الى من تركتني وراحت

من كتاباتي

اتمنى ان تلامس احساسكم






يوم كنا صغار كانت ايه امانينا كثيره

_______________________ في نظرنا بس حنا مااحد ثاني معانا


كانت الاحلام غير وكانت الهقوه كبيره

______________________ والغرام اللي جمعنا اااه كم ليله خذانا


نعزف الحان المحبه بكل وادي وكل ديره

______________________ والهوى دمعة سحابه موقها هل وسقانا


غيرنا يشرب هماج وحنا نشرب من غديره

____________________ والعيون اللي احسدتنا ايه تركناها ورانا


اااه ياوقتن ذبحنا كم تحملنا سعيره

____________________ كم حملنا من جروحن ساكنه باقصى حشانا


انتهينا قبل نبدا .. كانت الخطوه عسيره

______________________ والزمان المر ليله كمل الباقي كوانا


عشت في قلبك اسير وعشتي في قلبي اسيره

_______________________ امانه باقي يالحبيبه تذكرين اول لقانا


ليلتن جيتك كسير وكنتي بالواقع كسيره

_______________________ مامدانا نحكي كلمه مامدانا مامدانا


ليله ضمت في حشاها طعنة جروحن مريره

________________________ ايه كم ليله حياتي لفنا الهم وطوانا


فارس احلامك غديت وصرتي في قلبي اميره

_______________________ صدفه ليله التقينا والزمن حن وعطانا


يازمن ظالم دخيلك قلبي عذبني مصيره

______________________ وانت تجرح ماتحاسب ارحم الليله بكانا


اكبر الاحلام كانت باب وجدار وحصيره

____________________ عش يجمعنا حبايب يحضن بقلبه هوانا


نفترش صدر الليالي شوق ودموعن غزيره

_______________________ والنجوم اللي تلالا بالسما كانت غطانا


اييه ياللي تل قلبي ماذبحني اليوم غيره

____________________ من هو غيرك تعزف الدنيا عشانه دان دانا


انت وحدك ياربيع العمر انتي ياعبيره

______________________ والله انك لو بعدتي مانقص لحظه غلانا


كيف وانتي يابعدهم ورد عمري زمهريره

_____________________ لو قسى وقتك حياتي والزمن خان وجفانا


لو وصفتك ماوصفتك رقه واحساسن وغيره

___________________ والعيون اللي اسحرتني رمشها الليله رمانا


ايه ياللي في خفوقي كل ناسي والعشيره

____________________ والهوى من شان عينك داسنا شوقه وطانا


يابعدهم مهما رحتي الاولى تبقي والاخيره

______________________ عاشقن ساقه غرامه للهوى والله بلانا


اعترف لك في بعادك هم وجروحن وحيره

______________________ شاعرن عقدين عمره فوقها شابت ثمانا


مالجرحي ياحياتي غيرك انتي اليوم سيره

_______________________ نعنبوها من جروحن همها ماقد نسانا


اااه يادرب المواجع ماقوت روحي تسيره

______________________ وانت كل اليوم همك تنطفي نجمة سمانا


مامشيت الجرح مثلي كانت انفاسك قصيره

_____________________ ماهقيت بليله تبعد تفترق لحظه خطانا


يابعد عمري وداعه روح كمل هالمسيره

_____________________ روح ربي يسعد اللي ليلتن قلبه لفانا


مااقول انك غدرتي بس اقول اليوم خيره

_______________________ باكر ا يامي تزورك لاطعن قلبك سوانا