي عليّه غصب عنّي ببتعد عن ارضك وببعد مداك ارتاح في عمري ولوهو باقي(ن) منّه شويّه |
ساحة الود تدرين وشهي حاجتي لساحة الود أكتب كلام وانقشه ما يزاحي وافرّق إمزوحي عن الماقف الجد واعلِمِك وش فرق جدي ومزاحي وقّفت انا مدّي ولا عاد بنمد مدّاتي اللي راحت إلوقت راحي وليا بدالك وقتنا فيه بنشد شدّت جريح(ن)صار للغدر صاحي ياما عطيت ولا وقفت إلكم الضد وياما ضحكت ومبسمك من جراحي واليوم يكفي غدرك وهجرك يسد خلّك بعيد وعيشتك بالضواحي والله مايجمَعك بي ساعي الود ما دمت مرتاح وضميري إستراحي |
الاخوة الكرام السلام عليكم ورحمة الله وبركاته اود في الود ان اقول باني سعيد للغاية بتواجدي معكم بين اخواني ممن شاركتهم قبل أعوام وإخوان اسعد بمشاركتهم الان كنت اكتب مافات من مشاركات من الفكر الى الكيبورد مباشرة دون تنقيح او تعديل فمن المؤكد ان ما اكتبه قد يحدث به خلل ولكن المهم الذي اود قوله هو أن ما اكتبه لإيمثلني شخصياً ولايترجم حياة ولكنه يترجم فكرة عابرة اكتبها فآمل ممن لم تروق له العذر ويمكن لأخوتي ان يعتبروا هذه الصفحة صفحة خرابيش فكرية اشكركم على زيارتكم |
إحساس شاعر يشطب إبدفتر حياه ناسي الماضي وعايف يذكره ماودّه يوضّح عناه ومالقاه إليا تألم يحمد الله يشكره هي هكذا الدنيا هموم وفي عناه احد(ن) حفظ معروف واحد(ن) ينكره محد(ن) يفوز بكل شي(ن) هو يباه ياتيه ماهو قد يحبه او كره |
، ، ، ﷽ ، ، ، *تهنئة خاصة* *السلام عليكم ورحمة الله وبركاته* يسرني ويسعدني أن أتقدم إليكم بأصدق التهاني والتبريكات بمناسبةحلول عيد الاضحى المبارك . سائلاً المولى العلي القدير أن يوفقكم لفعل الصالحات ويجعل أيامكم كلها خير وبر وإحسان وأفراح وأن يعيد علينا وعليكم هذه الإيام المعلومات وعيد الأضحى المبارك أعواماً عديدة وأزمنةً مديدة والجميع في أحسن حال . *وكل عام وأنتم بخير...* |
ياصاحبي لاصرت منت اللي سوي ما انت الذي لاجيتني ضو وصباح رح منت لي في باقي أيامي خوي إسم(ن) ومريته وخليته وراح الوقت له حي(ن) على الدنيا قوي لا زاد حمله فز ماهزّه وطاح إليا مشى فالدرب يطويها طوي وليا سرابه ليل ما دوّر مِراح ذي حالتي ثابت ولاني ملتوي من حد لي سيفه اسن إله الرماح وإن كان بقصرها فلانت اللي خوي رح دامني سامحت ولي منك السماح https://m.youtube.com/watch?v=kcbqrZ0kKH0 https://m.youtube.com/watch?v=kcbqrZ0kKH0 |
راحت ايام المعايد وأثر انا لي عيد غير اوّل اعيادي اشوف الروح من فوق السحاب كنّي انظر في زمان(ن) فيه شر وفيه خير اراقب الدنيا ولين الارض من تحتي ضباب |
نسيتك قسم بالله ماكنك عبرت إفدنيتي لو يوم انا واللي خلقك انساك ماعاد اذكرك مره انا حتى خيالك غاب - غاب ولا عليّه لوم لو شفته فاحلامي صحيت افتك من شرّه |
/فصلت الحد\ فصلت الحد وإرتحت وتريّح من هموم الجفا بسباب غيره مدام الصبح يالمجمول بيّح عرفت الدرب لي فالارض ديره ابرحل إبك ولّا قوم صيّح ترى منهو كره ياخذك غيره كلامٍ قلته ولاني مبيّح عيب إليا ذكرته لك اثيره وانا مافيَّ نقص ولا صحيّح عشان افتح على الموضوع سيره ترى ثلج العقل لامن تِسَيّح مابين الصدق والكذبه شعيره وريح الكره لامنه تفيّح تجيك من الحروب اللي مُغيره يزفونك لشورٍ لك يطيّح فهم وغم وعلومٍ كثيره لفاني علم مقصور وشحيّح وصديت ورميته في ضميره عرفت إن قلبه الناقل مقيّح وعلمه لالفى ماخوذ خيره مدامنّي على دربي مسيّح انا وشلي بعذّال أستشيره كلامي قلته ولاني لحيّح ولَك ينعاد في نفس الوتيره غلاك الليل والاصباح بيّح ويم الدرب حثيت المسيره |
خلاصة قول ابقصر كلمتي من عقب طالت خلاصة قول واعصابي هِديّه ووضّح موقفي من ناس مالت عن دروب ألوفا يم الخطيّه وأعيد من السنين إن كان حالت طواريها عن عقولٍ نسيّه ولي وقفات قد صالت وجالت بوقت الفرح واحزانٍ عصيّه ومن يذكر دموعي يوم سالت على فقد الذي ماهي بحيّه رخيت النفس ومايومٍ تعالت ومديت إبوفا يمنى نديّه ولفيت الوسيعه لين زالت هموم اللي جحد وقفت خويّه وانا معتب عليها يوم شالت عقب قفّيت عن دار إمحميّه اعاتب في خطايا قد توالت من اللي صد بعيون إمغفيّه وله نفسٍ عن الوقفه تغالت وانا اللي ماتغاليت العطيّه نسى مرسوله إل ناسٍ سلالة كريم الطبع ابو نفسٍ زكيّه عَمَرت الدار له من عقب هالت وهد الدار من فوقي عليّه وله وقفه سبب منها استحالت رجوع إنفوسٍ لي ماهي نقيّه تقنّع بالذي شالت وقالت وشيل الحمل وأعصابك قويّه |
اقتباس:
بغيت أعدّل البيت وعصاني حلف ماينثني عن قاف شدّه وقفت وثم رجعت وفي مكاني بنيت القاف من شعري اعدّه اهوجس فالليال وفي زماني وبحر الحب في جزره ومدّه وفي منهو على الغبّه رماني وانا عن كل ما يوذي اردّه انا ياما عطيته من حناني جزاي من ألوفا لي زود صدّه وفي لندن نسى يومه لقاني على كيفه وفيما هو يودّه وفجنيف الوسيعه كيف جاني يطير إمن الفرح ماحي قدّه وفي روما على دربه حداني عطيته درب ماينقاس حدّه وفي برلين لي وقفه ثواني اعدبها الندى من فوق خدّه عطيته كل شي ولا عطاني وداده كثر ماقلبي يودّه وفالصين الغريبه فالمباني وصلت لحد ماشي(ن) يحدّه قطعت بحور انا لجل الاماني عشان إرضاه بجزاني بضدّه عطيت وكل ماعندي ولاني بقاصر لو يبا زود(ن) يسدّه ولكن صدّه وظلمه كواني قطعت الحبل مايقوى يمدّه |
انا وشب الالم زاد إب حشايا احس إطعون من تحت المحاني ولكن من يذود إمن المنايا ليا حلّت بتاصلني مكاني الا يالله ياعالم خفايا تزيل الهم من عبدٍ يعاني صبرت إلين خرتبي قوايا وقل الصّح في حالي براني رجيتك في كثير إمن العطايا وتوبه من خطاي إليا مداني |
رسم صورة عدت للماضي حقيقه من خيال أذكر ايام(ن) تضيق إبها المساحه لو حكيت القول طال إبنا المقال وإنعقد قلبي ومن يطلق سراحه عشرتي وياك هم(ن) في جدال وإن بغيت ارتاح ماعيّنت راحه حِسبت أيامي لياليها طوال تقطع الانفاس مافيها إستراحه بين روح إن رحت رديتي تعال وإن بغيت الصد زوّدتي المناحه وإن بغيت إرضاك مافيها مجال لو بطول البال والا بالسياحه كنت اظنّه حب وأشواق ودلال مير زاد العلم وإلحد الوقاحه ماحسبت إحساب قلبات الرجال وقفة الرجال تفرق عن مزاحه والعقال إن مال يفرق عن عقال عودته لاجاك تفرق عن مراحه مدّت إيمينك لاترجع بك شمال يم وقت(ن) راح ماطابت جراحه |
غض طرفك للزمان إليا تغيّر وإحتري بعد(ن) يجي ويهز ارضك والجبال مزلزله بعد(ن) كما الزهرة وابعد من حدود المشتري بعد(ن) يخلِّي نومك الهاني يعوّد ململه |
شمس القوايل شمس القوايل ثبتت حالي وزاد الحال حال قمت آتوجّع والصدر كنّه على صخر إمحشور اصبر وأشد الحيل وأثر الحيل لاشديت مال إش حالة اللي قد شراله حظ والحظ إمعثور ياشمس انا لي يوم مامريت في دربي ظلال ما شفت للضامي شراب ولا تقرّب له بحور ماهمّني ملح الشراب ولا طلبت اروى زلال أرجي من الدنيا فَرَحْ وارجي من الدنيا سرور |
حالة هستره كلمني اللي دق قال إن فيك (حالة هستره) منته على طبعك وحالك مختلف وش صار فيك قلت العفو -- ودّك تقول إنّي كثير الثرثره ؟ ودّك تجرّب حالي اللي فيّ ومافيني يجيك ودّك تِعَرف إن الهوى والشوق كلّه جرجره وجروح ما تبرى وهم وموت للعاشق وشيك |
النسيان احيان قل الذاكرة نعمه ولا ندريبها ونعيبها ونقول عيبك كثرة النسيان الذاكرة لامن نست من طيبها والّا تصاب عقولنا بجنان |
اخر رسالة اخر رساله على صفحات متحيّر اكتب عشان الغلا (بالود) يقراها قلته وانا عارف(ن) بالحال متغيّر والعين تسهر ليالي النوم ماجاها ياخالقي اشكي عليك الحال واخيّر النفس ضاقت عنا والخل عنّاها والبال لامن ذكر يصيد ويطيّر بعض الطواري غثنا لاشك بنساها والعمر لوهو يطول إنشوفه قصيّر كل(ن) يمر الحياه ثم راح وخلاها بصبر واعيش الفرح وآروح وآسيّر وأسلى بناس(ن) تود الناس وابغاها |
خاب طنّك خاب طنّك والرجا ماعاد فيه محايله ماتنفعك كل الرجاوي والزمن ماهو يعود ياكيف نرجع والعنا كل(ن) في قلبه شايله اسلم طريقه للوصال بطيب هي زود الصدود |
| الساعة الآن 11:54 AM. |