منتديات  الـــود

منتديات الـــود (http://vb.al-wed.com/index.php)
-   المكتبة الأدبية (http://vb.al-wed.com/forumdisplay.php?f=65)
-   -   مما راق لي للشاعر المبدع عبدالله الظفيري ,,, (http://vb.al-wed.com/showthread.php?t=304788)

صحن فطآير 09-06-2012 03:30 AM

مما راق لي للشاعر المبدع عبدالله الظفيري ,,,
 
الخياانــه ...

تدري المصيبه يا(محمد) وين لا منّك هويت؟؟
إنك تطيح بيدّ وحده بـ(التحايل) ماهـره !!


وانت بغبائك.. أو.. صفا قلبك.. وسمّـه مابغيت
تِقبل من أقصاااااك لمحبّـتها بـ (نيّـه) طاهره


تخلص من أوّلها وتصدق في كلامك .. مادريت
إن [الخيانـه] صايـره في مجتمعنـا ظااااهـره !!


وتشتاق/ وتحنّ / وتغار/ وتعشق/ .. بمعنى بديت
تقضي معاهـا الليل هيمااااان وعيونك ساهـره


وتمرّك الأيام من عمرك قصايد .. لا رقيت
في حلمك اللي ضمّ لك مقبل سنين ٍ زاهره


وتغيب عنْك .. وتعتذر عنْها .. وإذا ضقت وشكيت
" أتفـه " عذر منها تشوفه في ظروفه قاهـره !!


ورغم الجفا .. رغم التغلّي .. والعناد اللي لقيت
واحساس يطغي بإنّها في حبهـا متظاهـره!


لكنّـك تعيش المحبه في "سذاجه" .. مارضيت
كل مانبض بك عرق شكّ ٍ صاح قلبك ناهـره


وتبقى تمارس طيبتك .. تعطي .. ولاحاجه خذيت!
مالك فـ واقـع عشقها إلا الأمور الظاهـره


وآخر مطافك تكتشف – سخافتك- يومك وفيت
لامن عرفت إن الحبيبه.. تطلع أكبر ( ؟؟؟؟؟ ) !!!!



,,,,,,,,,,




الله يسسسعدك ...








طيّب ..
دريت إنك مع غيري الحين!
يعني بـ ظنّك لادريت آتحسّرْك ؟!


يا شاغله نفسك بقلبي ..
وبعدين؟
عيشي حياتك واتركي ما يساورْك


عيشي..!
عسى الله يسعدك واتّهنّين
منتي بـ ملهمتي.. ولا عدْت شاعرْك!


لكن .. لو إنّك لاقيه من تحبين؟
كوني (حبيبه).. عكس ما كنت خابرْك


كوني بضيقات الصدر له ميادين
يطلق عنان البال في وسْع خاطرْك


كوني لصحراه المطر .. لا تكونين
شمس الجفاف وتحرقي باقي أخضرْك!


وبلّي عروقه من حنانك .. تشوفين
وشلون ينبت في شعوره .. ويثمرْك


وْلا تكثر أعذارك عليه وتغيبين
لا تقتلي روح الرضا في تكبَرْك

وْلا من حكيتي حطي العين بالعين
وخليك مره صادقه في مشاعرْك !


وْلا يشغلك ذِكْري.. وياليت تنسين
مادام من خُبْرك وأنا ناسي أذكرْك!



:wed3000::wed3000: عبدالله الظفيري :wed3000::wed3000:

ملكة الرومنس 09-06-2012 03:52 AM

يعطيك ربي ألف عافيه
طرح رآئع وتواجد مميز ننتظر مزيد من العطاء

ودي وتقديري

Ŗờờ7 έήŠấń❥ 09-06-2012 12:34 PM

يعطيك ربي العافيه
مشكوراخوي صحن فطايرعلى الإنتقاء الجميل
وننتظرجديدك
ودي وتقديري

شمس القوايل 10-06-2012 01:56 AM

يعطيك العافيه صحن فطاير ع الطرح والاختيار الرائع

عساك ع القوه

ننتظر المزيد لاهنت

سُكـونْ 10-06-2012 02:55 AM

اهلا بـ الاخ الكريم صحن فطائر
 
يعطيك العافيه مجهوود ممميز تشكر عليه

ننتظر الجديد القادم احترااامي وتقديري :wed18000:


الساعة الآن 09:19 PM.