عسى ما تأخرت =)))

السلام عليكم ورحمة الله وبركاته
صباحكم ومسائكم روووعه
اخباركم ان شا الله مو مكثرين أكل :)
ادري تأخرت عليكم :$

قررت اشترك في هالفعاليه بعد يوم ما ادري وش يبي
طبعا هالفطور تسجيل مو مباشر له كم يوم
لان احنا ما نضمن كل يوم فطور في البيت :$
على حسب رضى الماما <3

المهم ذاك اليوم كنا عزوبيات ما عندنا الا اخوي وامي قررت ما تطبخ ^^
عاد كنا انا واختي بس اللي قاعدين ومن بدري لاحظوا ^^
قالت وش رايك اسوي كاساديا لها فتره تبي تسويها :)
قلت انا ودي بشميل قالت : هااااا ومع نظرة استخفاف <<< -_-
قلت سويها واغسل المواعين قالت والله ^^ قلت يس
قالت يالله
بعدها نادتني قالت تعالي بس ذوبي لي اللحم قلت بدينا :|
هي بدت باللحم وخلصت اني قاعده اسوي معها الاكل
وطول الوقت اقول نص المواعين عليك -_-

نبدأ التحضيرات

هنا قاعدين نسلق الدجاج ونقلي البصل والفليفله عشان الكاساديا
وفيه صوره للمكرونه وطبعا شفت السمبوسة لحم جاهزه قلت اقلي كم وحده امي تسويهم قبل رمضان
وتحطهم في الفريزر

وهذا حبيب الئلب فيمتو
طبعا انا وحظي احيانا اسويه خفيف احيانا ثقيييييييل ^^

الباشميل <3
سالفتها سالفه قلت لها سوي صحنين << احبها شسوي ^^
فاحطينا بالقدر كيسين مكرونه وانا اذوب اللحم اشم ريحة حراق
وفي بالي اقول ما اشوف اللحم يحترق قلت يمكن البصله اللي عالقه هي سببها
وطول الوقت متضايقه ^^
قلت لاختي تعالي شيكي على المكرونه وشوي الا تحركها واشوفها متكدره
وفجأه تكلمت وقالت احترقت -_-
قلت وانا اقول وش هالحراق << فطينه بسم الله علي ^^
على طول قلت لها انتي اللي بتغسلينه << مالها امان ^^
طبعا شكل القدر يكدر الخاطر اقطه احسن ^^

هنا العصاير واللبن والتمر وتين ومشمش مجفف
وهذي صوره ثانيه ^^

طبعا وقت الفطور اكره شي عندي لما اخواني يفطرون ويجون يعفسونا في المطبخ
عاد اللي زادها هالمره ابي اصور ومو من كثر الاكل ^^
اخوي خلص من التمر وجا متوجه للمطبخ انا حسيت فيه رحت صكرت عليه الباب قلت مااااااااافيه
انا اختك موش ماما ^^ << زين اني عايشه ومعاكم ^^


يتبع ..

وهنا الفطور

الباشميل صحنين ^^

الكاساديا

وهذي صور لطاولة وليمة الفطور الشهيه ^^

اللي يرد روحي فيمتو <3

وهنا بعد ما خلصنا ^^

طبعا كان فيه مفاجأه حلوه لما بدينا الفطور
طلعت سمبوسة اللحم خضار ^^ امي غلطت بالوصف ^^


يتبع ..

تفضلوا حلوووو طبعا هذا مسوينه قبل بيوم :)
اختي مسويته ^^ ناسيه اسمه بس هو كيك وكريمه وحوله كيت كات
طبعا ناكل الكيت كات ونخلي الكيك ^^

وفي الختام

اتمنى يومي عجبكم وادري فطوري مو قد المقام وكان بودي بسفره حلوه
واشكر مشرفين القسم على هالفعاليه الحلوه
وسامحونا على القصور ^^
وتفضلوا تبخروا :$